‘വ​ലി​യ ധൃ​തി​യൊ​ന്നു​മി​ല്ല, അ​ഞ്ച​ര​വ​ര്‍​ഷ​മ​ല്ലേ ആ​യു​ള്ളൂ’; സ​ർ​ക്കാ​രി​നെ​തി​രേ പ​രി​ഹാ​സ​വു​മാ​യി പാ​ര്‍​വ​തി തി​രു​വോ​ത്ത്

ഹേ​മ ക​മ്മി​റ്റി റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ര​ജി​സ്റ്റ​ർ ചെ​യ്ത കേ​സു​ക​ളെ​ല്ലാം അ​വ​സാ​നി​പ്പി​ക്കു​ന്ന​താ​യി പ്ര​ത്യേ​ക അ​ന്വേ​ഷ​ണം സം​ഘം അ​റി​യി​ച്ച​തി​നു പി​ന്നാ​ലെ രൂ​ക്ഷ വി​മ​ർ​ശ​ന​വു​മാ​യി ന​ടി പാ​ർ​വ​തി തി​രു​വോ​ത്ത്. ത​ന്‍റെ ഇ​ൻ​സ്റ്റ​ഗ്രാം സ്റ്റോ​റി​യി​ലൂ​ടെ ആ​യി​രു​ന്നു ന​ടി​യു​ടെ പ്ര​തി​ക​ര​ണം. ഹേ​മ ക​മ്മി​റ്റി റി​പ്പോ​ർ​ട്ട് സ​മ​ർ​പ്പി​ച്ചി​ട്ട് അ​ഞ്ച​ര വ​ർ​ഷ​മാ​യ​ല്ലോ​യെ​ന്നും എ​ന്തെ​ങ്കി​ലും തീ​രു​മാ​ന​മാ​യോ എ​ന്നും മു​ഖ്യ​മ​ന്ത്രി​യോ​ടാ​യി പാ​ർ​വ​തി തി​രു​വോ​ത്ത് ചോ​ദി​ച്ചു.

എ​ന്തി​നാ​യി​രു​ന്നു ഹേ​മ ക​മ്മി​റ്റി രൂ​പവത്​ക​രി​ച്ച​ത് എ​ന്ന കാ​ര്യ​ത്തി​ൽ ഇ​നി​യെ​ങ്കി​ലും ശ്ര​ദ്ധ കേ​ന്ദ്രീ​ക​രി​ക്കാ​മ​ല്ലോ. അ​ല്ലേ ? സി​നി​മാ മേ​ഖ​ല​യി​ൽ ആ​വ​ശ്യ​മാ​യ നി​യ​ന്ത്ര​ണ​ങ്ങ​ൾക്കും മാ​റ്റ​ങ്ങ​ൾക്കുമുള്ള നി​യ​മ​ങ്ങ​ൾ കൊ​ണ്ടു​വ​രി​ക എ​ന്ന​താ​യി​രു​ന്ന​ല്ലോ ല​ക്ഷ്യം, അ​ല്ലേ? അ​തി​ൽ എ​ന്താ​ണ് കേ​ര​ള മു​ഖ്യ​മ​ന്ത്രി, ഇ​പ്പോ​ൾ സം​ഭ​വി​ക്കു​ന്ന​ത് ? വ​ലി​യ ധൃ​തി​യൊ​ന്നും ഇ​ല്ല, റി​പ്പോ​ർ​ട്ട് സ​മ​ർ​പ്പി​ച്ചി​ട്ട് അ​ഞ്ച​ര വ​ർ​ഷ​മ​ല്ലേ ആ​യി​ട്ടു​ള്ളൂ എ​ന്നാ​ണ് പാ​ർ​വ​തി തി​രു​വോ​ത്ത് കു​റി​ച്ച​ത്.

ഒ​പ്പം ര​ജി​സ്റ്റ​ർ ചെ​യ്ത കേ​സു​ക​ളെ​ല്ലാം അ​വ​സാ​നി​പ്പി​ക്കു​ന്ന​താ​യി പ്ര​ത്യേ​ക അ​ന്വേ​ഷ​ണം സം​ഘം അ​റി​യി​ച്ച ഇ​ക്ക​ഴി​ഞ്ഞ ദി​വ​സ​മാ​ണ് കേ​സു​ക​ളെ​ല്ലാം അ​വ​സാ​നി​പ്പി​ക്കാ​ൻ പ്ര​ത്യേ​ക അ​ന്വേ​ഷ​ണ സം​ഘം ത​യാ​റെ​ടു​ക്കു​ക​യാ​ണെ​ന്ന വി​വ​രം പു​റ​ത്തു​വ​ന്ന​ത്. ക​മ്മി​റ്റി മു​ന്പാകെ മൊ​ഴി ന​ൽ​കി​യ​വ​ർ​ക്ക് കേ​സു​മാ​യി മു​ന്നോ​ട്ടുപോ​കാ​ൻ താ​ത്പ​ര്യ​മി​ല്ലാ​ത്ത​തുകൊ​ണ്ടാ​ണ് തീ​രു​മാ​ന​മെ​ന്നും 21 കേ​സു​ക​ൾ അ​വ​സാ​നി​പ്പി​ച്ചെ​ന്നും പ്ര​ത്യേ​കസം​ഘം റി​പ്പോ​ർ​ട്ട് ന​ൽ​കു​കയായി​രു​ന്നു. ബാ​ക്കി കേ​സു​ക​ൾ ഈ ​മാ​സം ത​ന്നെ അ​വ​സാ​നി​പ്പി​ക്കു​മെ​ന്നാ​യി​രു​ന്നു റി​പ്പോ​ർ​ട്ടു​ക​ൾ.

ഹേ​മ ക​മ്മി​റ്റി​ക്ക് മു​ൻ​പാ​കെ മൊ​ഴി ന​ൽ​കാ​ത്ത​വ​രും ചി​ല വ​നി​താ സി​നി​മാ പ്ര​വ​ർ​ത്ത​ക​രും പ​രാ​തി ന​ൽ​കി​യി​രു​ന്നു. ഇ​ത്ത​ര​ത്തി​ൽ 35 കേ​സു​ക​ളാ​ണ് എ​ടു​ത്തത്്. മു​പ്പ​തോ​ളം കേ​സു​ക​ളി​ൽ കു​റ്റ​പ​ത്രം സ​മ​ർ​പ്പി​ക്കു​ക​യും ചെ​യ്തു. നാ​ലു പ്ര​മു​ഖ ന​ട​ന്മാ​രും ഒ​രു പ്ര​മു​ഖ സം​വി​ധാ​യ​ക​നും ഉ​ൾ​പ്പ​ടെ​യു​ള്ള​വ​ർ​ക്ക് എ​തി​രാ​യ കേ​സു​ക​ളി​ലാ​ണ് കു​റ്റ​പ​ത്രം സ​മ​ർ​പ്പി​ച്ച​ത്.