ഫൈലോപ്ലാസ്റ്റി(Pyeloplasty) എന്ന ശസ്ത്രക്രിയയാണു ചെയ്യുന്നത്. വൃക്കയി ലേക്കുള്ള നാളിയിൽ മൂത്രതടസം നേരിടുന്ന ഭാഗം നീക്കം ചെയ്ത് ബാക്കി ഭാഗം കൂട്ടിയോജിപ്പിച്ച ശേഷം ഒരു സ്റ്റെന്‍റ് ഇടുകയും, പിന്നീട് ഒരു മാസത്തിനുശേഷം ഇതു നീക്കം ചെയ്യുകയും തുടര്‍ന്നുള്ള ചികിത്സ നല്‍കുകയും ചെയ്യുന്നു. ശസ്ത്രക്രിയയ്ക്കുശേഷം 1-3 മാസത്തിനുശേഷം വൃക്കവീക്കം കുറഞ്ഞോ എന്നത് സ്‌കാനിംഗിലൂടെ പരിശോധിക്കണം.
ന്യൂക്ലിയാർ സ്കാൻ
വൃക്കയുടെ പ്രവര്‍ത്തനം നടത്തുന്ന ഭാഗത്ത് മുമ്പ് കട്ടി കുറഞ്ഞിരുന്നുവെങ്കില്‍ ശസ്ത്രക്രിയയ്ക്കുശേഷം അവിടെ കട്ടി കൂടുന്നുണ്ടോ എന്നു പരിശോധിക്കേണ്ടതാണ്. ശസ്ത്രക്രിയയ്ക്കുശേഷം ഒരു വര്‍ഷം തുടര്‍ച്ചയായ ഇടവേളകളില്‍ ഡോക്ടറെ കാണേണ്ടതാണ്. പിന്നീട് ന്യൂക്ലിയര്‍ സ്‌കാന്‍ ചെയ്തതിനുശേഷം വൃക്കവീക്കം കുറഞ്ഞെന്ന് ഉറപ്പുവരുത്തേണ്ടതുമാണ്.
95% വിജയ സാധ്യത
ചില കുഞ്ഞുങ്ങളില്‍ ശസ്ത്രക്രിയയ്ക്കുശേഷവും വൃക്കകളുടെ വലുപ്പം കൂടിയതായി കണ്ടുവരാറുണ്ട്. ആദ്യം വീക്കം വന്നതിനാല്‍ വൃക്കകളുടെ ഇലാസ്തികത നഷ്ടമായതു കൊണ്ടാണ് വീക്കം ഉള്ളതായി കാണുന്നത്. മൂത്രതടസലക്ഷണം ഒന്നും തന്നെ ഇല്ലെങ്കില്‍ ആശങ്കപ്പെടേണ്ടതില്ല. ഈ സാഹചര്യത്തില്‍ വീണ്ടും ശസ്ത്രക്രിയയുടെ ആവശ്യമില്ല. 95% വിജയ സാധ്യതയുള്ള ഒരു ശസ്ത്രക്രിയയാണ് ഫൈലോപ്ലാസ്റ്റി Pyeloplasty).
ശസ്ത്രക്രിയ ചെയ്യേണ്ടത്…
നവജാതശിശുക്കളില്‍ സ്‌കാന്‍ ചെയ്യുമ്പോള്‍ വൃക്കയുടെ വലിപ്പം വളരെ കൂടുതലായി കാണുകയാണെങ്കില്‍ ബാക്കി പരിശോധനകള്‍ക്കുശേഷം മൂത്രതടസം നേരിടുന്നു എന്നു മനസിലാക്കിയാല്‍ ഉടനെതന്നെ ശസ്ത്രക്രിയ ചെയ്യേണ്ടതാണ്.
സാധാരണയായി ടെസ്റ്റുകള്‍ എല്ലാം ചെയ്തതിനുശേഷം ബ്ലോക്ക് ഉണ്ടെന്നു തീര്‍ച്ചപ്പെടുത്തുന്ന സാഹചര്യത്തിലാണ് ഫൈലോപ്ലാസ്റ്റി (Pyeloplasty) ചെയ്യേണ്ടത്.ഡോക്ടര്‍ പരിശോധിച്ചശേഷം കുഞ്ഞിന്‍റെ ഈ അവസ്ഥ ഭേദമാകാന്‍ കഴിയുന്ന തരത്തില്‍ അനുയോജ്യമായ സമയമാണ് ശസ്ത്രക്രിയയ്ക്കായി തെരഞ്ഞെടുക്കുന്നത്. ഗര്‍ഭസ്ഥശിശുവിന്‍റെ ആരോഗ്യസ്ഥിതി അറിയുന്നതിനുള്ള സ്‌കാനുകള്‍ ചെയ്യേണ്ടത് അനിവാര്യമാണ്.
വിവരങ്ങൾ:
ഡോ. പ്രതിഭ സുകുമാർ,
കൺസൾട്ടന്‍റ് പീഡിയാട്രിക് സർജൻ,
എസ്‌യുറ്റി ഹോസ്പിറ്റൽ,
പട്ടം, തിരുവനന്തപുരം.
