പു​ഴ​യി​ൽ ചാ​ടി യു​വ​തി​യും കു​ഞ്ഞും മ​രി​ച്ച സം​ഭ​വം; പോലീ​സി​നെ​തി​രെ പ​രാ​തി​യു​മാ​യി യുവതിയുടെ കു​ടും​ബം

പ​ഴ​യ​ങ്ങാ​ടി: വെ​ങ്ങ​ര ചെ​മ്പ​ല്ലി​ക്കു​ണ്ട് പാ​ല​ത്തി​ൽ നി​ന്ന് പു​ഴ​യി​ൽ ചാ​ടി മ​രി​ച്ച റീ​മ​യു​ടെ കു​ടും​ബം പ​ഴ​യ​ങ്ങാ​ടി പോ​ലീ​സി​നെ​തി​രെ രം​ഗ​ത്ത്. വ്യ​ക്ത​മാ​യ തെ​ളി​വു​ക​ൾ ല​ഭി​ച്ചി​ട്ടും പ്ര​തി​ക​ളെ പി​ടി​കൂ​ടു​ന്ന​തി​ൽ തി​ക​ഞ്ഞ അ​ലം​ഭാ​വ​മാ​ണ് പോ​ലീ​സ് കാ​ണി​ക്കു​ന്ന​തെ​ന്ന് കു​ടും​ബം ആ​രോ​പി​ച്ചു.

റീ​മ​യും കു​ഞ്ഞും പു​ഴ​യി​ൽ ചാ​ടി മ​രി​ച്ചി​ട്ട് ര​ണ്ടാ​ഴ്ച ക​ഴി​ഞ്ഞി​ട്ടും മ​ര​ണ​ത്തി​ന് ഉ​ത്ത​ര​വാ​ദി​ക​ളാ​യ ഭ​ർ​ത്താ​വ് ക​മ​ൽ​രാ​ജ്, ഭ​ർ​തൃ​മാ​താ​വ് പ്രേ​മ എ​ന്നി​വ​രെ ഇ​തു​വ​രെ പി​ടി​കൂ​ടി​യി​ട്ടി​ല്ല. യു​വ​തി​യു​ടെ ആ​ത്മ​ഹ​ത്യാ​ക്കു​റി​പ്പും ഭ​ർ​ത്താ​വു​മാ​യു​ള്ള ഫോ​ൺ സം​ഭാ​ഷ​ണ​ത്തി​ന്‍റെ വിവരങ്ങളും പോ​ലീ​സി​ന് ല​ഭി​ച്ചി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ൽ ആ​ത്മ​ഹ​ത്യ പ്രേ​ര​ണ കു​റ്റ​ത്തി​ന് ഭ​ർ​ത്താ​വി​നും ഭ​ർ​തൃ മാ​താ​വി​നും എ​തി​രെ കേ​സെ​ടു​ത്തി​രു​ന്നു. എ​ന്നാ​ൽ കേ​സെ​ടു​ത്ത​ത് മാ​ത്ര​മ​ല്ലാ​തെ പ്ര​തി​ക​ളെ പി​ടി​കൂ​ടു​ന്ന​തി​ൽ​പ​ഴ​യ​ങ്ങാ​ടി പോ​ലീ​സ് തി​ക​ഞ്ഞ അ​ലം​ഭാ​വ​മാ​ണ് കാ​ണി​ക്കു​ന്ന​തെ​ന്ന് റീ​മ​യു​ടെ പി​താ​വ് കെ. ​മോ​ഹ​ന​ൻ പ​റ​ഞ്ഞു.

ഇ​രു​വ​രും ഒ​ളി​വി​ലാ​ണെ​ന്നാ​ണ് പോ​ലീ​സ് പ​റ​യു​ന്ന​ത്. അ​തേ​സ​മ​യം പ്ര​തി​ക​ൾ മു​ൻ​കൂ​ർ ജാ​മ്യം തേ​ടി ഹൈ​ക്കോ​ട​തി​യെ സ​മീ​പി​ച്ചി​ട്ടു​ണ്ട്.
സി​ഐ കേ​സി​നെ കു​റി​ച്ച് ചോ​ദി​ക്കു​മ്പോ​ൾ മു​ഖം തി​രി​ക്കു​ക​യാ​ണെ​ന്നും ഫോ​ൺ വി​ളി​ച്ചാ​ൽ എ​ടു​ക്കാ​ൻ പോ​ലും ത​യാ​റാ​കു​ന്നി​ല്ലെ​ന്നും പി​താ​വി​ന്‍റെ പ​രാ​തി​യി​ലു​ണ്ട്. നീ​തി വേ​ണ​മെ​ന്ന് ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്ക് പ​രാ​തി ന​ല്കാ​ൻ ഒ​രു​ങ്ങു​ക​യാ​ണ് റീ​മ​യു​ടെ കു​ടും​ബം.