എ​സ്ഐ അ​ഭി​ലാ​ഷ് ചോ​ര​ക്കു​ഞ്ഞു​മാ​യി പാ​ഞ്ഞു; മുമ്പൊരി​ക്ക​ൽ കൈ​വി​ട്ടു​പോ​യ കു​രു​ന്നി​ന്‍റെ ഓ​ർ​മ​യി​ൽ

സീ​മ മോ​ഹ​ൻ​ലാ​ൽ
കൊ​ച്ചി: മു​ന്പ് മ​ര​ണ​ക്ക​യ​ത്തി​ൽ​പ്പെ​ട്ട കു​രു​ന്നു ജീ​വ​നു​മാ​യി ആ​ശു​പ​ത്രി​യി​ലേ​ക്ക് പാ​ഞ്ഞെ​ങ്കി​ലും കൈ​വി​ട്ടു​പോ​യ ആ ​ജീ​വ​ന്‍റെ ഓ​ർ​മ​യി​ൽ ന​വ​ജാ​ത ശി​ശു​വി​ന് പു​ന​ർ​ജ​ൻ​മ​മേ​കി​യ സ​ന്തോ​ഷ​ത്തി​ലാ​ണ് ചെ​ങ്ങ​ന്നൂ​ർ പോ​ലീ​സ് സ്റ്റേ​ഷ​നി​ലെ സ​ബ് ഇ​ൻ​സ്പെ​ക്ട​ർ എം.​സി. അ​ഭി​ലാ​ഷ്.

ചെ​ങ്ങ​ന്നൂ​രി​ൽ ബ​ക്ക​റ്റി​ൽ ഉ​പേ​ക്ഷി​ച്ച ന​വ​ജാ​ത ശി​ശു​വി​നെ ചെ​ങ്ങ​ന്നൂ​ർ പോ​ലീ​സ് ര​ക്ഷ​പ്പെ​ടു​ത്തി ആ​ശു​പ​ത്രി​യി​ലെ​ത്തി​ച്ചി​ട്ട് ഒ​രാ​ഴ്ച പി​ന്നി​ടു​ന്നു.

ചെ​ങ്ങ​ന്നൂ​ർ പോ​ലീ​സ് സ്റ്റേ​ഷ​നി​ലി​രു​ന്ന് അ​ന്ന​ത്തെ സം​ഭ​വ​ങ്ങ​ൾ ഓ​ർ​ത്തെ​ടു​ക്കു​ന്പോ​ൾ ര​ണ്ടു കു​ട്ടി​ക​ളു​ടെ പി​താ​വാ​യ എ​സ് ഐ ​അ​ഭി​ലാ​ഷി​ന്‍റെ കാ​തു​ക​ളി​ൽ ആ ​കു​രു​ന്നു ക​ര​ച്ചി​ൽ ഇ​പ്പോ​ഴും മു​ഴ​ങ്ങു​ന്നു​ണ്ട്.

ബ​ക്ക​റ്റി​ലു​പേ​ക്ഷി​ച്ച ന​വ​ജാ​ത ശി​ശു​വു​മാ​യി എ​സ്ഐ അ​ഭി​ലാ​ഷ് ഓ​ടു​ന്ന​തി​ന്‍റെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി​രു​ന്നു.

ക​ഴി​ഞ്ഞ നാ​ലി​ന് രാ​വി​ലെ 8.45 നാ​ണ് അ​ങ്ങാ​ടി​ക്ക​ലി​ലെ സ്വ​കാ​ര്യ ആ​ശു​പ​ത്രി​യി​ൽ​നി​ന്ന് ആ ​ഫോ​ണ്‍​കോ​ൾ ചെ​ങ്ങ​ന്നൂ​ർ പോ​ലീ​സ് സ്റ്റേ​ഷ​നി​ലേ​ക്ക് എ​ത്തി​യ​ത്.

അ​മി​ത ര​ക്ത​സ്രാ​വ​ത്തി​ന് യു​വ​തി ചി​കി​ത്സ തേ​ടി​യെ​ത്തി​യെ​ന്നും സം​ഭ​വ​ത്തി​ൽ അ​സ്വാ​ഭാ​വി​ക​ത ഉ​ണ്ടെ​ന്നു​മാ​യി​രു​ന്നു ആ ​കോ​ൾ. ഒ​ന്പ​തോ​ടെ ഇ​ൻ​സ്പെ​ക്ട​ർ എ.​സി. വി​പി​ന്‍റെ നേ​തൃ​ത്വ​ത്തി​ൽ എ​സ്ഐ​മാ​രാ​യ എം.​സി. അ​ഭി​ലാ​ഷ്, അ​ജി​ത്ത് ഖാ​ൻ, സി​പി​ഒ സി. ​ഹ​രീ​ഷ്കു​മാ​ർ എ​ന്നി​വ​ര​ട​ങ്ങു​ന്ന പോ​ലീ​സ് സം​ഘം ആ​ശു​പ​ത്രി​യി​ലേ​ക്കു പു​റ​പ്പെ​ട്ടു.

യു​വ​തി​യു​ടെ അ​മ്മ​യെ ചോ​ദ്യം ചെ​യ്ത​പ്പോ​ൾ പ്ര​സ​വ​ത്തെ​ത്തു​ട​ർ​ന്ന് കു​ട്ടി മ​രി​ച്ചെ​ന്നും കു​ളി​മു​റി​യി​ൽ ഉ​പേ​ക്ഷി​ച്ചെ​ന്നും അ​റി​യി​ച്ചു. പ​ക്ഷേ, ര​ക്ത​സ്രാ​വ​ത്തെ തു​ട​ർ​ന്ന് ചി​കി​ത്സ​യി​ലു​ള​ള യു​വ​തി​യു​ടെ അ​ഞ്ചാം ക്ലാ​സു​കാ​ര​നാ​യ മ​ക​ൻ പ​റ​ഞ്ഞ​ത് കു​ഞ്ഞ് വീ​ട്ടി​ലെ ബ​ക്ക​റ്റി​ലു​ണ്ടെ​ന്നാ​ണ്.

ഉ​ട​ൻ പോ​ലീ​സ് സം​ഘം അ​വി​ടേ​യ്ക്ക് പാ​ഞ്ഞു. പി​ന്നീ​ട് ന​ട​ന്ന സം​ഭ​വ​ങ്ങ​ൾ എ​സ്ഐ അ​ഭി​ലാ​ഷി​ന്‍റെ വാ​ക്കു​ക​ളി​ലൂ​ടെ കേ​ൾ​ക്കാം…

“ആ​റ​ൻ​മു​ള ലി​മി​റ്റി​ലാ​യി​രു​ന്നു ആ ​വീ​ട്. എ​ങ്കി​ലും ചെ​ങ്ങ​ന്നൂ​രാ​യി​രു​ന്നു അ​ടു​പ്പം. ഉ​ട​ൻ ഞ​ങ്ങ​ൾ അ​വി​ടെ​യേ​ക്ക് പു​റ​പ്പെ​ട്ടു. മു​ള​ക്കു​ഴ കോ​ട്ട​പൊ​യ്ക​മു​ക്കി​ന് സ​മീ​പ​ത്തു​ള്ള അ​ട​ഞ്ഞു കി​ട​ക്കു​ന്ന വാ​ട​ക വീ​ട്ടി​ൽ പ​ല​യി​ട​ത്തും ഞ​ങ്ങ​ൾ നോ​ക്കി.

തു​ട​ർ​ന്ന് ഞാ​ൻ പു​റ​ത്തു ക​ണ്ട ശു​ചി​മു​റി​യി​ൽ ക​യ​റി. ഇ​ൻ​സ്പെ​ക്ട​ർ വി​പി​ൻ സാ​റും എ​ന്‍റെ കൂ​ടെ​യു​ണ്ട്. അ​വി​ടെ ര​ണ്ടു ബ​ക്ക​റ്റു​ക​ൾ ഉ​ണ്ടാ​യി​രു​ന്നു. ഒ​രു ബ​ക്ക​റ്റി​ൽ ര​ക്തം പു​ര​ണ്ട നൈ​റ്റി ഉ​ൾ​പ്പെ​ടെ​യു​ള്ള മു​ഴി​ഞ്ഞ തു​ണി​ക​ളാ​യി​രു​ന്നു.

തു​ണി​ക​ളു​ള്ള ര​ണ്ടാ​മ​ത്തെ ബ​ക്ക​റ്റി​ൽ ര​ക്ത​ത്തു​ള്ളി​ക​ൾ ക​ണ്ടു. ആ ​തു​ണി​ക​ൾ ഞാ​ൻ നീ​ക്കി​യ​പ്പോ​ൾ ഒ​രു ഞ​ര​ക്കം കേ​ട്ടു. അ​ത് അ​ൽ​പ​മൊ​ന്നു മാ​റ്റി നോ​ക്കി​യ​പ്പോ​ഴാ​ണ് അ​തി​നു​ള്ളി​ലൊ​രു ചോ​ര​ക്കു​ഞ്ഞി​നെ ക​ണ്ട​ത്.

കു​ഞ്ഞി​നെ വേ​ഗം എ​ടു​ക്കെ​ടാ… എ​ന്ന ഇ​ൻ​സ്പെ​ക്ട​റു​ടെ ശ​ബ്ദം മു​ഴ​ങ്ങി​യ​പ്പോ​ൾ ആ ​ബ​ക്ക​റ്റു​മാ​യി ഞാ​ൻ ജീ​പ്പി​ന​ടു​ത്തേ​ക്ക് ഓ​ടു​ക​യാ​യി​രു​ന്നു. കു​ഞ്ഞി​ന്‍റെ മു​ഖ​ത്ത് തു​ണി വീ​ണു​കി​ട​പ്പു​ണ്ടാ​യി​രു​ന്നെ​ങ്കി​ലും കു​ഞ്ഞ് ശ്വ​സി​ക്കു​ന്നു​ണ്ടാ​യി​രു​ന്നു.

ചു​ണ്ടു​ക​ൾ വി​ട​ർ​ത്തി ക​ണ്ണു​ക​ൾ മി​ഴി​ച്ചു​ള്ള ആ ​ക​ര​ച്ചി​ൽ ഇ​പ്പോ​ഴും എ​ന്‍റെ നെ​ഞ്ചി​ലൊ​രു വി​ങ്ങ​ലാ​യി കി​ട​പ്പു​ണ്ട്. ഏ​ഴു മ​ണി​ക്ക് പ്ര​സ​വം ന​ട​ന്നു​വെ​ന്ന് ആ​ശു​പ​ത്രി​യി​ൽ​നി​ന്ന് അ​റി​ഞ്ഞി​രു​ന്നു.

കു​രു​ന്നു ചു​ണ്ടു​ക​ളി​ലേ​ക്ക് അ​ൽ​പം വെ​ള്ളം ഇ​റ്റി​ച്ചു കൊ​ടു​ക്കാ​മെ​ന്നു ഞ​ങ്ങ​ൾ ആ​ദ്യം ക​രു​തി​യെ​ങ്കി​ലും ഇ​ൻ​ഫെ​ക്ഷ​ൻ വ​ല്ല​തും ഉ​ണ്ടാ​യാ​ലോ​യെ​ന്ന ഭ​യ​ത്തി​ൽ അ​തി​നു മു​തി​ർ​ന്നി​ല്ല.

പൈ​ല​റ്റ് വാ​ഹ​നം പോ​കു​ന്ന​തു​പോ​ലെ ജീ​പ്പു​മാ​യി ഹ​രീ​ഷ് പാ​യു​ക​യാ​യി​രു​ന്നു. യാ​ത്ര​യി​ൽ മു​ഴു​വ​ൻ ആ ​കു​രു​ന്നു ജീ​വ​ൻ തി​രി​ച്ചു കി​ട്ട​ണേ​യെ​ന്ന പ്രാ​ർ​ഥ​ന​യി​ലാ​യി​രു​ന്നു ഞാ​ൻ.

ആ ​സ്ത്രീ എ​ന്തി​നി​ത് ചെ​യ്തു എ​ന്ന ചി​ന്ത മ​ന​സി​ൽ മി​ന്നി​മ​റ​യു​ന്നു​ണ്ടാ​യി​രു​ന്നെ​ങ്കി​ലും എ​ത്ര​യും പെ​ട്ടെ​ന്ന് ആ​ശു​പ​ത്രി​യി​ൽ എ​ത്ത​ണേ എ​ന്ന​താ​യി​രു​ന്നു മ​ന​സി​ൽ.

മി​നി​റ്റു​ക​ൾ​ക്ക​കം ഞ​ങ്ങ​ൾ ആ​ശു​പ​ത്രി​യി​ലെ​ത്തി. കു​ഞ്ഞി​നെ ഡോ​ക്ട​ർ​മാ​ർ​ക്ക് കൈ​മാ​റി. പാ​തി​യി​ൽ പൊ​ലി​ഞ്ഞു പോ​യേ​ക്കാ​മാ​യി​രു​ന്ന ആ ​കു​ഞ്ഞു ജീ​വ​ൻ ര​ക്ഷി​ക്കാ​നാ​യ​തി​ന്‍റെ ചാ​രി​താ​ർ​ഥ്യം ഞ​ങ്ങ​ൾ​ക്കെ​ല്ലാ​വ​ർ​ക്കു​മു​ണ്ട്’-

എ​സ്ഐ അ​ഭി​ലാ​ഷ് പ​റ​ഞ്ഞു. സി​ഡ​ബ്ല്യു​സി​യു​ടെ സം​ര​ക്ഷ​ണ​യി​ലു​ള്ള കു​ഞ്ഞി​ന്‍റെ ആ​രോ​ഗ്യ​സ്ഥി​തി​യെ​ക്കു​റി​ച്ച് ഇ​ദ്ദേ​ഹം എ​ന്നും വി​ളി​ച്ചു ചോ​ദി​ക്കു​ന്നു​ണ്ട്.

ര​ണ്ടു വ​ർ​ഷം മു​ന്പുള്ള ഓ​ർ​മ
ര​ണ്ടു വ​ർ​ഷം മു​ന്പ് എ​സ്ഐ അ​ഭി​ലാ​ഷ് പു​ളി​ക്കി പോ​ലീ​സ് സ്റ്റേ​ഷ​നി​ൽ ജോ​ലി ചെ​യ്യു​ന്പോ​ഴു​ണ്ടാ​യ ഒ​രു സം​ഭ​വം ഇ​ന്നും അ​ദേ​ഹ​ത്തി​ന്‍റെ മ​ന​സി​ൽ മാ​യാ​തെ കി​ട​പ്പു​ണ്ട്.

അ​ന്ന് പാ​സ്പോ​ർ​ട്ട് വെ​രി​ഫി​ക്കേ​ഷ​നാ​യി ഒ​രു വീ​ട്ടി​ലെ​ത്തി​യ പോ​ലീ​സു​കാ​ര​നു​മാ​യി വീ​ട്ടു​കാ​ർ സം​സാ​രി​ച്ചി​രി​ക്കു​ന്ന​തി​നി​ടെ നാ​ഗ്പൂ​രി​ൽ നി​ന്ന് വി​രു​ന്നു​വ​ന്ന മൂ​ന്നു​വ​യ​സു​കാ​ര​ൻ വീ​ടി​നു പു​റ​കി​ലെ ആ​റി​ലേ​ക്ക് വീ​ണു.

പോ​ലീ​സു​കാ​ര​ൻ അ​റി​യി​ച്ച​ത​നു​സ​രി​ച്ച് എ​സ് ഐ ​അ​ഭി​ലാ​ഷും സം​ഘ​വും അ​വി​ടെ​യെ​ത്തി. വെ​ള്ള​ത്തി​ൽ​നി​ന്ന് കു​ഞ്ഞി​നെ​യെ​ടു​ത്ത് പ​രു​മ​ല ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ആ ​കു​ഞ്ഞ് മ​രി​ക്കു​ക​യു​ണ്ടാ​യി. ആ ​വേ​ദ​ന ഇ​പ്പോ​ഴും എ​സ്ഐ അ​ഭി​ലാ​ഷി​ന്‍റെ മ​ന​സി​ൽ നീ​റു​ന്ന മു​റി​വാ​യി കി​ട​പ്പു​ണ്ട്.

പോ​ലീ​സു​കാ​ര​നി​ൽ​നി​ന്ന് എ​സ്ഐ​യി​ലേ​ക്ക്
ചെ​ങ്ങ​ന്നൂ​ർ പോ​ലീ​സ് സ്റ്റേ​ഷ​നി​ലെ പോ​ലീ​സു​കാ​ര​നാ​യി​രു​ന്ന അ​ഭി​ലാ​ഷ് 2015ലാ​ണ് എ​സ്ഐ ടെ​സ്റ്റ് പാ​സാ​യ​ത്. വി​വി​ധ പോ​ലീ​സ് സ്റ്റേ​ഷ​നു​ക​ളി​ൽ ജോ​ലി ചെ​യ്ത ശേ​ഷം അ​ടു​ത്തി​ടെ​യാ​ണ് ചെ​ങ്ങ​ന്നൂ​ർ സ്റ്റേ​ഷ​നി​ൽ എ​സ്ഐ ആ​യി എ​ത്തി​യ​ത്.

മാ​ന്നാ​ർ സ്വ​ദേ​ശി​യാ​യ ഇ​ദ്ദേ​ഹം മു​ന്പും വാ​ർ​ത്ത​ക​ളി​ൽ ഇ​ടം നേ​ടി​യി​ട്ടു​ണ്ട്. പ​രാ​തി അ​ന്വേ​ഷി​ക്കാ​നെ​ത്തി​യ എ​സ്ഐ​യെ ചെ​ങ്ങ​ന്നൂ​ർ മു​ള​ക്കു​ഴ മ​ണ്ണ​ത്തും​ചേ​രി​ൽ വീ​ട്ടി​ൽ ശ​ര​ത്ത് പ​ട്ടി​യെ അ​ഴി​ച്ചു വി​ട്ടു ക​ടി​പ്പി​ക്കാ​ൻ ശ്ര​മി​ച്ച കേ​സ് ഏ​റെ വാ​ർ​ത്താ പ്രാ​ധാ​ന്യം നേ​ടി​യി​രു​ന്നു. ഗോ​പി​ക​യാ​ണ് എ​സ്ഐ അ​ഭി​ലാ​ഷി​ന്‍റെ ഭാ​ര്യ. വി​ദ്യാ​ർ​ഥി​ക​ളാ​യ അ​ദ്വൈ​തും അ​ന​ഘ​യു​മാ​ണ് മ​ക്ക​ൾ.