വെറും നാലു മാസം മാത്രമാണ് നോറ എന്ന കുഞ്ഞിന്റെ പ്രായം. തലച്ചോറിന്റെ പ്രവര്‍ത്തനം നശിപ്പിച്ച ഒരു സ്‌ട്രോക്കിന് ശേഷം കൃത്രിമ ഉപകരണങ്ങളുടെ സഹായത്തോടെയാണു ഇപ്പോള്‍ ഇവളുടെ ജീവന്‍ നിലനിര്‍ത്തുന്നത്. എന്നാല്‍, അധികം നാള്‍ ഇങ്ങനെ പോകാന്‍ കഴിയില്ല എന്നതാണു ദുഖസത്യം. സമയം കഴിയുന്തോറും ഇവള്‍ക്കു ഗുരുതരമായ ഹൃദയാഘാതം ഉണ്ടാവാനുള്ള സാധ്യത കൂടിവരികയാണ്.
അങ്ങനെ വന്നാല്‍ ദാരുണമായ മരണമായിരിക്കും സംഭവിക്കുക എന്നതിനാല്‍ കൃത്രിമ ഉപകരണങ്ങള്‍ വിച്ഛേദിക്കാന്‍ ഒരുങ്ങുകയാണു മാതാപിതാക്കളായ മേരിയും ജോണും. വേദനയോടെയെങ്കിലും ഇത് ചെയ്ത് ശാന്തമായ ഒരു മരണം നോറയ്ക്ക് നല്‍കുകയെന്നതു മാത്രമാണ് പോംവഴിയെന്നു അമ്മയായ മേരി ഫേസ്ബുക്കില്‍ കുറിച്ചു. പക്ഷേ, ഇതിനു തടസം നില്ക്കുന്നതു മറ്റാരുമല്ല വീട്ടിലെ രണ്ടു വളര്‍ത്തുനായ്ക്കളാണ്. ബാസറ്റ് ഹൗണ്ട് ഇനത്തില്‍പെട്ട ഈ നായ്ക്കള്‍ കുഞ്ഞിന്റെ അടുത്തു തന്നെ ഇരിപ്പുറപ്പിച്ചിരിക്കുകയാണ്. ആരെയും അടുത്തേക്ക് അടുപ്പിക്കുന്നില്ല.
അവര്‍ക്കു കൂടുതല്‍ കാര്യങ്ങളൊന്നും മനസിലാകുന്നില്ലെങ്കിലും മനുഷ്യനോടുള്ള വിശ്വസ്തതയും സ്‌നേഹവും ഒരിക്കല്‍കൂടി തെളിയിക്കുകയാണ് നായ്ക്കള്‍. ഏതാനും ദിവസങ്ങള്‍ക്കകം കുഞ്ഞുനോറയുടെ ഹ്രസ്വജീവിതം അവസാനിക്കുമെന്ന വാര്‍ത്ത മാതാപിതാക്കളെയെന്ന പോലെ സോഷ്യല്‍ മീഡിയയെയും കരയിക്കുകയാണ്.
ഹൃദയഭേദകമായ ചിത്രങ്ങള്‍ കാണാം
