ബൊ​ളീ​വി​യ​യി​ൽ ഇ​ട​തു​ഭ​ര​ണ​ത്തി​ന് അ​ന്ത്യം​കു​റി​ച്ച് വോ​ട്ട​ർ​മാ​ർ: റൊ​ദ്രി​ഗോ പാ​സ് പു​തി​യ പ്ര​സി​ഡ​ന്‍റ്

ലാ ​പാ​സ്: തെ​ക്കേ അ​മേ​രി​ക്ക​ൻ രാ​ജ്യ​മാ​യ ബൊ​ളീ​വി​യ​യി​ൽ ര​ണ്ടു പ​തി​റ്റാ​ണ്ടു നീ​ണ്ട ഇ​ട​തു​പ​ക്ഷ ഭ​ര​ണ​ത്തി​ന് അ​ന്ത്യം കു​റി​ച്ച് മ​ധ്യ നി​ല​പാ​ടു​ക​ൾ പു​ല​ർ​ത്തു​ന്ന ക്രി​സ്ത്യ​ൻ ഡെ​മോ​ക്രാ​റ്റി​ക് പാ​ർ​ട്ടി നേ​താ​വ് റൊ​ദ്രി​ഗോ പാ​സ് പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ടു.

സാ​മൂ​ഹ്യ​സു​ര​ക്ഷാ പ​ദ്ധ​തി​ക​ൾ​ക്കൊ​പ്പം സ്വ​കാ​ര്യ നി​ക്ഷേ​പ​ത്തി​ൽ അ​ധി​ഷ്ഠി​ത​മാ​യ വി​ക​സ​ന​വും പ്രോ​ത്സാ​ഹി​പ്പി​ക്ക​ണം എ​ന്നു വാ​ദി​ക്കു​ന്ന റൊ​ദ്രി​ഗോ ന​വം​ബ​ർ എ​ട്ടി​നാ​ണു സ​ത്യ​പ്ര​തി​ജ്ഞ ചെ​യ്യു​ക. ബൊ​ളീ​വി​യ​യെ ലോ​ക​ത്തി​നാ​യി തു​റ​ന്നു​കൊ​ടു​ക്കു​മെ​ന്ന് അ​ദ്ദേ​ഹം തെ​ര​ഞ്ഞെ​ടു​പ്പു വി​ജ​യ​ത്തി​നു​ശേ​ഷം പ്ര​ഖ്യാ​പി​ച്ചു.

മൂ​വ്മെ​ന്‍റ് ഫോ​ർ സോ​ഷ്യ​ലി​സം എ​ന്ന ഇ​ട​തു പാ​ർ​ട്ടി​യു​ടെ 2006 മു​ത​ലു​ള്ള ഭ​ര​ണ​ത്തി​ൽ ബൊ​ളീ​വി​യ​ൻ സാ​ന്പ​ത്തി​ക​മേ​ഖ​ല ത​ക​ർ​ന്ന​ടി​ഞ്ഞ​പ്പോ​ൾ പ​ര​ന്പ​രാ​ഗ​ത വോ​ട്ട​ർ​മാ​ർ മാ​റി​ച്ചി​ന്തി​ച്ച​താ​ണ് റൊ​ദ്രി​ഗ​സി​ന്‍റെ വി​ജ​യ​ത്തി​നു വ​ഴി​ച്ച​ത്.

ര​ണ്ടാം ഘ​ട്ട​ത്തി​ലേ​ക്കു നീ​ണ്ട തെ​ര​ഞ്ഞെ​ടു​പ്പി​ൽ യാ​ഥാ​സ്ഥി​തി​ക നി​ല​പാ​ടു​ക​ൾ പു​ല​ർ​ത്തു​ന്ന മു​ൻ പ്ര​സി​ഡ​ന്‍റ് ഹോ​ർ​ഹെ ടൂ​ട്ടോ ക്വി​രോ​ഗ​യെ​യാ​ണ് റൊ​ദ്രി​ഗ​സ് പ​രാ​ജ​യ​പ്പെ​ടു​ത്തി​യ​ത്. ഒ​ന്നാം ഘ​ട്ട തെ​ര​ഞ്ഞെ​ടു​പ്പി​ൽ മൂ​വ്മെ​ന്‍റ് ഫോ​ർ സോ​ഷ്യ​ലി​സം പാ​ർ​ട്ടി സ്ഥാ​നാ​ർ​ഥി​യും ആ​ഭ്യ​ന്ത​ര മ​ന്ത്രി​യു​മാ​യ എ​ഡ്വാ​ർ​ഡോ ഡെ​ൽ കാ​സ്റ്റി​ല്ലോ​യ്ക്ക് മൂ​ന്നു ശ​ത​മാ​നം വോ​ട്ടു മാ​ത്ര​മാ​ണു ല​ഭി​ച്ച​ത്.

അ​തേ​സ​മ​യം, റൊ​ദ്രി​ഗോ​യു​ടെ ക്രി​സ്റ്റ്യ​ൻ ഡെ​മോ​ക്രാ​റ്റി​ക് പാ​ർ​ട്ടി​ക്ക് പാ​ർ​ല​മെ​ന്‍റി​ൽ ഭൂ​രി​പ​ക്ഷ​മി​ല്ല. ഭ​ര​ണം സു​ഗ​മ​മാ​ക്കു​ന്ന​തി​ന് അ​ദ്ദേ​ഹ​ത്തി​ന് ഇ​ത​ര ക​ക്ഷി​ക​ളു​ടെ സ​ഹാ​യം വേ​ണ്ടി​വ​രും.