ട്രെ​യി​ൻ യാ​ത്ര​യ്ക്കി​ടെ യു​വാ​വ് മ​രി​ച്ച സം​ഭ​വം: ഇ​ന്‍റ​ലി​ജ​ൻ​സ് എ​ഡി​ജി​പി റി​പ്പോ​ർ​ട്ട് തേ​ടി

തൃ​ശൂ​ർ: ട്രെ​യി​ൻ യാ​ത്ര​യ്ക്കി​ടെ കു​ഴ​ഞ്ഞു​വീ​ണ യു​വാ​വ് സ​മ​യ​ത്തി​നു ചി​കി​ത്സ ല​ഭി​ക്കാ​തെ മ​രി​ച്ച സം​ഭ​വ​ത്തി​ൽ ഇ​ന്‍റ​ലി​ജ​ൻ​സ് എ​ഡി​ജി​പി റി​പ്പോ​ർ​ട്ട് തേ​ടി. മ​ര​ണം സ്ഥി​രീ​ക​രി​ച്ച ഡോ​ക്ട​റു​ടെ മൊ​ഴി​യെ​ടു​ക്കും. സം​ഭ​വ​ത്തി​ൽ ഉ​ദ്യോ​ഗ​സ്ഥ​ത​ല അ​ന്വേ​ഷ​ണ​ത്തി​ന് റെ​യി​ൽ​വേ​യും ഉ​ത്ത​ര​വി​ട്ടി​ട്ടു​ണ്ട്.

ചാ​ല​ക്കു​ടി കു​റ്റി​ച്ചി​റ സ്വ​ദേ​ശി മു​ണ്ടോ​പ്പി​ള്ളി വീ​ട്ടി​ൽ ശ്രീ​ജി​ത്താ​ണ് (26) ക​ഴി​ഞ്ഞ​യാ​ഴ്ച പു​ല​ർ​ച്ചെ റെ​യി​ൽ​വേ പ്ലാ​റ്റ്ഫോ​മി​ൽ മ​രി​ച്ച​ത്. അ​ഹ​മ്മ​ദാ​ബാ​ദി​ൽ നി​ന്ന് എ​റ​ണാ​കു​ള​ത്തേ​ക്കു​ള്ള ഓ​ഖ എ​ക്സ്പ്ര​സി​ൽ യാ​ത്ര ചെ​യ്യു​ന്പോ​ൾ പ​ട്ടാ​ന്പി സ്റ്റേ​ഷ​ൻ പി​ന്നി​ട്ട ശേ​ഷം നെ​ഞ്ചു​വേ​ദ​ന അ​നു​ഭ​വ​പ്പെ​ടു​ക​യാ​യി​രു​ന്നു.

സ​ഹ​യാ​ത്രി​ക​ർ വി​വ​രം അ​റി​യി​ച്ച​തി​നെ തു​ട​ർ​ന്ന് ടി​ടി​ഇ തൃ​ശൂ​ർ റെ​യി​ൽ​വേ സ്റ്റേ​ഷ​നി​ൽ വി​വ​രം അ​റി​യി​ക്കു​ക​യും യു​വാ​വി​നെ ആ​ശു​പ​ത്രി​യി​ലെ​ത്തി​ക്കാ​ൻ ആം​ബു​ല​ൻ​സ് ഇ​വി​ടെ ത​യാ​റാ​ക്കി നി​ർ​ത്തു​ക​യും ചെ​യ്തി​രു​ന്നു.​

എ​ന്നാ​ൽ യാ​ത്ര തു​ട​രു​ന്ന​തി​നി​ടെ യു​വാ​വി​ന്‍റെ നി​ല മോ​ശ​മാ​യ​തി​നെ​ത്തു​ട​ർ​ന്നു യാ​ത്ര​ക്കാ​ർ മു​ള​ങ്കു​ന്ന​ത്തു​കാ​വ് സ്റ്റേ​ഷ​നി​ൽ ട്രെ​യി​ൻ ച​ങ്ങ​ല വ​ലി​ച്ചു നി​ർ​ത്തി. എ​ന്നാ​ൽ ഇ​വി​ടേ​ക്ക് ആം​ബു​ല​ൻ​സ് എ​ത്താ​ൻ വൈ​കി​യെ​ന്ന് ആ​രോ​പ​ണ​മു​ണ്ട്. പി​ന്നീ​ട് ശ്രീ​ജി​ത്തി​നെ തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.