നി​ര​പ​രാ​ധി​ക​ളു​ടെ ക​ണ്ണീ​രി​ന് അ​പ​രാ​ധി​ക​ൾ പി​ഴ​യി​ട​ണം

ജോ​സ​ഫി​ന് 75 വ​യ​സാ​യി​രു​ന്നു. പ​ക്ഷേ, കൊ​ച്ചു​മ​ക​ളെ​പ്പോ​ലെ ക​രു​തി​യ പെ​ൺ​കു​ട്ടി​യു​ടെ ക​ള്ള​മൊ​ഴി​യി​ൽ പീ​ഡ​ക​നാ​യി ചി​ത്രീ​ക​രി​ക്ക​പ്പെ​ട്ട അ​ദ്ദേ​ഹം ജ​യി​ലി​ൽ കി​ട​ന്ന​ത് ഒ​ന്പ​തു മാ​സം. കോ​ട്ട​യം മ​ധു​ര​വേ​ലി​യി​ലെ ജോ​മോ​ൻ സ്ത്രീ​പീ​ഡ​ന ക​ള്ള​ക്കേ​സി​ൽ ജ​യി​ലി​ലും പു​റ​ത്തു​മാ​യി അ​പ​രാ​ധി​യാ​യി മു​ദ്ര​യ​ടി​ക്ക​പ്പെ​ട്ട​ത് എ​ട്ടോ​ളം വ​ർ​ഷം. ഇ​ടു​ക്കി​യി​ൽ കാ​ട്ടാ​ന​യു​ടെ ച​വി​ട്ടേ​റ്റു കൊ​ല്ല​പ്പെ​ട്ട ആ​ദി​വാ​സി വ​നി​ത സീ​ത​യു​ടെ ഘാ​ത​ക​നെ​ന്ന സം​ശ​യ​നി​ഴ​ലി​ൽ ഭ​ർ​ത്താ​വ് ബി​നു​വി​നു ക​ഴി​യേ​ണ്ടി​വ​ന്ന​ത് ഒ​ന്ന​ര മാ​സ​ത്തോ​ളം.

പു​ന​ര​ന്വേ​ഷ​ണ​ത്തി​ൽ യ​ഥാ​ർ​ഥ പ്ര​തി​ക​ൾ കു​ടു​ങ്ങി​യേ​ക്കും. പ​ക്ഷേ, ഇ​തി​ന്‍റെ​യൊ​ക്കെ കാ​ര​ണ​ക്കാ​രാ​യ ഉ​ദ്യോ​ഗ​സ്ഥ​രോ? ശി​ക്ഷി​ക്ക​പ്പെ​ടു​ന്നി​ല്ലെ​ന്നു മാ​ത്ര​മ​ല്ല സ​ർ​ക്കാ​ർ ശ​ന്പ​ളം കൈ​പ്പ​റ്റി സ്വ​സ്ഥം ഗൃ​ഹ​ഭ​ര​ണം! കൊ​ല​ക്കേ​സി​ൽ ശി​ക്ഷി​ക്ക​പ്പെ​ട്ടു ജ​യി​ലി​ൽ ക​ഴി​ഞ്ഞ നി​ര​പ​രാ​ധി​ക​ൾ​ക്കു ന​ഷ്ട​പ​രി​ഹാ​രം ന​ൽ​കാ​ൻ സ​ർ​ക്കാ​ർ ക​ഴി​ഞ്ഞ​ദി​വ​സം തീ​രു​മാ​നി​ച്ചി​രു​ന്നു. മേ​ൽ​പ്പ​റ​ഞ്ഞ നി​ര​പ​രാ​ധി​ക​ൾ​ക്കും ന​ഷ്ട​പ​രി​ഹാ​ര ന​ൽ​ക​ണം. ഖ​ജ​നാ​വി​ൽ​നി​ന്ന​ല്ല, ക​ള്ള​ക്കേ​സു​ക​ൾ​ക്കു ക​ള​മൊ​രു​ക്കി​യ ഉ​ദ്യോ​ഗ​സ്ഥ​രി​ൽ​നി​ന്ന്.

2022 ഓ​ഗ​സ്റ്റി​ലാ​ണ് സെ​ക്യൂ​രി​റ്റി ജീ​വ​ന​ക്കാ​ര​നാ​യി താ​ൻ കാ​വ​ൽ​നി​ന്ന സ്കൂ​ളി​ലെ പെ​ൺ​കു​ട്ടി, ത​ന്നെ പീ​ഡി​പ്പി​ച്ചു ഗ​ർ​ഭി​ണി​യാ​ക്കി​യെ​ന്ന് ആ​ല​പ്പു​ഴ​ക്കാ​ര​ൻ എം.​ജെ. ജോ​സ​ഫി​നെ​തി​രേ ആ​രോ​പ​ണ​മു​ന്ന​യി​ച്ച​ത്. അ​യാ​ൾ ന​ടു​ങ്ങി​പ്പോ​യി. അ​ച്ഛ​ൻ ഉ​പേ​ക്ഷി​ച്ചു​പോ​യ​തി​നാ​ൽ ത​നി​ച്ചു​ജീ​വി​ക്കേ​ണ്ടി​വ​ന്ന അ​യ​ൽ​ക്കാ​രാ​യ പെ​ൺ​കു​ട്ടി​യെ​യും അ​മ്മ​യെ​യും ക​ഴി​വു​ള്ള​വി​ധ​ത്തി​ലെ​ല്ലാം സ​ഹാ​യി​ച്ചി​രു​ന്ന​യാ​ളാ​ണ് ജോ​സ​ഫ്. കു​ട്ടി ആ​ദ്യം കൂ​ട്ടു​കാ​രോ​ടു പ​റ​ഞ്ഞു. വി​വ​ര​മ​റി​ഞ്ഞ സ്കൂ​ൾ അ​ധി​കൃ​ത​ർ പോ​ലീ​സി​ല​റി​യി​ച്ചു.

തൊ​ട്ടു​പി​ന്നാ​ലെ ജോ​സ​ഫ് അ​റ​സ്റ്റി​ലാ​യി. പോ​ക്സോ കേ​സാ​യ​തി​നാ​ൽ ജാ​മ്യം​പോ​ലും ല​ഭി​ക്കാ​തെ റി​മാ​ൻ​ഡി​ൽ ക​ഴി​യ​വേ​യാ​ണ് വി​ചാ​ര​ണ തു​ട​ങ്ങി​യ​ത്. പ​ക്ഷേ, വി​സ്താ​ര​ത്തി​നി​ടെ കു​ട്ടി പൊ​ട്ടി​ക്ക​ര​ഞ്ഞു​കൊ​ണ്ട് സ​ത്യം തു​റ​ന്നു​പ​റ​ഞ്ഞു. കാ​മു​ക​നു​മാ​യു​ള്ള ബ​ന്ധം മ​ന​സി​ലാ​ക്കി​യ ജോ​സ​ഫ് ത​ന്നെ ഉ​പ​ദേ​ശി​ച്ച​തി​ന്‍റെ വി​രോ​ധ​ത്തി​ലും കാ​മു​ക​നെ ര​ക്ഷി​ക്കാ​നു​മാ​ണ് തെ​റ്റാ​യ മൊ​ഴി ന​ൽ​കി​യ​തെ​ന്നും പെ​ൺ​കു​ട്ടി കോ​ട​തി​യെ അ​റി​യി​ച്ചു. കേ​സ് തു​ട​ര​ന്വേ​ഷ​ണം ന​ട​ത്തു​ക​യും വി​വാ​ഹി​ത​നാ​യ കാ​മു​ക​ൻ അ​റ​സ്റ്റി​ലാ​കു​ക​യും ചെ​യ്തു.

പ​ക്ഷേ, പോ​ക്സോ കേ​സ് അ​വ​സാ​നി​പ്പി​ക്കാ​തി​രി​ക്കാ​ൻ പോ​ലീ​സ് അ​ഡീ​ഷ​ണ​ൽ കു​റ്റ​പ​ത്രം സ​മ​ർ​പ്പി​ച്ചു. പ​ക്ഷേ, പെ​ൺ​കു​ട്ടി മൊ​ഴി​യി​ൽ ഉ​റ​ച്ചു​നി​ൽ​ക്കു​ക​യും ജോ​സ​ഫ് കു​റ്റ​ക്കാ​ര​ന​ല്ലെ​ന്നു കോ​ട​തി വി​ധി​ക്കു​ക​യും ചെ​യ്തു. കൊ​ച്ചു​മ​ക​ളു​ടെ പ്രാ​യം മാ​ത്ര​മു​ള്ള പെ​ൺ​കു​ട്ടി​യെ പീ​ഡി​പ്പി​ച്ചു ഗ​ർ​ഭി​ണി​യാ​ക്കി​യെ​ന്ന കു​റ്റം ചാ​ർ​ത്ത​പ്പ​ട്ട​തു നി​സാ​ര കാ​ര്യ​മാ​ണോ? ആ ​പെ​ൺ​കു​ട്ടി തി​രു​ത്തി​പ്പ​റ​ഞ്ഞി​ട്ടും വീ​ണ്ടും കു​ടു​ക്കാ​ൻ ശ്ര​മി​ച്ച പോ​ലീ​സി​നെ​തി​രേ അ​ന്വേ​ഷ​ണം വേ​ണ്ടേ?

ക​ഴി​ഞ്ഞ മാ​ർ​ച്ചി​ലാ​ണ് പീ​ഡ​ന​ക്കേ​സി​ൽ​പ്പെ​ട്ട കോ​ട്ട​യം മ​ധു​ര​വേ​ലി സി.​ഡി. ജോ​മോ​ൻ നി​ര​പ​രാ​ധി​യാ​ണെ​ന്ന് പ​രാ​തി​ക്കാ​രി​ത​ന്നെ വെ​ളി​പ്പെ​ടു​ത്തി​യ​ത്. കു​റു​പ്പ​ന്ത​റ​യി​ൽ പാ​രാ​മെ​ഡി​ക്ക​ൽ സ്ഥാ​പ​നം ന​ട​ത്തി​യി​രു​ന്ന ജോ​മ​ൻ ട്രെ​യി​നി​ലും സ്ഥാ​പ​ന​ത്തി​ലും​വ​ച്ച് പീ​ഡി​പ്പി​ച്ചെ​ന്നാ​യി​രു​ന്നു കേ​സ്. ഈ ​കേ​സി​ലും വി​വാ​ഹി​ത​നാ​യ കാ​മു​ക​ൻ കു​ടു​ക്കി​യ​താ​ണ്. പീ​ഡ​ന​ക്കേ​സി​ൽ പെ​ട്ട​തോ​ടെ ജോ​മോ​ന്‍റെ തൊ​ഴി​ലും സ​മൂ​ഹ​ജീ​വി​ത​വു​മെ​ല്ലാം താ​റു​മാ​റാ​യി. ഒ​ടു​വി​ൽ ധ്യാ​ന​ത്തി​നി​ടെ പെ​ൺ​കു​ട്ടി​യും ഭ​ർ​ത്താ​വും മ​ക്ക​ളു​മൊ​ത്തു​വ​ന്ന് ജോ​മോ​നോ​ടും ഭാ​ര്യ​യോ​ടും മാ​പ്പു പ​റ​യു​ക​യും ചെ​യ്തു.

പ​ക്ഷേ, ഇ​തി​ലും ച​ര​ടു​വ​ലി​ച്ച ഉ​ദ്യോ​ഗ​സ്ഥ​ർ ശി​ക്ഷി​ക്ക​പ്പെ​ടേ​ണ്ട​ത​ല്ലേ‍? കു​റ​ഞ്ഞ​പ​ക്ഷം, അ​യാ​ളു​ടെ സാ​ന്പ​ത്തി​ക ന​ഷ്ട​മെ​ങ്കി​ലും പ​രി​ഹ​രി​ക്കേ​ണ്ട​ത​ല്ലേ? ഭാ​ര്യ​യെ കാ​ട്ടി​ലി​ട്ടു ച​വി​ട്ടി​ക്കൊ​ന്നെ​ന്ന കു​റ്റ​വാ​ളി പ​രി​വേ​ഷ​വു​മാ​യി ഇ​ടു​ക്കി, പീ​രു​മേ​ട്ടി​ലെ ബി​നു എ​ന്ന ആ​ദി​വാ​സി യു​വാ​വ് ഒ​ന്ന​ര മാ​സ​ത്തോ​ള​മാ​ണ് പൊ​തു​സ​മൂ​ഹ​ത്തി​നു മു​ന്നി​ൽ നി​ന്ന​ത്. വ​ന​വി​ഭ​വ​ങ്ങ​ള്‍ ശേ​ഖ​രി​ക്കാ​ന്‍ ഭാ​ര്യ സീ​ത​യ്ക്കും മ​ക്ക​ൾ​ക്കു​മൊ​പ്പം പോ​യ​താ​ണ് ബി​നു. കാ​ട്ടാ​ന​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ ഭാ​ര്യ​യെ തോ​ളി​ലേ​റ്റി അ​യാ​ൾ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

പോ​സ്റ്റ്മോ​ര്‍​ട്ടം റി​പ്പോ​ര്‍​ട്ടി​ല്‍ ഇ​തൊ​രു കൊ​ല​പാ​ത​ക​മാ​ണെ​ന്ന് ഫോ​റ​ന്‍​സി​ക് സ​ര്‍​ജ​ന്‍ സൂ​ച​ന ന​ല്‍​കി​യ​താ​ണ് സം​ശ​യ​ങ്ങ​ള്‍​ക്ക് കാ​ര​ണ​മാ​യ​ത്. വ​ന്യ​ജീ​വി ആ​ക്ര​മ​ണം ത​ട​യു​ന്ന​തി​ൽ ലോ​കപ​രാ​ജ​യ​മാ​യി മാ​റി​യ വ​നം​വ​കു​പ്പും മ​ന്ത്രി​യും അ​ത് ഏ​റ്റുപി​ടി​ച്ചു. അ​ങ്ങ​നെ ബി​നു സം​ശ​യ​നി​ഴ​ലി​ലാ​യി. കൂ​ടു​ത​ൽ അ​ന്വേ​ഷ​ണ​ങ്ങ​ൾ​ക്കും മൃ​ത​ദേ​ഹ​ത്തി​ലെ പ​രി​ക്കു​ക​ളി​ലെ വി​ശ​ദ​പ​രി​ശോ​ധ​ന​യ്ക്കും​ശേ​ഷം സീ​ത കാ​ട്ടാ​ന​യാ​ക്ര​മണ​ത്തി​ൽ കൊ​ല്ല​പ്പെ​ട്ട​താ​ണെ​ന്നു പോ​ലീ​സ് സ്ഥി​രീ​ക​രി​ച്ചു. പ​ക്ഷേ, ഇ​തി​ലു​മി​ല്ലേ ഇ​രു​ട്ട​ത്തു നി​ൽ​ക്കു​ന്ന കു​റെ ഉ​ദ്യോ​ഗ​സ്ഥ​ർ. അ​വ​രെ​ക്കൊ​ണ്ടു ന​ഷ്ട​പ​രി​ഹാ​രം കൊ​ടു​പ്പി​ച്ചാ​ൽ ഇ​നി​യെ​ങ്കി​ലും നി​ര​പ​രാ​ധി​ക​ളെ ദ്രോ​ഹി​ക്കാ​തി​രി​ക്കി​ല്ലേ?

1994ൽ ​ബി​ജെ​പി​ക്കാ​ര​ൻ കൊ​ല്ല​പ്പെ​ട്ട കേ​സി​ൽ ജീ​വ​പ​ര്യ​ന്തം ശി​ക്ഷി​ക്ക​പ്പെ​ട്ട് ആ​റു മാ​സം ജ​യി​ലി​ൽ കി​ട​ക്കേ​ണ്ടി​വ​ന്ന ഹ​രി​ദാ​സ്, സി​പി​എ​മ്മു​കാ​രാ​യ ബി​ജി, റ​ഫീ​ഖ്, ബാ​ബു രാ​ജ് എ​ന്നി​വ​ർ​ക്ക് അ​ഞ്ചു ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​കാ​ൻ സ​ർ​ക്കാ​ർ ക​ഴി​ഞ്ഞ​ദി​വ​സം തീ​രു​മാ​നി​ച്ചി​രു​ന്നു. പോ​ലീ​സി​ന്‍റെ പീ​ഡ​ന​ങ്ങ​ൾ​ക്കി​ര​യാ​യി​രു​ന്ന മ​റ്റൊ​രു കു​റ്റാ​രോ​പി​ത​ൻ ഹ​രി​ദാ​സ് പി​ന്നീ​ട് മ​രി​ച്ചു. അ​വ​ർ​ക്കു ന​ഷ്ട​പ​രി​ഹാ​രം ഉ​ട​നെ ന​ൽ​ക​ട്ടെ. പ​ക്ഷേ, ഖ​ജ​നാ​വി​ൽ​നി​ന്ന​ല്ല, ക​ള്ള​ക്കേ​സി​ന്‍റെ സം​വി​ധാ​യ​ക​രി​ൽ​നി​ന്ന്.

അ​ല്ലെ​ങ്കി​ൽ ഇ​ത് ആ​വ​ർ​ത്തി​ക്കും. സ​ർ​ക്കാ​ർ സം​വി​ധാ​ന​ത്തി​ലെ ക്രി​മി​ന​ലു​ക​ളു​ടെ കു​റ്റ​കൃ​ത്യ​ങ്ങ​ൾ​ക്കു പി​ഴ​യി​ടേ​ണ്ട​തു ജ​ന​മ​ല്ല, കു​റ്റ​ക്കാ​രാ​ണ്. ഇ​ത്ത​രം കു​റ്റ​വാ​ളി​ക​ളെ തീ​റ്റി​പ്പോ​റ്റാ​ന​ല്ല, ജ​നം ക​ര​മൊ​ടു​ക്കു​ന്ന​ത്. ഏ​തു പോ​ലീ​സാ​യാ​ലും ഇ​ര​ക​ൾ​ക്കു​ള്ള ന​ഷ്ട​പ​രി​ഹാ​രം കൊ​ടു​പ്പി​ച്ചി​ട്ടേ ശ​ന്പ​ളം കൊ​ടു​ക്കാ​വൂ. അ​ല്ലെ​ങ്കി​ൽ അ​ഴു​കി​ത്തു​ട​ങ്ങി​യ ഈ ​സി​സ്റ്റ​ത്തി​ൽ ഇ​നി​യു​ള്ള പു​ല​രി​ക​ളി​ലും വി​ഷ​ക്കൂ​ണു​ക​ൾ മു​ള​യ്ക്കും.