ജ​യി​ലു​ക​ളി​ല്‍ “വി​ല്ല​നാ​യി’ കൊ​തു​കു​ക​ൾ; കൊതുകുതിരിക്കെതിരേ ഡിജിപി കട്ടക്കലിപ്പിൽ; ഉ​റ​ങ്ങാ​തെ ത​ട​വു​കാ​ര്‍, പേ​ടി​ച്ച് ജീ​വ​ന​ക്കാ​രും;  സ​മാ​ധാ​നാ​ന്ത​രീ​ക്ഷം ത​ക​രു​മെ​ന്ന് സൂ​പ്ര​ണ്ടു​മാ​ര്‍

കെ. ​ഷി​ന്‍റു​ലാ​ല്‍
കോ​ഴി​ക്കോ​ട്: ജ​യി​ലു​ക​ളി​ല്‍ കൊ​തു​കു​ക​ള്‍ “സം​ഘ​ര്‍​ഷ സാ​ധ്യ​ത’ സൃ​ഷ്ടി​ക്കു​ന്ന​താ​യി സൂ​പ്ര​ണ്ടു​മാ​ര്‍. സെ​ന്‍​ട്ര​ല്‍ ജ​യി​ലു​ക​ള്‍ മു​ത​ല്‍ സ​ബ്ജ​യി​ലു​ക​ളി​ല്‍​വ​രെ കൊ​തു​കു​തി​രി ത​ട​വു​കാ​രു​ടെ കൈ​വ​ശം എ​ത്തു​ന്ന​തു ത​ട​യ​ണ​മെ​ന്ന് ഡി​ജി​പി ഋ​ഷി​രാ​ജ് സിം​ഗ് ഉ​ത്ത​ര​വ് പു​റ​പ്പെ​ടു​വി​ച്ച​തി​നെ തു​ട​ര്‍​ന്നാ​ണ് ജ​യി​ല്‍ ജീ​വ​ന​ക്കാ​രു​ടെ ഉ​റ​ക്കം ന​ഷ്ട​പ്പെ​ട്ട​ത്.

ത​ട​വു​കാ​ര്‍​ക്ക് സെ​ല്ലു​ക​ളി​ല്‍ കൊ​തു​കു​തി​രി ഉപ​യോ​ഗി​ക്കാ​ന്‍ ന​ല്‍​കാ​ത്ത​തി​നെ ചൊ​ല്ലി പ​ല​യി​ട​ത്തും ജ​യി​ല്‍​ജീ​വ​ന​ക്കാ​രും ത​ട​വു​കാ​രും ത​മ്മി​ല്‍ പ്ര​ശ്‌​ന​ങ്ങ​ളു​ണ്ടാ​വു​ന്നു​ണ്ട്.

സം​സ്ഥാ​ന​ത്തെ മി​ക്ക ജ​യി​ലു​ക​ളി​ലും കൊ​തു​കു​ശ​ല്യം രൂ​ക്ഷ​മാ​ണ്. കൊ​തു​കു​തി​രി ഉ​പ​യോ​ഗി​ക്കു​ന്ന​തി​ലൂ​ടെ​യാ​ണ് ഒ​രു പ​രി​ധി​വ​രെ ത​ട​വു​കാ​ര്‍​ക്ക് സെ​ല്ലു​ക​ളി​ല്‍ രാ​ത്രി​യി​ല്‍ ഉ​റ​ങ്ങാ​ന്‍ ക​ഴി​യു​ന്ന​ത്.

എ​ന്നാ​ല്‍ കൊ​തു​കു​തി​രി​ക്ക് അ​പ്ര​തീ​ക്ഷി​ത വി​ല​ക്കേ​ര്‍​പ്പെ​ടു​ത്തി​യ​തോ​ടെ രാ​ത്രി​യി​ല്‍ ത​ട​വു​കാ​രു​ടെ ഉ​റ​ക്ക​വും ന​ഷ്ട​മാ​യി.

വിലക്കിനു പിന്നിൽ!
നി​ല​വി​ലെ സാ​ഹ​ച​ര്യ​ത്തി​ല്‍ പ​ല ജ​യി​ലു​ക​ളി​ലും ജീ​വ​ന​ക്കാ​ര്‍ ഭീ​തി​യോ​ടെ​യാ​ണ് ഡ്യൂ​ട്ടി​യെ​ടു​ക്കു​ന്ന​ത്. കൊ​തു​കു​തി​രി വി​ല​ക്കി​യി​ട്ടും കൊ​തു​കു​ശ​ല്യം കു​റ​യ്ക്കാ​നു​ള്ള ന​ട​പ​ടി​യും ജ​യി​ല്‍​വ​കു​പ്പ് നി​ര്‍​ദേ​ശി​ച്ചി​ട്ടി​ല്ല.

ഇ​തോ​ടെ ജ​യി​ല്‍ സൂ​പ്ര​ണ്ടു​മാ​ര്‍ പ​ക​രം സം​വി​ധാ​ന​ത്തി​നാ​യി നെ​ട്ടോ​ട്ട​മോ​ടു​ക​യാ​ണ്. ത​ട​വു​കാ​ര്‍​ക്കി​ട​യി​ല്‍ ആ​ത്മ​ഹ​ത്യാ പ്ര​വ​ണ​ത വ​ര്‍​ധി​ച്ച​തോ​ടെ​യാ​ണ് സെ​ല്ലു​ക​ളി​ല്‍ കൊ​തു​കു​തി​രി​യ​ട​ക്കം വി​ല​ക്കി ഈ ​മാ​സം അ​ഞ്ചി​ന് ജ​യി​ല്‍ ഡി​ജി​പി ഉ​ത്ത​ര​വ് പു​റ​പ്പെ​ടു​വി​ച്ച​ത്.

സെ​ല്ലു​ക​ളി​ല്‍ ക​ഴി​യു​ന്ന പ്ര​തി​ക​ള്‍ കൊ​തു​കു​തി​രി, ക​ര്‍​ച്ചീ​ഫ്, സാ​നി​റ്റൈ​സ​ര്‍ നി​ര്‍​മാ​ണ​ത്തി​ന് ഉ​പ​യോ​ഗി​ക്കു​ന്ന ആ​ല്‍​ക്ക​ഹോ​ള്‍ എ​ന്നി​വ ഉ​പ​യോ​ഗി​ച്ച് ആ​ത്മ​ഹ​ത്യാ​ശ്ര​മം ന​ട​ത്തു​ന്ന​താ​യി ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും ജ​യി​ല്‍ ച​ട്ട​ത്തി​ല്‍ അ​നു​ശാ​സി​ക്കാ​ത്ത ഇ​ത്ത​രം സാ​ധ​ന​ങ്ങ​ള്‍ ത​ട​വു​കാ​രു​ടെ കൈ​വ​ശം എ​ത്തു​ന്ന​തു ത​ട​യു​ന്ന​തി​ന് ഉ​ദ്യോ​ഗ​സ്ഥ​രു​ടെ ഭാ​ഗ​ത്ത് നി​ന്ന് മ​തി​യാ​യ പ​രി​ശോ​ധ​ന ഉ​ണ്ടാ​ക​ണ​മെ​ന്നു​മാ​ണ് ഡി​ജി​പി​യു​ടെ നി​ര്‍​ദേ​ശം.

അ​തേ​സ​മ​യം സൂ​പ്ര​ണ്ടു​മാ​രി​ല്‍ പ​ല​രും അ​ത​ത് ഡി​ഐ​ജി​മാ​രോ​ട് ഉ​ത്ത​ര​വു ന​ട​പ്പാ​ക്കു​ന്ന​തി​ലെ പ്രാ​യോ​ഗി​ക ബു​ദ്ധി​മു​ട്ടു​ക​ള്‍ അ​നൗ​ദ്യോ​ഗി​ക​മാ​യി അ​റി​യി​ച്ചി​ട്ടു​ണ്ട്.

കൊ​തു​കു​തി​രി വി​ഷ​യ​ത്തി​ല്‍ ഡി​ജി​പി പു​റ​ത്തി​റ​ക്കി​യ ഉ​ത്ത​ര​വു പി​ന്‍​വ​ലി​ക്കാ​ത്ത പ​ക്ഷം ജ​യി​ലി​ല്‍ സം​ഘ​ര്‍​ഷാ​വ​സ്ഥ​യ്ക്കു വ​രെ സാ​ധ്യ​ത​യു​ണ്ടാ​കു​മെ​ന്നാ​ണ് ജീ​വ​ന​ക്കാ​ര്‍ പ​റ​യു​ന്ന​ത്.

Related posts

Leave a Comment