‘അ​വ​നെ തൂ​ക്കി​ക്കൊ​ല്ല​ണം’; ഉ​ജ്ജ​യി​ൻ ബ​ലാ​ത്സം​ഗ​ക്കേ​സ് പ്ര​തി​യു​ടെ അ​ച്ഛ​ൻ

ഇ​ന്‍​ഡോ​ര്‍: ഉ​ജ്ജ​യി​നി​ൽ പ​ന്ത്ര​ണ്ടു​കാ​രി​യെ ബ​ലാ​ത്സം​ഗം​ചെ​യ്തു തെ​രു​വി​ൽ ഉ​പേ​ക്ഷി​ച്ച കേ​സി​ൽ അ​റ​സ്റ്റി​ലാ​യ ഓ​ട്ടോ ഡ്രൈ​വ​ര്‍ കു​റ്റ​ക്കാ​ര​നാ​ണെ​ന്നു ക​ണ്ടെ​ത്തി​യാ​ല്‍ വ​ധ​ശി​ക്ഷ ന​ല്‍​ക​ണ​മെ​ന്നു പ്ര​തി​യു​ടെ പി​താ​വ്.

ബ​ലാ​ത്സം​ഗ​ത്തി​നി​ര​യാ​യി ചോ​ര​യൊ​ലി​ക്കു​ന്ന നി​ല​യി​ല്‍ ഉ​ടു​വ​സ്ത്ര​മി​ല്ലാ​തെ പെ​ൺ​കു​ട്ടി സ​ഹാ​യ​ത്തി​നാ​യി റോ​ഡി​ലൂ​ടെ അ​ല​ഞ്ഞ സി​സി​ടി​വി ദൃ​ശ്യം നേ​ര​ത്തെ പു​റ​ത്തു​വ​ന്നി​രു​ന്നു. പെ​ണ്‍​കു​ട്ടി​യെ വീ​ട്ടി​ലെ​ത്തി​ക്കാ​മെ​ന്ന് പ​റ​ഞ്ഞ് ഓ​ട്ടോ​റി​ക്ഷ​യി​ല്‍ ക​യ​റ്റി​ക്കൊ​ണ്ടു​പോ​യി ഡ്രൈ​വ​ര്‍ ബ​ലാ​ത്സം​ഗം ചെ​യ്യു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു.

“ഇ​ങ്ങ​നെ​യു​ള്ള ഒ​രാ​ൾ​ക്ക് വേ​റെ എ​ന്ത് ശി​ക്ഷ​യാ​ണ് കൊ​ടു​ക്കാ​ൻ ക​ഴി​യു​ക? അ​ത്ത​ര​ക്കാ​രെ തൂ​ക്കി​ലേ​റ്റി​യാ​ൽ മാ​ത്ര​മേ മാ​തൃ​ക​യാ​വൂ. അ​ത്ത​രം കു​റ്റ​കൃ​ത്യ​ങ്ങ​ൾ ആ​വ​ര്‍​ത്തി​ക്ക​പ്പെ​ടാ​തി​രി​ക്കാ​ന്‍ അ​ങ്ങ​നെ ചെ​യ്യ​ണം. അ​തെ​ന്‍റെ മ​ക​നാ​യാ​ലും. ഇ​ത്ത​ര​ക്കാ​ര്‍​ക്ക് ജീ​വി​ക്കാ​ന്‍ അ​ര്‍​ഹ​ത​യി​ല്ല.

സം​ഭ​വം ന​ട​ന്ന ശേ​ഷ​വും അ​വ​ന്‍ വീ​ട്ടി​ല്‍ വ​ന്നി​രു​ന്നു. പ​ക്ഷേ അ​വ​ൻ ഈ ​കു​റ്റം ചെ​യ്ത​ത് ഞാ​ന​റി​ഞ്ഞി​രു​ന്നി​ല്ല. ഇ​ത് നേ​ര​ത്തെ അ​റി​ഞ്ഞി​രു​ന്നെ​ങ്കി​ൽ ഞാ​ൻ എ​ന്‍റെ മ​ക​നെ വെ​ടി​വ​ച്ചേ​നെ’- അ​റ​സ്റ്റി​ലാ​യ ഭ​ര​ത് സോ​ണി​യു​ടെ പി​താ​വ് രാ​ജു സോ​ണി ക​ണ്ണീ​രോ​ടെ പ​റ​ഞ്ഞു.

തെ​ളി​വെ​ടു​പ്പി​നി​ടെ ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ പ്ര​തി​ക്ക് വീ​ണ് പ​രി​ക്കേ​റ്റി​രു​ന്നു. ത​ങ്ങ​ളു​ടെ അ​ഭി​ഭാ​ഷ​ക​രാ​രും പ്ര​തി​ക്കാ​യി കോ​ട​തി​യി​ൽ വാ​ദി​ക്കി​ല്ലെ​ന്ന് ഉ​ജ്ജ​യി​ൻ ബാ​ർ അ​സോ​സി​യേ​ഷ​ൻ അ​റി​യി​ച്ചു.