കാ​ഷ്മീ​ർ ഭീ​ക​രാ​ക്ര​മ​ണം: മ​ര​ണം 29;മ​രി​ച്ച​വ​രി​ൽ 28 പു​രു​ഷ​ന്മാ​രും ഒ​രു സ്ത്രീ​യും, ര​ണ്ടു പേ​ർ വി​ദേ​ശി​ക​ൾ; മ​രി​ച്ച മ​ല​യാ​ളി​യു​ടെ മൃ​ത​ദേ​ഹം നാ​ട്ടി​ലെ​ത്തി​ക്കാ​ൻ ന​ട​പ​ടി തു​ട​ങ്ങി

ശ്രീ​ന​ഗ​ർ: ജ​മ്മു കാ​ഷ്മീ​രി​ലെ പ​ഹ​ൽ​ഗാ​മി​ൽ വി​നോ​ദ​സ​ഞ്ചാ​രി​ക​ൾ​ക്കു​നേ​രേ​യു​ണ്ടാ​യ ഭീ​ക​രാ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം 29 ആ​യി. 28 പു​രു​ഷ​ന്മാ​രും ഒ​രു സ്ത്രീ​യു​മാ​ണ് മ​രി​ച്ച​ത്. മ​രി​ച്ച​വ​രി​ൽ ഒ​രു മ​ല​യാ​ളി​യും ഉ​ൾ​പ്പെ​ടു​ന്നു.

എ​റ​ണാ​കു​ളം ഇ​ട​പ്പ​ള്ളി സ്വ​ദേ​ശി എ​ൻ. രാ​മ​ച​ന്ദ്ര​ൻ ആ​ണ് കൊ​ല്ല​പ്പെ​ട്ട മ​ല​യാ​ളി. ര​ണ്ടു വി​ദേ​ശി​ക​ളും നാ​ട്ടു​കാ​രാ​യ ര​ണ്ടു​പേ​രും കൊ​ല്ല​പ്പെ​ട്ട​വ​രി​ൽ ഉ​ൾ​പ്പെ​ടു​ന്നു. ഇ​രു​പ​തി​ലേ​റെ പേ​ർ​ക്കു പ​രി​ക്കേ​റ്റു. കൊ​ല്ല​പ്പെ​ട്ട​വ​രു​ടെ മൃ​ത​ദേ​ഹ​ങ്ങ​ൾ ശ്രീ​ന​ഗ​റി​ലെ​ത്തി​ച്ചു. ഇ​ന്ന് പോ​സ്റ്റ്മോ​ർ​ട്ടം ന​ട​ക്കും.

പ​ഹ​ൽ​ഗാം പ​ട്ട​ണ​ത്തി​ന​ടു​ത്തു​ള്ള പ്ര​ശ​സ്ത​മാ​യ വി​നോ​ദ​സ​ഞ്ചാ​ര​കേ​ന്ദ്ര​മാ​യ ബൈ​സ​ര​ണി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്നോ​ടെ​യാ​യി​രു​ന്നു ഭീ​ക​രാ​ക്ര​മ​ണം. ട്രെ​ക്കിം​ഗി​നു പോ​യ വി​നോ​ദ​സ​ഞ്ചാ​രി​ക​ളാ​ണ് ആ​ക്ര​മ​ണ​ത്തി​നി​ര​യാ​യ​ത്. ജ​മ്മു കാ​ഷ്മീ​രി​ൽ നാ​ട്ടു​കാ​ർ​ക്കു​നേ​രേ​യു​ണ്ടാ​യ ഏ​റ്റ​വും വ​ലി​യ ആ​ക്ര​മ​ണ​മാ​ണി​ത്.

ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വം ദ ​റെ​സി​സ്റ്റ​ൻ​സ് ഫ്ര​ണ്ട് (ടി​ആ​ർ​എ​ഫ്) ഏ​റ്റെ​ടു​ത്തു. ല​ഷ്ക​ർ-​ഇ-​തൊ​യ്ബ​യു​ടെ നി​ഴ​ൽ​സം​ഘ​ട​ന​യാ​ണ് ടി​ആ​ർ​എ​ഫ്.

സൈ​നി​ക വേ​ഷ​ത്തി​ലെ​ത്തി​യ ഏ​ഴു ഭീ​ക​ര​രാ​ണ് ആ​ക്ര​മ​ണം ന​ട​ത്തി​യ​ത്. ജ​മ്മു​വി​ലെ കി​ഷ്താ​ർ വ​ഴി​യാ​ണു ഭീ​ക​ര​ർ ബൈ​സ​ര​ണി​ലെ​ത്തി​യെ​ന്നാ​ണു റി​പ്പോ​ർ​ട്ട്. പാ​ക്കി​സ്ഥാ​നി​ൽ​നി​ന്നു പ​രി​ശീ​ല​നം നേ​ടി​യ​വ​രും ഭീ​ക​ര​രി​ൽ ഉ​ൾ​പ്പെ​ടു​ന്ന​താ​യി മു​തി​ർ​ന്ന സൈ​നി​ക ഉ​ദ്യോ​ഗ​സ്ഥ​ൻ പ​റ​ഞ്ഞു.

ബൈ​സ​ര​ണി​ലെ പൈ​ൻ മ​ര​ക്കാ​ട്ടി​ൽ​നി​ന്നെ​ത്തി​യ ഭീ​ക​ര​ർ വി​നോ​ദ​സ​ഞ്ചാ​രി​ക​ൾ​ക്കു​നേ​രേ പ​ല റൗ​ണ്ട് വെ​ടി​വ​യ്ക്കു​ക​യാ​യി​രു​ന്നു. വെ​ടി​യേ​റ്റ നി​ര​വ​ധി​പ്പേ​ർ ര​ക്ത​ത്തി​ൽ കു​ളി​ച്ചു കി​ട​ക്കു​ന്ന​തി​ന്‍റെ ദൃ​ശ്യ​ങ്ങ​ൾ പു​റ​ത്തു​വ​ന്നു. പ​രി​ക്കേ​റ്റ ഏ​താ​നും പേ​രെ പ്ര​ദേ​ശ​വാ​സി​ക​ൾ അ​വ​രു​ടെ കു​തി​ര​പ്പു​റ​ത്താ​ണ് റോ​ഡി​ലെ​ത്തി​ച്ച​ത്