മണർകാട്ടെ ചീട്ടുകളി;പോലീസുകാരുടെ രഹസ്യ നമ്പറിൽനിന്ന് മാലം സുരേഷിനു വിളി പോയി; ഒറ്റുകാർക്ക് ചങ്കിടിപ്പ്


കോ​ട്ട​യം: ചീ​ട്ടു​ക​ളി കേ​സി​ൽ മ​ണ​ർ​കാ​ട് സ്റ്റേ​ഷ​നി​ലെ പോ​ലീ​സു​കാ​രു​ടെ ‘ര​ഹ​സ്യ’ ഫോ​ണ്‍ ന​ന്പ​റു​ക​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം.

സ്റ്റേ​ഷ​നി​ലെ കൂ​ടു​ത​ൽ പോ​ലീ​സു​കാ​ർ മാ​ലം സു​രേ​ഷി​ന്‍റെ പ​ക്ക​ൽനി​ന്ന് മാ​സ​പ്പ​ടി വാ​ങ്ങു​ന്ന​താ​യും ഇ​യാ​ൾ​ക്കു വ​ഴി​വി​ട്ട സ​ഹാ​യം ചെ​യ്തു ന​ല്കു​ന്ന​താ​യു​മു​ള്ള വി​വ​ര​ങ്ങ​ൾ പു​റ​ത്തുവന്ന സാഹചര്യത്തി ലാണ് പോലീ സുകാരുടെ ഫോൺ നന്പർ കേന്ദ്രീകരിച്ച് അന്വേഷണം.

എ​സ്എ​ച്ച്ഒ ആ​ർ. ര​തീ​ഷ്കു​മാ​റും ചീ​ട്ടു​ക​ളി കേ​ന്ദ്ര​ത്തി​ന്‍റെ ന​ട​ത്തി​പ്പു​കാ​ര​ൻ മാ​ലം സു​രേ​ഷും ത​മ്മി​ലു​ള്ള ഫോ​ണ്‍ സം​ഭാ​ഷ​ണം വലിയ വിവാദങ്ങ ൾക്ക് വഴിതെളിച്ചിരുന്നു.

ആ​ദ്യ​ഘ​ട്ട അ​ന്വേ​ഷ​ണ​ത്തി​ൽ സ്റ്റേ​ഷ​നി​ലെ അ​ഞ്ചു പോ​ലീ​സു​കാ​ർ​ക്ക് ര​ഹ​സ്യ ഫോ​ണു​ള്ള​താ​യി കണ്ടെത്തി. മാ​സ​പ്പ​ടി വാ​ങ്ങു​ന്ന പോ​ലീ​സു​കാ​ർ രഹസ്യ ഫോൺ വഴി ആ​വ​ശ്യ​മാ​യ വി​വ​ര​ങ്ങ​ൾ മാ​ലം സു​രേ​ഷി​നു കൃ​ത്യമാ​യി ചോർത്തിക്കൊടുക്കുന്ന കാ​ര്യ​ങ്ങ​ൾ അ​ന്വേ​ഷ​ണ സം​ഘ​ത്തി​നു ബോ​ധ്യ​പ്പെ​ട്ടു.

അ​തേ​സ​മ​യം ര​തീ​ഷ്കു​മാ​റു​മാ​യു​ള്ള മാ​ലം സു​രേ​ഷി​ന്‍റെ ഫോ​ണ്‍ സം​ഭാ​ഷ​ണം പു​റ​ത്തു​വ​ന്ന​തോ​ടെ പോ​ലീ​സു​കാ​ർ ര​ഹ​സ്യ ഫോ​ണു​ക​ൾ ഉ​പേ​ക്ഷി​ച്ച​താ​യി​ട്ടാ​ണ് സൂ​ച​ന.

എ​ന്നാ​ൽ അ​ന്വേ​ഷ​ണ സം​ഘ​ത്തി​ന് ​ഫോ​ണ്‍ ന​ന്പ​റു​ക​ൾ ല​ഭി​ച്ച​താ​യും സൈ​ബ​ർ സെ​ല്ലു​മാ​യി ബ​ന്ധ​പ്പെ​ട്ട് മാ​ലം സു​രേ​ഷി​നെ വി​ളി​ച്ചി​രി​ക്കു​ന്ന​വ​രെ ക​ണ്ടെ​ത്താ​നും ശ്ര​മം ന​ട​ത്തി​വ​രി​ക​യാ​ണ്. കൂ​ടു​ത​ൽ പോ​ലീ​സു​കാ​ർ​ക്കു ര​ഹ​സ്യ ഫോ​ണു​ക​ൾ ഉ​ണ്ടോ​യെ​ന്ന കാ​ര്യ​വും അ​ന്വേ​ഷ​ണ സം​ഘം പ​രി​ശോ​ധി​ക്കു​ന്നു.

റെ​യ്ഡ് ന​ട​ന്ന​തി​നു​ശേ​ഷം മ​ഹ​സ​ർ ഉ​ൾ​പ്പെ​ടെ ത​യാ​റാ​ക്കി​യ​തി​നു​ശേ​ഷ​ം പോ​ലീ​സു​കാ​ർ മാ​ലം സു​രേ​ഷി​നെ ഫോ​ണി​ൽ വി​ളി​ച്ചു വി​വ​ര​ങ്ങ​ൾ ചോർത്തി നൽകിയ തായിട്ടാണ് അ​ന്വേ​ഷ​ണ സം​ഘം ക​ണ്ടെ​ത്തി​യി​രി​ക്കു​ന്ന​ത്. റെ​യ്ഡ് ന​ട​ക്കു​ന്ന​തി​നു മു​ന്പു ഇ​വ​ർ മാ​ലം സു​രേ​ഷി​നെ വി​ളി​ച്ചി​ട്ടു​ണ്ടോ​യെ​ന്ന വി​വ​ര​ങ്ങ​ൾ അ​ന്വേ​ഷ​ണ സം​ഘം ശേ​ഖ​രി​ച്ചു​വ​രു​ന്ന​തേ​യു​ള്ളൂ.

ക​ഴി​ഞ്ഞ 11നു ​മ​ണ​ർ​കാ​ട് ക്രൗ​ണ്‍ ക്ല​ബി​ൽ ന​ട​ത്തി​യ റെ​യ്ഡി​ൽ മ​ണ​ർ​കാ​ട് സ്റ്റേ​ഷ​നി​ലെ പോ​ലീ​സു​കാ​രെ ഒ​ഴി​വാ​ക്കി​യി​രു​ന്നു. റെ​യ്ഡ് വി​വ​ര​ങ്ങ​ൾ മു​ന്പും ചോ​രു​ന്ന​തു ക​ണ​ക്കി​ലെ​ടു​ത്താ​ണ് മ​ണ​ർ​കാ​ട് സ്റ്റേ​ഷ​നി​ലെ ഉ​ദ്യോ​ഗ​സ്ഥ​രെ സം​ഭ​വം അ​റി​യി​ക്കാ​തി​രു​ന്ന​ത്.

ഇ​തി​നു പു​റ​മേ ചീ​ട്ടു​ക​ളി ക്ല​ബി​ൽ നി​ന്നും പി​ടി​ച്ചെ​ടു​ത്ത സി​സി​ടി​വി​യു​ടെ ഹാ​ർ​ഡ് ഡി​സ്ക്കും പി​ടി​കൂ​ടി​യ ഫോ​ണു​ക​ളും ശാ​സ്ത്രീ​യ പ​രി​ശോ​ധ​ന​യ്ക്കു വി​ധേ​യ​മാ​ക്കി വ​രി​ക​യാ​ണ്. ക​ഴി​ഞ്ഞ കു​റ​ച്ചു നാ​ളു​ക​ളാ​യി മ​ണ​ർ​കാ​ട് സ്റ്റേ​ഷ​നി​ലേ​ക്കു എ​സ്എ​ച്ച്ഒ ഉ​ൾ​പ്പ​ടെ​യു​ള്ള പോ​ലീ​സു​കാ​രെ നി​യ​മി​ക്കു​ന്ന​തി​ൽ മാ​ലം സു​രേ​ഷും ഇ​യാ​ളു​ടെ അ​ടു​പ്പ​ക്കാ​ര​നാ​യ ഭ​ര​ണ​ക​ക്ഷി​യി​ലെ നേ​താ​വും ഇ​ട​പെ​ട്ടി​രു​ന്ന​താ​യും ആ​രോ​പ​ണ​മു​ണ്ട്.

ചീ​ട്ടു​ക​ളി കേ​സ് അ​ന്വേ​ഷി​ക്കു​ന്ന കാ​ഞ്ഞി​ര​പ്പ​ള്ളി ഡി​വൈ​എ​സ്പി ജെ. ​സ​ന്തോ​ഷ്കു​മാ​ർ ഇ​ന്ന​ലെ മ​ണ​ർ​കാ​ട് സ്റ്റേ​ഷ​നി​ലെ നി​ര​വ​ധി പോ​ലീ​സു​കാ​രു​ടെ മൊ​ഴി രേ​ഖ​പ്പെ​ടു​ത്തി. നാ​ളെ മു​ത​ൽ ചീ​ട്ടു​ക​ളി കേ​ന്ദ്ര​ത്തി​ൽനിന്ന് പി​ടി​കൂ​ടി​യ​വ​രു​ടെ മൊ​ഴി​യാ​ണ് രേ​ഖ​പ്പെ​ടു​ത്തു​ന്ന​ത്.

തു​ട​ർ​ന്നാ​യി​രി​ക്കും അ​ന്വേ​ണം സം​ഘം ചീ​ട്ടു​ക​ളി ന​ട​ന്ന ക്ല​ബി​ലെ​ത്തി വി​വ​ര​ങ്ങ​ൾ ശേ​ഖ​രി​ക്കു​ന്ന​ത്. കോ​ടി​ക​ൾ മ​റി​യു​ന്ന ചീ​ട്ടു​ക​ളി കേ​ന്ദ്ര​ത്തി​ൽ എ​ത്തി​യി​രു​ന്ന പ​ണ​ത്തി​ന്‍റെ ഉ​റ​വി​ടം സം​ബ​ന്ധി​ച്ചു എ​ൻ​ഫോ​ഴ്സ​മെ​ന്‌റ് വിഭാഗവും അ​ന്വേ​ഷ​ണം ന​ട​ത്തുന്നുണ്ട്.

Related posts

Leave a Comment