കൊച്ചി: ലൈംഗികാതിക്രമ കേസില് നടനും സംവിധായകനുമായ ബാലചന്ദ്രമേനോന് മുന്കൂര് ജാമ്യം അനുവദിച്ച് ഹൈക്കോടതി. ആലുവ സ്വദേശിയായ നടി നല്കിയ പരാതിയില് രജിസ്റ്റര് ചെയ്ത കേസിലാണ് വിധി. നടി ആരോപണത്തില് പറയുന്ന സംഭവം നടന്നിട്ട് 17 വര്ഷമായെന്ന് കോടതി ചൂണ്ടിക്കാട്ടി. സ്ത്രീകള്ക്ക് മാത്രമല്ല പുരുഷന്മാര്ക്കും അന്തസ് ഉണ്ടെന്നും ജാമ്യം അനുവദിച്ചുകൊണ്ടുള്ള ഉത്തരവിൽ കോടതി വ്യക്തമാക്കി. രാജ്യം പത്മശ്രീ നല്കി ആദരിച്ചയാളാണ് ബാലചന്ദ്രമേനോനെന്നും കോടതി കൂട്ടിച്ചേർത്തു. തന്നെ ഭീഷണിപ്പെടുത്തി പണം തട്ടാനുള്ള ശ്രമമാണ് പരാതിക്ക് പിന്നിലെന്നായിരുന്നു ബാലചന്ദ്രമേനോന്റെ വാദം. ഷൂട്ടിംഗ് സെറ്റില് വെച്ച് ലൈംഗികാതിക്രമം ഉണ്ടായെന്നായിരുന്നു നടിയുടെ പരാതി. തിരുവനന്തപുരം കന്റോണ്മെന്റ് പോലീസാണ് ബാലചന്ദ്രമേനോനെതിരേ കേസെടുത്തത്. ഈ കേസില് നേരത്തെ ബാലചന്ദ്രമേനോന് നവംബര് 21 വരെ ഇടക്കാല മുന്കൂര് ജാമ്യം അനുവദിച്ചിരുന്നു.
Read Moreസ്ത്രീകള്ക്ക് മാത്രമല്ല പുരുഷന്മാര്ക്കും അന്തസ് ഉണ്ട്; ലൈംഗികാതിക്രമ കേസില് സംവിധായകൻ ബാലചന്ദ്രമേനോന് മുന്കൂര് ജാമ്യം
