ക​ണ്ണൂ​രി​ൽ ഗ്യാ​സ് സി​ലി​ണ്ട​ർ പൊ​ട്ടി​ത്തെ​റി​ച്ച്  നാ​ലു പേ​ർ​ക്കു പൊ​ള്ള​ൽ, ര​ണ്ടു​പേ​ർ​ക്ക് ഗു​രു​ത​രം; സ്റ്റൗ ഓ​ഫാ​ക്കാ​ൻ മ​റ​ന്ന​ത് അ​പ​ക​ട​കാ​ര​ണം

പ​ഴ​യ​ങ്ങാ​ടി: പു​തി​യ​ങ്ങാ​ടി​യി​ൽ ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ വാ​ട​ക​യ​്ക്ക് താ​മ​സി​ക്കു​ന്ന ക്വാ​ർ​ട്ടേ​ഴ്സി​ൽ പാ​ച​ക​വാ​തക ചോ​ർ​ച്ച​യു​ണ്ടാ​യ​തി​നെ തു​ട​ർ​ന്ന് ഗ്യാ​സ് സി​ലി​ണ്ട​ർ പൊ​ട്ടി​ത്തെ​റി​ച്ചു നാ​ലുപേ​ർ​ക്ക് പൊ​ള്ള​ലേ​റ്റു. ര​ണ്ടുപേ​രു​ടെ നി​ല ഗു​രു​ത​ര​മാ​ണ്.

പൊ​ള്ള​ലേ​റ്റ​വ​രെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു. ഒ​ഡീ​ഷ സ്വ​ദേ​ശി​ക​ളാ​യ ശി​വ​ബ​ഹ്റ (35), നി​ഘം ബ​ഹ്റ (40), സു​ബാ​ഷ് ബ​ഹ​റ (50), ജി​തേ​ന്ദ്ര ബ​ഹ്റ (28) എ​ന്നി​വ​ർ​ക്കാ​ണ് പൊ​ള്ള​ലേ​റ്റ​ത്. ശി​വ ബ​ഹ​റ, നി​ഘം ബ​ഹ്റ എ​ന്നി​വ​ർ​ക്കാ​ണ് ഗു​രു​ത​ര​മാ​യി പൊ​ള്ള​ലേ​റ്റ​ത്. ഇ​വ​രെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ പ്ര​വേ​ശി​പ്പി​ച്ചു.

ഇ​ന്നു രാ​വി​ലെ ആ​റോ​ടു കൂ​ടി​യാ​യി​രു​ന്നു സം​ഭ​വം. ക​ട​പ്പു​റം കേ​ന്ദ്രീ​ക​രി​ച്ച് മീ​ൻ​പി​ടി​ക്കു​ന്ന പു​തി​യ​ങ്ങാ​ടി സ്വ​ദേ​ശി സ​ലീ​മി​ന്‍റെ ഉ​ട​മ​സ്ഥ​ത​യി​ലു​ള്ള അ​ൽ റ​ജ​ബ് ബോ​ട്ടി​ലെ തൊ​ഴി​ലാ​ളി​ക​ളാ​ണ് നാ​ലു പേ​രും. ഇ​ന്ന​ലെ രാ​ത്രി താ​മ​സി​ക്കു​ന്ന മു​റി​യി​ൽ നി​ന്നു ത​ന്നെ ഭ​ക്ഷ​ണം പാ​കം ചെ​യ്ത​തി​നു​ശേ​ഷം ഗ്യാ​സ് സി​ലി​ണ്ട​റും അ​ടു​പ്പും ഓ​ഫാ​ക്കാ​ൻ മ​റ​ന്നു പോ​യി​രു​ന്ന​താ​യാ​ണ് പ​റ​യു​ന്ന​ത്.

ഇ​ന്നു രാ​വി​ലെ ഉ​റ​ക്ക​മു​ണ​ർ​ന്ന ഒ​രാ​ൾ ഭ​ക്ഷ​ണം പാ​കം ചെ​യ്യാ​നാ​യി ലൈ​റ്റ​ർ ഉ​പ​യോ​ഗി​ച്ച് സ്റ്റൗ ​ക​ത്തി​ക്കാ​ൻ ശ്ര​മി​ച്ച​പ്പോ​ൾ ഗ്യാ​സി​ന് തീ​പി​ടി​ച്ച് മു​റി അ​ഗ്നി​ഗോ​ള​മാ​യി മാ​റു​ക​യാ​യി​രു​ന്നു. ബ​ഹ​ളംകേ​ട്ട് ഓ​ടി​യെ​ത്തി​യ​വ​രാ​ണ് പൊ​ള്ള​ലേ​റ്റ​വ​രെ ആ​ശു​പ​ത്രി​യി​ലാ​ക്കി​യ​ത്. പ​ഴ​യ​ങ്ങാ​ടി പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.