തിരുവനന്തപുരം: ധനമന്ത്രി ഡോ. ടി.എം. തോമസ് ഐസക്ക് ധവളപത്രം നിയമസഭയില്‍ വച്ചു. സംസ്ഥാനത്തിന്റെ സാമ്പത്തികാവസ്ഥ വളരെ മോശമായ അവസ്ഥയിലാണെന്നു ധവളപത്രം ആരോപിക്കുന്നു. സംസ്ഥാനത്തിന്റെ ദൈനംദിന ചെലവുകള്‍ക്കു പണം കണെ്്ടത്തുവാന്‍ സര്‍ക്കാര്‍ വിഷമിക്കുകയാണെന്നും കരാറുകാരുടെ ബില്ലുകള്‍ 1600 കോടി കുടിശികയാണെന്നും ധവളപത്രത്തില്‍ പറയുന്നു. 5900 കോടി രൂപ സംസ്ഥാനത്തിന് അടിയന്തരമായി വേണമെന്നും സംസ്ഥാനത്തിന്റെ പൊതുകടം ഒന്നരലക്ഷം കോടി രൂപയാണെന്നും ധനമന്ത്രി ധവളപത്രത്തില്‍ പറയുന്നു.
അംഗീകൃത പദ്ധതിയുടെ അടങ്കലിനേക്കാള്‍ 10 ശതമാനം കുറവാണ് സമാഹരിക്കുവാന്‍ കഴിയുമെന്ന വിഭവം. മൂലധന നിക്ഷേപത്തിന് വേണ്്ടത്ര പണമില്ല. കരാറുകാരുടെ ബില്ലുകള്‍ 1600 കോടി രൂപ കുടിശിഖയാണ്. ഇതുമൂലം നിര്‍ണായക ഇടപെടലുകള്‍ക്ക് സര്‍ക്കാരിന് സാധിക്കുന്നില്ല. 2006 മാര്‍ച്ച് മാസത്തില്‍ 146 കോടി രൂപയായിരുന്നു ട്രഷറി കാഷ് ബാലന്‍സ്. പിന്നീടുള്ള ഓരോ വര്‍ഷവും ഇത് അനുക്രമമായി വര്‍ധിച്ച് 2011 ല്‍ 3,513 കോടി രൂപയായി തീര്‍ന്നു. പിന്നീട് യുഡിഎഫ് അധികാരത്തില്‍എത്തിയതിനുശേഷം ആദ്യ ധനകാര്യ വര്‍ഷം അവസാനിച്ചപ്പോള്‍ ട്രഷറി കാഷ് ബാലന്‍സ് 2,711 കോടി രൂപയായി കുറഞ്ഞു. ഇപ്രകാരം ഓരോ വര്‍ഷവും കുറഞ്ഞുകുറഞ്ഞ് 2015 ല്‍ 142 കോടി രൂപയായി. 2016ല്‍ ഇത് 173 കോടി രൂപ കമ്മിയായി.
സ്ഥാനമൊഴിഞ്ഞ യുഡിഎഫ് ഭരണകാലത്ത് ചെലവ് ഞെരുക്കിയില്ല, വരുമാനം കൂട്ടിയതുമില്ല. ഇതുമൂലം സാമ്പത്തിക ദൃഢീകരണ പ്രവണത അപ്രത്യക്ഷമായി. 2015 ആയപ്പോഴേക്കും റവന്യൂകമ്മി 2.65 ശതമാനമായി ഉയര്‍ന്നു. 2011 ല്‍ 3673 കോടി രൂപയായിരുന്ന റവന്യൂകമ്മി 2015 ല്‍ 13,795 കോടി രൂപയായി പെരുകി. 2016-17ല്‍ ഇത് 8,199 കോടി രൂപയായി കുറഞ്ഞെങ്കിലും അനിവാര്യമായ ചെലവുകള്‍ പിറ്റേവര്‍ഷത്തേക്ക് വകമാറ്റിക്കൊണ്്ടാണ് ഈ കുറവ് കൃത്രിമമായി നേടിയെടുത്തത്.
രണ്്ട് കാര്യങ്ങളാണ് പ്രതിസന്ധിയുടെ കാരണങ്ങളായി ധവളപത്രം ചൂണ്്ടിക്കാണിക്കുന്നത്. ഒന്നാമത്തേത്, ചില ചെലവിനങ്ങളില്‍ ഉണ്്ടായിട്ടുള്ള ക്രമാതീതമായ വര്‍ധനയാണ്. ലഭ്യമായ വിഭവത്തെക്കാള്‍ ഉയര്‍ന്ന അടങ്കലാണ് പദ്ധതികളില്‍ പ്രഖ്യാപിച്ചുവന്നത്. അതുപോലെ പണം വകയിരുത്താതെയാണ് ബഡ്ജറ്റ് പ്രസംഗങ്ങളില്‍ 1000 കോടി രൂപ വീതം ഓരോ വര്‍ഷവും പുതിയ പ്രഖ്യാപനങ്ങള്‍ നടത്തിവന്നത്. അഴിമതിയും കെടുകാര്യസ്ഥതയും മൂലമാണ് നികുതി വരുമാന വളര്‍ച്ചയില്‍ വന്‍ കുറവ് ഉണ്്ടായിട്ടുള്ളതെന്നും ധവളപത്രത്തില്‍ പറയുന്നു.
പദ്ധതിയിതര റവന്യൂ ചെലവിലുണ്്ടാകുന്ന വര്‍ധനവ് എല്‍ഡിഎഫ് ഭരണകാലത്ത് മൊത്തം റവന്യൂ ചെലവിന്റെ 27 ശതമാനമായിരുന്നെങ്കില്‍ യുഡിഎഫ് ഭരണകാലത്ത് അത് 30 ശതമാനമായി ഉയര്‍ന്നതായും ധവളപത്രത്തില്‍ ചൂണ്്ടിക്കാണിക്കുന്നു. സര്‍ക്കാരിന്റെ തനതു നികുതി വരുമാനത്തില്‍ വന്‍ ഇടിവുണ്്ടായതായും ധനമന്ത്രി ആരോപിക്കുന്നു.
ആനുകൂല്യങ്ങളില്‍ കുറവുവരുത്താതെ റവന്യൂ ചെലവുകള്‍ നിയന്ത്രിച്ച് നിര്‍ത്തിയും ശമ്പളം, പെന്‍ഷന്‍, പലിശ ഒഴികെയുള്ള പദ്ധതിയിതര ചെലവ് കര്‍ക്കശമായി നിയന്ത്രിച്ചു നിര്‍ത്തിയുമാണ് ഈ പ്രതിസന്ധിയെ നേരിടാന്‍ സാധിക്കുകയെന്നും ധവളപത്രത്തില്‍ പരാമര്‍ശിക്കുന്നു. നികുതിയില്‍ വര്‍ധനവ് വരുത്തുമെന്നും ധനമന്ത്രി സൂചന നല്‍കുന്നുണ്്ട്.
