തൽക്കാലം തൽക്കാല ജീവനക്കാർ പോകട്ടെ… മൃ​ത​ദേ​ഹം മാ​റി​നൽകിയ സം​ഭ​വം; ഏകപക്ഷീയമായ തീരുമാനത്തിനെതിരേ ന​ഴ്സു​മാ​രുടെയും ജീ​വ​ന​ക്കാ​രുടെയും പ്ര​തി​ഷേ​ധ സ​മ​രം

പാ​ല​ക്കാ​ട്: ജി​ല്ലാ ആ​ശു​പ​ത്രി​യി​ൽ മൃ​ത​ദേ​ഹം മാ​റി ന​ൽ​കി​യ സം​ഭ​വ​ത്തി​ൽ പി​രി​ച്ചു​വി​ട്ട താ​ത്ക്കാ​ലി​ക ന​ഴ്സു​മാ​രെ തി​രി​ച്ചെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് ന​ഴ്സു​മാ​രും ജീ​വ​ന​ക്കാ​രും പ്ര​തി​ഷേ​ധ സ​മ​രം ന​ട​ത്തി.

സം​ഭ​വ​ത്തി​ൽ യ​ഥാ​ർ​ഥ കു​റ്റ​ക്കാ​രെ ശി​ക്ഷി​ക്കാ​തെ ന​ഴ്സു​മാ​രെ ബ​ലി​യാ​ടാ​ക്കാ​നു​ള്ള തീ​രു​മാ​നം പു​ന​പ​രി​ശോ​ധി​ക്കാ​ത്ത​പ​ക്ഷം പ​ണി​മു​ട​ക്ക് ഉ​ൾ​പ്പെ​ടെ സ​മ​ര പ​രി​പാ​ടി​യു​മാ​യി മു​ന്നോ​ട്ട് പോ​കാ​നാ​ണ് തീ​രു​മാ​ന​മെ​ന്ന് ന​ഴ്സു​മാ​ർ പ​റ​യു​ന്നു.

ജി​ല്ലാ ആ​ശു​പ​ത്രി​യി​ൽ അ​ട്ട​പ്പാ​ടി സ്വ​ദേ​ശി​യാ​യ ആ​ദി​വാ​സി യു​വ​തി​യു​ടെ മൃ​ത​ദേ​ഹം മാ​റി ന​ൽ​കി​യ സം​ഭ​വ​ത്തി​ൽ സ്വീ​ക​രി​ച്ച ന​ട​പ​ടി​യി​ൽ അ​പാ​ക​ത​യു​ണ്ടാ​യ​താ​യും മേ​ധാ​വി​ക​ൾ പ​റ​ഞ്ഞ​ത​നു​സ​രി​ച്ച് മാ​ത്ര​മാ​ണ് പ്ര​വ​ർ​ത്തി​ച്ച​തെ​ന്നും ന​ഴ്സു​മാ​ർ ആ​രോ​പി​ക്കു​ന്നു.

ജി​ല്ലാ മെ​ഡി​ക്ക​ൽ ഓ​ഫീ​സ​റു​ടെ നേ​തൃ​ത്വ​ത്തി​ൽ അ​ന്വേ​ഷ​ണം ന​ട​ത്തി അ​ഞ്ച് താ​ത്ക്കാ​ലി​ക ജീ​വ​ന​ക്കാ​രെ പി​രി​ച്ചു വി​ടു​ക​യും ഒ​രു അ​റ്റ​ൻ​ഡ​റെ സ​സ്പെ​ന്‍റ് ചെ​യ്തു​വെ​ങ്കി​ലും മോ​ർ​ച്ച​റി​യു​ടെ ചു​മ​ത​ല​യു​ള്ള ആ​ർ​എം​ഒ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രെ ന​ട​പ​ടി​യെ​ടു​ക്കാ​തെ സ്ഥി​രം ജീ​വ​ന​ക്കാ​രെ ര​ക്ഷി​ക്കാ​നു​ള്ള ശ്ര​മം ന​ട​ത്തു​ക​യാ​യി​രു​ന്നു.

ആ​ശു​പ​ത്രി സൂ​പ്ര​ണ്ടി​ന്‍റെ ഏ​ക​പ​ക്ഷീ​യ​മാ​യ തീ​രു​മാ​നം പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് ഇ​ന്ന​ലെ രാ​വി​ലെ ആ​ശു​പ​ത്രി​ക്ക് മു​ന്നി​ൽ ന​ഴ്സു​മാ​രും ജീ​വ​ന​ക്കാ​രും സൂ​ച​നാ സ​മ​രം ന​ട​ത്തി​യ​ത്.

അ​തേ​സ​മ​യം അ​ന്വേ​ഷ​ണ റി​പ്പോ​ർ​ട്ടി​ന്‍റെ പ​ക​ർ​പ്പ് ആ​രോ​ഗ്യ​വ​കു​പ്പി​ന്‍റെ പ​രി​ഗ​ണ​ന​യി​ലു​ണ്ടെ​ന്നും കൂ​ടു​ത​ൽ ന​ട​പ​ടി​ക്ക് സാ​ധ്യ​ത​യു​ണ്ടെ​ന്നു​മാ​ണ് ആ​ശു​പ​ത്രി സൂ​പ്ര​ണ്ട് പ​റ​യു​ന്ന​ത്.