ന്യൂഡൽഹി: ഇന്ത്യക്കെതിരേ ആണവഭീഷണി മുഴക്കി പാക് സൈനിക മേധാവി അസിം മുനീർ. കാഷ്മീർ ഇന്ത്യയുടെ ആഭ്യന്തരവിഷയമല്ലെന്നും കാഷ്മീർ പാക്കിസ്ഥാന്‍റെ ജീവനാഡിയാണെന്നും മുനീർ പറഞ്ഞു.
പാക്കിസ്ഥാൻ ആണവരാഷ്ട്രമാണെന്നും തങ്ങൾ തകർന്നാൽ ലോകത്തിലെ പകുതി രാജ്യങ്ങളെയും തകർക്കുമെന്നും പാക്ക് പട്ടാളമേധാവി ഭീഷണിസ്വരത്തിൽ പറഞ്ഞു. അമേരിക്കൻ സന്ദർശനത്തിനിടെയാണ് ഇന്ത്യക്കെതിരേ മുനീർ പ്രകോപന പ്രസ്താവനകൾ നടത്തിയത്.
സിന്ധു നദിയിൽ ഇന്ത്യ അണക്കെട്ട് നിർമിച്ചാൽ അത് പൂർത്തിയായ ഉടൻ മിസൈൽ അയച്ച് തകർക്കുമെന്നും സിന്ധു നദി ഇന്ത്യക്കാരുടെ സ്വന്തമല്ലെന്നും മുനീർ പറഞ്ഞു. അമേരിക്കയിൽ പാക് വ്യവസായികളുടെ പരിപാടിയിലാണു പ്രകോപന പ്രസ്താവന നടത്തിയത്.
