എറണാകുളം: ലോക്‌സഭാ തെരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കെ മമ്മൂട്ടിയുടെ വസതിയിലെത്തി വോട്ടുതേടി ഹൈബി ഈഡൻ. നടൻ രമേശ് പിഷാരടിയും ഹൈബി കാണാനെത്തിയ സമയത്ത് മമ്മൂട്ടിയുടെ വസതിയില്‍ ഉണ്ടായിരുന്നു. മമ്മൂട്ടിയുമായി കൂടിക്കാഴ്ച നടത്തിയ ചിത്രങ്ങൾ ഹൈബി ഫേസ്ബുക്കിൽ പങ്കുവച്ചു. ഒരു തെരഞ്ഞെടുപ്പ് കാലത്ത് ആദ്യമായാണ് മമ്മുക്കയെ കാണാൻ ഇത്രയും വൈകി എത്തുന്നത്. ഒരു ജനപ്രതിനിധി എന്ന നിലയിലും വ്യക്തി എന്ന നിലയിലും എല്ലാക്കാലത്തും മമ്മുക്ക തന്ന സ്നേഹവാത്സല്യങ്ങൾ ചെറുതൊന്നുമല്ലന്ന് ഹൈബി ഈഡൻ പറഞ്ഞു.
ഫേസ്ബുക്ക് പോസ്റ്റിന്‍റെ പൂർണ രൂപം…
‘ലേറ്റായി വന്താലും ലേറ്റസ്റ്റായി വരുവേന്‍…’
ആദ്യമായാണ് ഒരു തെരഞ്ഞെടുപ്പ് കാലത്ത് മമ്മുക്കയെ കാണാൻ ഇത്ര വൈകിയെത്തുന്നത്. ഒരു ജനപ്രതിനിധി എന്ന നിലയിലും വ്യക്തി എന്ന നിലയിലും എല്ലാക്കാലത്തും മമ്മുക്ക തന്ന സ്നേഹവാത്സല്യങ്ങൾ ചെറുതൊന്നുമല്ല.
