പാ​ല​ക്കാ​ട് റെ​യി​ൽ​വേ സ്റ്റേ​ഷ​നി​ൽ പ്ലാ​റ്റ്ഫോ​മി​ൽനി​ന്നു ട്രാ​ക്കി​ലേ​ക്കു വീ​ണ് യു​വാ​വി​ന്‍റെ കാ​ലു​ക​ള​റ്റു

പാ​ല​ക്കാ​ട്: ഒ​ല​വ​ക്കോ​ട് റെ​യി​ല്‍​വേ സ്റ്റേ​ഷ​നി​ൽ നാ​ട്ടി​ലേ​ക്കു ട്രെ​യി​ൻ ക​യ​റാ​ൻ എ​ത്തി​യ അ​ന്യ​സം​സ്ഥാ​ന തൊ​ഴി​ലാ​ളി യു​വാ​വ് റെ​യി​ൽ​വേ ട്രാ​ക്കി​ലേ​ക്ക് വീ​ണ് ഇ​രു​കാ​ലു​ക​ളും അ​റ്റു. പ​ശ്ചി​മ ബം​ഗാ​ള്‍ മീ​ര സ്വ​ദേ​ശി സ​ബീ​ര്‍ സെ​യ്ഖി​ന്‍റെ (35) കാ​ലു​ക​ളാ​ണ് ഇ​ന്ന​ലെ വൈ​കു​ന്നേ​രം ഉ​ണ്ടാ​യ അ​പ​ക​ട​ത്തി​ൽ ന​ഷ്ട​മാ​യ​ത്.

ഇ​രു​കാ​ലു​ക​ളു​ടെ​യും മു​ട്ടി​നു​താ​ഴെ അ​റ്റു​പോ​യ സ​ബീ​റി​നെ ആ​ദ്യം ജി​ല്ലാ ആ​ശു​പ​ത്രി​യി​ലേ​ക്കും പി​ന്നീ​ട് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലേ​ക്കും മാ​റ്റി. ഇ​ന്ന​ലെ വൈ​കു​ന്നേ​രം ആ​റേ​കാ​ലോ​ടെ​യാ​ണ് ദാ​രു​ണ​മാ​യ ദു​ര​ന്തം ഉ​ണ്ടാ​യ​ത്. നാ​ട്ടി​ലേ​ക്കു പോ​കാ​നാ​യി എ​ത്തി​യ​താ​ണെ​ന്ന് ക​രു​തു​ന്ന സ​ബീ​ർ ട്രെ​യി​നി​ൽ ഓ​ടി​ക​യ​റു​ന്ന​തി​നി​ടെ പ്ലാ​റ്റ്ഫോ​മി​നും ട്രെ​യി​നും ഇ​ട​യി​ലൂ​ടെ ട്രാ​ക്കി​ലേ​ക്ക് വീ​ഴു​ക​യാ​യി​രു​ന്നെ​ന്ന് ദൃ​ക്സാ​ക്ഷി​ക​ൾ പ​റ​യു​ന്നു.

എ​ന്നാ​ൽ കോ​യ​മ്പ​ത്തൂ​ര്‍ ഈ​റോ​ഡ് ഭാ​ഗ​ത്തേ​ക്ക് പോ​കാ​നാ​യി ര​ണ്ടാ​മ​ത്തെ പ്ലാ​റ്റ്‌​ഫോ​മി​ല്‍ നി​ര്‍​ത്തി​യി​ട്ടി​രു​ന്ന ഗു​ഡ്സ് ട്രെ​യി​ൻ പോ​കു​വാ​ൻ തു​ട​ങ്ങു​ന്പോ​ൾ സ​ബീ​ർ ട്രാ​ക്കി​ലേ​ക്കു വീ​ഴു​ക​യാ​യി​രു​ന്നെ​ന്നും പ​റ​യു​ന്നു​ണ്ട്. ഇ​ക്കാ​ര്യം റെ​യി​ൽ​വേ പോ​ലീ​സ് സ്ഥി​രീ​ക​രി​ച്ചി​ട്ടി​ല്ല. ട്രെ​യി​നി​ന്‍റെ പി​റ​കി​ലെ കോ​ച്ചു​ക​ളു​ടെ ച​ക്ര​ങ്ങ​ളാ​ണ് കാ​ലി​ലൂ​ടെ ക​യ​റി​യ​ത്.

അ​പ​ക​ടം സം​ഭ​വി​ച്ച ഉ​ട​നേ യു​വാ​വി​നെ റെ​യി​ല്‍​വേ ജീ​വ​ന​ക്കാ​രും യാ​ത്ര​ക്കാ​രും ചേ​ര്‍​ന്ന് ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. അ​റ്റു​പോ​യ കാ​ലു​ക​ൾ പ്ര​ത്യേ​കം ബോ​ക്സി​ലാ​ക്കി ആ​ശു​പ​ത്രി​യി​ലേ​ക്കു കൊ​ണ്ടു​പോ​യി.കോ​ഴി​ക്കോ​ട്ടു​ള്ള സ്വ​കാ​ര്യ ടൈ​ല്‍​സ് ക​ട​യി​ല്‍ ജോ​ലി​ക്കാ​ര​നാ​ണ് സ​ബീ​ർ. ഇ​വ​രെ​യും ബ​ന്ധു​ക്ക​ളെ​യും ആ​ശു​പ​ത്രി അ​ധി​കൃ​ത​ർ വി​വ​ര​മ​റി​യി​ച്ചി​ട്ടു​ണ്ട്.