ക​ടം: ന​ല്ല​തും ചീ​ത്ത​യും; ക​ട​മെ​ടു​ക്കു​മ്പോ​ൾ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ ഇ​വ

ക​ടം എ​ന്ന വാ​ക്ക് പ​ല​ർ​ക്കും ഭ​യ​മോ നി​രാ​ശ​യോ ഉ​ണ​ർ​ത്തു​ന്ന ഒ​ന്നാ​യി​രി​ക്കാം. പ​ല​രും വാ​യ്പ​യെ​ടു​ത്ത, പേ​ടി​പ്പെ​ടു​ത്തു​ന്ന അ​നു​ഭ​വ​ങ്ങ​ൾ കേ​ട്ടി​ട്ടു​ണ്ടാ​കാം. വാ​സ്ത​വ​ത്തി​ൽ ജാ​ഗ്ര​ത​യോ​ടെ ഉ​പ​യോ​ഗി​ച്ചാ​ൽ ക​ടം ഒ​രു സാ​മ്പ​ത്തി​ക സാ​ധ്യ​ത​യാ​ണെ​ന്ന് കേ​ട്ടാ​ൽ അ​തി​ശ​യി​ക്കേ​ണ്ട. ക​ടം എ​ല്ലാ​യ്പോ​ഴും മോ​ശ​മ​ല്ല. ശ​രി​യാ​യി ഉ​പ​യോ​ഗി​ച്ചാ​ൽ പ​ല സ​മ​യ​ങ്ങ​ളി​ലും അ​ത് മു​ന്നേ​റ്റ​ത്തി​നൊ​രു മാ​ർ​ഗ​മാ​ണ്. ഉ​ദാ​ഹ​ര​ണ​ത്തി​ന്, ഒ​രാ​ൾ ബി​സി​ന​സ് തു​ട​ങ്ങാ​നാ​യി ക​ടം എ​ടു​ക്കു​ന്നു. ഇ​ത് ഭാ​വി​യി​ൽ വ​രു​മാ​നം സൃ​ഷ്ടി​ക്കാ​ൻ സ​ഹാ​യി​ക്കു​ന്ന ​ഗു​ണ​പ​ര​മാ​യ ന​ല്ല ക​ട​മാ​ണ്.

അ​തേ​സ​മ​യം, മ​റ്റൊ​രാ​ൾ അ​വ​ശ്യ​മി​ല്ലാ​ത്ത ആ​ഡം​ബ​ര വ​സ്തു​ക്ക​ൾ​ക്കാ​യി ക​ടമെ​ടു​ക്കു​ന്നു എ​ങ്കി​ൽ, പ​ല​പ്പോ​ഴും അ​ത് തി​രി​ച്ച​ട​യ്ക്കാ​ൻ ബു​ദ്ധി​മു​ട്ടാ​കു​ന്ന ഗു​ണ​പ​ര​മ​ല്ലാ​ത്ത മോ​ശം ക​ട​മാ​യി​ത്തീ​രും. ര​ണ്ടു​പേ​രും ക​ടം എ​ടു​ത്തി​ട്ടു​ണ്ടെ​ങ്കി​ലും, അ​വ​രു​ടെ ഉ​ദ്ദേ​ശ്യ​ങ്ങ​ളി​ൽ വ​ലി​യ വ്യ​ത്യാ​സം കാ​ണാം.

ഗു​ണ​പ​ര​മാ​യ ക​ടം?
ഉ​ത്ത​ര​വാ​ദി​ത്വ​ത്തോ​ടെ​യും വ​ള​രെ ചി​ന്തി​ച്ചും എ​ടു​ക്കു​ന്ന ക​ട​മാ​ണ് ഗു​ണ​പ​ര​മാ​യ ക​ടം. ഭാ​വി​യി​ൽ വ​രു​മാ​നം ഉ​ണ്ടാ​ക്കു​ക​യോ മൂ​ല്യം വ​ർ​ധി​പ്പി​ക്കു​ക​യോ ചെ​യ്യു​ന്ന വാ​യ്പ​യാ​ണി​ത്. ന​ല്ല ക​ടം ന​മ്മു​ടെ ജീ​വി​തം മു​ന്നോ​ട്ടു കൊ​ണ്ടു​പോ​കാ​നും, ല​ക്ഷ്യ​ങ്ങ​ൾ നേ​ടാ​നും സ​ഹാ​യി​ക്കു​ന്നു.
ചി​ല ഉ​ദാ​ഹ​ര​ണ​ങ്ങ​ൾ

വി​ദ്യാ​ഭ്യാ​സ വാ​യ്പ: ന​ല്ല തൊ​ഴി​ല​വ​സ​ര​ങ്ങ​ൾ തേ​ടി ഒ​രാ​ൾ ഉ​യ​ർ​ന്ന വി​ദ്യാ​ഭ്യാ​സം നേ​ടു​ന്നു. അ​തി​നുവേ​ണ്ടി എ​ടു​ത്ത വാ​യ്പ, ഭാ​വി​യി​ൽ കൂ​ടു​ത​ൽ വ​രു​മാ​നം സൃ​ഷ്ടി​ക്കു​ന്ന​തി​ന്‍റെ വ​ഴി​യാ​ണ്. പ​ലി​ശനി​ര​ക്ക് കു​റ​വാ​യി​രി​ക്കും. കൂ​ടാ​തെ, പ​ഠ​നം ക​ഴി​ഞ്ഞ​ശേ​ഷം മാ​ത്ര​മാ​ണ് തി​രി​ച്ച​ട​വ് ആ​രം​ഭി​ക്കു​ന്ന​ത്. ഇ​ങ്ങ​നെ, ഇ​തൊ​രു ഭാ​വി​യി​ലേ​ക്കു​ള്ള നി​ക്ഷേ​പം ത​ന്നെ​യാ​ണ്.

ഭ​വ​നവാ​യ്പ: വീ​ടെ​ന്ന​ത് പ​ല​ർ​ക്കും ജീ​വി​ത​ത്തി​ലെ ഏ​റ്റ​വും വ​ലി​യ സ്വ​പ്ന​മാ​ണ്. അ​തേ​സ​മ​യം, കാ​ല​ക്ര​മേ​ണ മൂ​ല്യം കൂ​ടു​ന്ന ഒ​രു ആ​സ്തി​യു​മാ​ണ് വീ​ട്. കു​റ​ഞ്ഞ പ​ലി​ശ​യ്ക്കൊ​പ്പം നി​കു​തി ഇ​ള​വു​ക​ളും ഭ​വ​നവാ​യ്പ​യ്ക്ക് ല​ഭി​ക്കും. ബി​സി​ന​സ് ലോ​ൺ: സ്വ​ന്തം സം​രം​ഭം തു​ട​ങ്ങാ​ൻവേ​ണ്ടി​യു​ള്ള വാ​യ്പ ഒ​രു വ​ലി​യ ഉ​യ​ർ​ച്ച​യു​ടെ തു​ട​ക്ക​മാ​കാം. വ​രു​മാ​ന​വും തൊ​ഴി​ലും സൃ​ഷ്ടി​ക്കാ​ൻ ഇ​ത് സ​ഹാ​യി​ക്കു​ന്നു. ഉ​ദ്ദേ​ശ്യ​ത്തി​ൽ ഉ​റ​ച്ചും ജാ​ഗ്ര​ത​യോ​ടെ​യും കൊ​ണ്ടു​പോ​കു​ന്ന ബി​സി​ന​സ് വാ​യ്പ ന​ല്ല ക​ട​ത്തി​ന്‍റെ​ ഏ​റ്റ​വും മി​ക​ച്ച ഉ​ദാ​ഹ​ര​ണ​മാ​ണ്.

ഗു​ണ​പ​ര​മ​ല്ലാ​ത്ത ക​ടം
വ​രു​മാ​നം സൃ​ഷ്ടി​ക്കാ​നോ മൂ​ല്യ​വ​ർ​ധ​ന​ത്തി​നോ അ​ല്ലാ​തെ പ​ണം ചെ​ല​വ​ഴി​ക്കു​ന്ന​തി​നാ​യി മാ​ത്ര​മെ​ടു​ക്കു​ന്ന ഗു​ണ​പ​ര​മ​ല്ലാ​ത്ത ക​ട​മാ​ണ് മോ​ശം ക​ടം. കാ​ല​ക്ര​മേ​ണ മൂ​ല്യം ന​ഷ്ട​പ്പെ​ടു​ന്ന ആ​ഡം​ബ​ര വ​സ്തു​ക്ക​ൾ​ക്കും മ​റ്റ് അ​നാ​വ​ശ്യ ചെ​ല​വു​ക​ൾ​ക്കും വേ​ണ്ടി ക​ടം എ​ടു​ക്കു​ന്ന​ത് ഭാ​വി​യി​ൽ സാ​മ്പ​ത്തി​ക സ​മ്മ​ർ​ദ​ങ്ങ​ൾ സൃ​ഷ്ടി​ക്കും.

ചി​ല ഉ​ദാ​ഹ​ര​ണ​ങ്ങ​ൾ
ക്രെ​ഡി​റ്റ് കാ​ർ​ഡ് ലോ​ണു​ക​ൾ: പ​ല​ർ​ക്കും പ​ണം ചെ​ല​വ​ഴി​ക്കാ​നു​ള്ള ഏ​റ്റ​വും വേ​ഗ​ത്തി​ലു​ള്ള മാ​ർ​ഗം ക്രെ​ഡി​റ്റ് കാ​ർ​ഡു​ക​ളാ​ണ്. എ​ന്നാ​ൽ, വ​രു​മാ​ന​ത്തി​നു മീ​തെ​യു​ള്ള ക്രെ​ഡി​റ്റ് കാ​ർ​ഡ് ഉ​പ​യോ​ഗം വ​ലി​യ സാ​മ്പ​ത്തി​ക ബാ​ധ്യ​ത​ക​ളി​ലേ​ക്ക് ത​ള്ളി​വി​ടാ​ൻ സാ​ധ്യ​ത​യു​ണ്ട്. ക​ൺ​സ്യൂമ​ർ ലോ​ണു​ക​ൾ: പ​ല​രും ക​ൺ​സ്യൂമ​ർ ലോ​ണു​ക​ൾ എ​ടു​ത്തു ഫോ​ണു​ക​ൾ, ഗാ​ഡ്ജ​റ്റു​ക​ൾ, വീ​ട്ടു​പ​ക​ര​ണ​ങ്ങ​ൾ എ​ന്നി​വ വാ​ങ്ങു​ന്നു. എ​ന്നാ​ൽ, വി​ല​യേ​റി​യ ഉ​പ​ക​ര​ണ​ങ്ങ​ൾ വാ​ങ്ങു​ന്ന​തി​ന് മു​മ്പേ അ​തി​ന്‍റെ ഉ​പ​യോ​ഗം വി​ല​യി​രു​ത്തു​ന്ന​ത് പ​രി​ധിവി​ട്ടു​ള്ള ചെ​ല​വ​ഴി​ക്ക​ലി​ന് ക​ടി​ഞ്ഞാ​ണി​ടാ​ൻ സ​ഹാ​യി​ക്കും.

പ്ര​ത്യാ​ഘാ​ത​ങ്ങ​ൾ
ഉ​യ​ർ​ന്ന പ​ലി​ശ​നി​ര​ക്ക്: ഇ​ത്ത​രം ലോ​ണു​ക​ൾ​ക്ക് പ​ലി​ശനി​ര​ക്ക് കൂ​ടു​ത​ലാ​യ​തി​നാ​ൽ വ​ള​രെ വ​ലി​യ തു​ക തി​രി​ച്ച​ട​ക്കേ​ണ്ടി വ​രും.
ഇ​എം​ഐ: മാ​സവ​രു​മാ​ന​ത്തി​ന്‍റെ വ​ലി​യൊ​രു പ​ങ്ക് വാ​യ്പ തി​രി​ച്ച​ട​യ്ക്കാ​ൻവേ​ണ്ടി മാ​റ്റി​വ​യ്ക്കേ​ണ്ടിവ​രും. ഇ​തി​നാ​ൽ മ​റ്റ് ആ​വ​ശ്യ​ങ്ങ​ൾ​ക്കും നി​ക്ഷേ​പ​ങ്ങ​ള​ക്കും പ​ണം മാ​റ്റി​വ​യ്ക്കാ​ൻ സാ​ധി​ക്കി​ല്ല.

തെ​റ്റു​ന്ന തി​രി​ച്ച​ട​വു​ക​ൾ: നി​ശ്ചി​ത തീ​യ​തി ക​ഴി​ഞ്ഞ് ഇ​എം​ഐ അ​ട​യ്ക്കു​ന്ന​ത് ക്രെ​ഡി​റ്റ് സ്കോ​റി​നെ ത​ക​ർ​ക്കും. ഇ​തി​നാ​ൽ ഭാ​വി​യി​ലെ വാ​യ്പാ അ​വ​സ​ര​ങ്ങ​ൾ കു​റ​യു​ന്നു. മാ​ത്ര​മ​ല്ല, പി​ഴ​പ്പ​ലി​ശ​യും ന​ൽ​കേ​ണ്ടിവ​രു​ന്നു. എ​ത്ര സൂ​ക്ഷി​ച്ചാ​ലും, ജീ​വി​ത​ത്തി​ൽ ചി​ല​പ്പോ​ൾ ഒ​രേസ​മ​യം പ​ല ലോ​ണു​ക​ൾ എ​ടു​ക്കേ​ണ്ടിവ​ന്നേ​ക്കാം. അ​ത്ത​ര​ത്തി​ൽ ഉ​ള്ള​വ​ർ​ക്ക് സൗ​ത്ത് ഇ​ന്ത്യ​ൻ ബാ​ങ്കി​ന്‍റെ ഡെ​ബ്റ്റ് ക​ൺ​സോ​ളി​ഡേ​ഷ​ൻ പ്രോ​ഡ​ക്ട് ആ​യ SIB Power Consol വ​ലി​യൊ​രു ആ​ശ്വാ​സ​മാ​ണ്.

സൗ​ത്ത് ഇ​ന്ത്യ​ൻ ബാ​ങ്ക് നി​ങ്ങ​ളു​ടെ പ​ല​വി​ധ ലോ​ണു​ക​ളെ ഒ​ന്നി​പ്പി​ച്ച് ഒ​രൊ​റ്റ ലോ​ണാക്കി മാ​റ്റു​ന്നു. ഒ​റ്റ ഇ​എം​ഐ, കു​റ​ഞ്ഞ പ​ലി​ശ, നീ​ണ്ട തി​രി​ച്ച​ട​വ് കാ​ലാ​വ​ധി എ​ന്നി​വ​യാ​ണ് ഇ​തി​ന്‍റെ സ​വി​ശേ​ഷ​ത​ക​ൾ. ലോ​ണു​ക​ൾ നി​യ​ന്ത്ര​ണ​ത്തി​ലേ​ക്കു വ​രു​ന്ന​തു വ​ഴി നി​ങ്ങ​ളു​ടെ ക്രെ​ഡി​റ്റ് സ്കോ​ർ പോ​ലും മെ​ച്ച​പ്പെ​ടാം. മാ​ന​സി​ക സ​മാ​ധാ​ന​വും ല​ഭി​ക്കും.

ജീ​വി​ത​ത്തി​ൽ ചി​ല ഘ​ട്ട​ങ്ങ​ളി​ൽ ക​ട​മെ​ടു​ക്കേ​ണ്ടിവ​രു​ന്ന​ത് ഒ​ഴി​വാ​ക്കാ​ൻ പ്ര​യാ​സ​മാ​ണ്. പ​ക്ഷേ, ആ ​ക​ടം നി​യ​ന്ത്രി​ച്ചു നി​ർ​ത്തേ​ണ്ട​ത് ന​മ്മു​ടെ ഉ​ത്ത​ര​വാ​ദി​ത്വ​മാ​ണ്. ഡെ​ബ്റ്റ് ക​ൺ​സോ​ളി​ഡേ​ഷ​ൻ പോ​ലു​ള്ള സ്മാ​ർ​ട്ട് തീ​രു​മാ​ന​ങ്ങ​ൾ എ​ടു​ക്കു​ന്ന​ത് നി​ങ്ങ​ളു​ടെ സാ​മ്പ​ത്തി​കഭാ​വി​ക്ക് വ​ലി​യ സ​ഹാ​യ​മാ​യേ​ക്കാം. കൂ​ടു​ത​ൽ വി​വ​ര​ങ്ങ​ൾ​ക്കാ​യി നി​ങ്ങ​ളു​ടെ അ​ടു​ത്തു​ള്ള സൗ​ത്ത് ഇ​ന്ത്യ​ൻ ബാ​ങ്ക് ശാ​ഖ​യു​മാ​യി ബ​ന്ധ​പ്പെ​ടു​ക.

ക​ട​മെ​ടു​ക്കു​മ്പോ​ൾ ശ്ര​ദ്ധി​ക്കേ​ണ്ട​ത്
• ക​ടമെടു​ക്കു​ന്ന​ത് ഭാ​വി​യി​ൽ ഗു​ണം​ ചെ​യ്യു​മോ എ​ന്ന​ത് ആ​ദ്യംത​ന്നെ ആ​ലോ​ചി​ക്കു​ക.
• പ​ലി​ശ​നി​ര​ക്കും തി​രി​ച്ച​ട​വി​ന്‍റെ സൗ​ക​ര്യ​വും മ​ന​സി​ലാ​ക്കു​ക.
• വ​രു​മാ​ന​ത്തി​നും ജീ​വി​തസാ​ഹ​ച​ര്യ​ത്തി​നും അ​നു​യോ​ജ്യ​മാ​യ വാ​യ്പ ആ​ണോ എ​ന്ന് പ​രി​ശോ​ധി​ക്കു​ക.
• ഒ​ന്നി​ല​ധി​കം ലോ​ണു​ക​ൾ ഒ​രേ​സ​മ​യം എ​ടു​ക്കു​ന്ന​ത് ഒ​ഴി​വാ​ക്കു​ക.
• ഇ​എം​ഐ അ​ട​യ്ക്കാ​ൻ മു​ൻ​കൂ​ട്ടി ബ​ജ​റ്റ് ത​യാ​റാ​ക്കു​ക.