ഓസ്ലോ: ഇരട്ട പൗരത്വം അനുവദിക്കുന്നതിലേക്ക് നോര്‍വേ ഒരു പടി കൂടി അടുത്തു. ഇരട്ട പൗരത്വം അനുവദിക്കാത്ത ഏക നോര്‍ഡിക് രാജ്യവും യൂറോപ്പിലെ അപൂര്‍വം രാജ്യങ്ങളിലൊന്നുമാണ് നോര്‍വേ ഇപ്പോള്‍.
ഇപ്പോള്‍ സുപ്രധാനമായ നയം മാറ്റത്തിന് അനുകൂലമാണ് രാജ്യത്തെ രാഷ്ട്രീയ നിലപാടുകള്‍. ഇതു സംബന്ധിച്ചു പഠിച്ച പാര്‍ലമെന്ററി സമിതി, ഇരട്ട പൗരത്വം അനുവദിക്കാന്‍ സര്‍ക്കാരിനോടു ശിപാര്‍ശ ചെയ്തിരിക്കുകയാണ്.
വിദേശികള്‍ക്ക് നോര്‍വീജിയന്‍ പൗരത്വം നേടാന്‍ ജന്മനാട്ടിലെ പൗരത്വം ഉപേക്ഷിക്കേണ്ടി വരുന്ന സ്ഥിതിയാണിപ്പോള്‍ ഇന്നത്തെ ആഗോള സമൂഹ ഘടനയുമായി ഒത്തുപോകുന്നതല്ല ഈ രീതിയെന്ന് സമിതിയുടെ റിപ്പോര്‍ട്ടില്‍ അഭിപ്രായപ്പെടുന്നു.
റിപ്പോര്‍ട്ട്: ജോസ് കുമ്പിളുവേലില്‍
