ഗൂഗിളിൽ ജോലി ചെയ്യുന്ന ഒരു ഇന്ത്യൻ സോഫ്റ്റ്വെയർ എഞ്ചിനീയറായ മൈത്രി മംഗളിന്റെ വീഡിയോ ആണിപ്പോൾ സോഷ്യൽ മീഡിയയിൽ വൈറലാകുന്നത്. ന്യൂയോർക്ക് സിറ്റിയിൽ ജീവിക്കാൻ എത്ര രൂപ ചെലവ് വരുമെന്നാണ് അവർ വീഡിയോയിൽ പറയുന്നത്. ഒരു മാസം 4 ലക്ഷം (ഏകദേശം $5,000) ചെലവാകുമെന്നാണ് മൈത്രിയുടെ വെളിപ്പെടുത്തൽ. ഏകദേശം 3,000 ഡോളർ അതായത് 2,56,977.90 ഇന്ത്യൻ രൂപയാണ് വാടക മാത്രം വരുന്നത്. ദൈനംദിന ചെലവുകൾക്കും ഔട്ടിംഗിനും ഒക്കെയായി ഏകദേശം 1,000 മുതൽ 2,000 ഡോളർ വരെ (85,670.72 – 1,71,368.45 ഇന്ത്യൻ രൂപ) ചെലവാകും.യാത്രാ ചെലവുകൾ 200 ഡോളർ (8,568.42-17,136.84 ഇന്ത്യൻ രൂപ) ആകും. അങ്ങനെ മൊത്തം ഏകദേശം 5,000 ഡോളറാണ് ചെലവ് വരുന്നത്. വർഷം $1,50,000 മുതൽ $2,00,000 (1,28,52,885 – 1,71,37,180) വരെ ആണ് ന്യൂയോർക്ക് സിറ്റിയിൽ ജോലി ചെയ്യുന്ന ഒരു സോഫ്റ്റ്വെയർ എഞ്ചിനീയറുടെ ശരാശരി…
Read MoreDay: July 9, 2025
വൈറലാകാൻ വേണ്ടി കല്യാണം കഴിച്ചു, ഫസ്റ്റ് നൈറ്റ് വീഡിയോ കൂടി എടുത്ത് വച്ചിട്ടുണ്ട്, അത് സർപ്രൈസ്: പ്രാർഥന
സീരിയൽ താരവും ഡാൻസറുമായ പ്രാർഥനയും സുഹൃത്തും മോഡലുമായ അൻസിയയും തമ്മിൽ വിവാഹം ചെയ്തെന്ന തരത്തിലുള്ള വീഡിയോ കഴിഞ്ഞ ദിവസം വൈറലായിരുന്നു. ക്ഷേത്ര നടയിൽവച്ച് പരസ്പരം താലികെട്ടുകയും സിന്ദൂരം തൊട്ടുകൊടുക്കുകയും ഒക്കെ ചെയ്യുന്നത് വീഡിയോയിൽ കാണാം. ഇപ്പോഴിതാ സംഭവത്തിൽ പ്രതികരണവുമായി ഇരുവരും രംഗത്തെത്തിയിരിക്കുകയാണ്. തെലുങ്ക് സീരിയലിലെ രണ്ടു ആർട്ടിസ്റ്റുകൾ ചെയ്ത ഒരു റീൽ കണ്ടതിൽ നിന്ന് പ്രചോദനമുൾക്കൊണ്ടാണ് ഇങ്ങനൊരു വീഡിയോ ചെയ്തത്. പ്രേക്ഷകർ അത് എങ്ങനെയെടുക്കും എന്ന് അറിയാൻ വേണ്ടി ചെയ്തതാണ്. പക്ഷേ എല്ലാവരും നന്നായി സപ്പോർട്ട് ചെയ്തു എന്ന് പ്രാർഥനയും അൻസിയയും പറഞ്ഞു. വളരെ നല്ല കമന്റുകളാണ് കിട്ടിയത്. അതാണ് നമ്മുടെ ധൈര്യം. അതുകൊണ്ടാണ് സത്യം ഇതുവരെ തുറന്നുപറയാതിരുന്നത്. അടുത്ത് ഫസ്റ്റ് നൈറ്റ് വീഡിയോ ചെയ്ത് വച്ചിട്ടുണ്ട്. അത് സർപ്രൈസ് ആണെന്ന് രണ്ടാളും കൂട്ടിച്ചേർത്തു.
Read Moreഇടവേളയ്ക്ക് ശേഷം മോഹൻലാൽ വീണ്ടും പോലീസ് വേഷത്തിൽ; സംവിധാനം നടൻ ഓസ്റ്റിൻ ഡാൻ തോമസ്
തുടരും എന്ന ബ്ലോക് ബസ്റ്റര് സിനിമയ്ക്കു ശേഷം അടുത്ത പ്രോജക്ട് പ്രഖ്യാപിച്ച് മോഹൻലാൽ. നടൻ ഓസ്റ്റിൻ ഡാൻ തോമസ് ആദ്യമായി സംവിധാനം ചെയ്യുന്ന ചിത്രമാകും മോഹൻലാലിന്റെ അടുത്ത സിനിമ. ‘ഇഷ്ക്’ എന്ന ചിത്രത്തിനു തിരക്കഥ ഒരുക്കിയ രതീഷ് രവിയാണ് കഥ–തിരക്കഥ–സംഭാഷണം നിർവഹിക്കുന്നത്. ആഷിഖ് ഉസ്മാൻ ആണ് നിർമാണം. സിനിമയിൽ പോലീസ് എസ്ഐയുടെ വേഷത്തിലാകും മോഹൻലാൽ എത്തുക. കോമഡി ത്രില്ലർ ഗണത്തില്പെടുന്ന എന്റർടെയ്നറാകും ചിത്രം. സിനിമയുടെ മറ്റു വിവരങ്ങൾ ലഭ്യമല്ല. ചിത്രീകരണം ഈ വർഷം തന്നെ ആരംഭിക്കും. ട്വൽത്ത് മാനു ശേഷം മോഹൻലാൽ മുഴുനീള പോലീസ് വേഷത്തിലെത്തുന്ന ചിത്രം കൂടിയാകുമിത്. എൽ365 എന്നാണ് സിനിമയ്ക്കു താൽക്കാലികമായി നൽകിയിരിക്കുന്ന പേര്. വിജയ് സൂപ്പർ പൗർണമി, തല്ലുമാല, അർജന്റീന ഫാൻസ് എന്നീ സിനിമകളിൽ അഭിനേതാവായി തിളങ്ങിയ താരമാണ് ഓസ്റ്റിൻ ഡാൻ. മിഥുൻ മാനുവൽ സംവിധാനം ചെയ്ത ‘അഞ്ചാംപാതിര’ സിനിമയുടെ ചീഫ് അസോഷ്യേറ്റ്…
Read Moreജന്തുജന്യരോഗം: മൃഗങ്ങളുമായി ഇടപെട്ടുകഴിഞ്ഞാൽ ഉടൻതന്നെ കൈകൾ സോപ്പ് ഉപയോഗിച്ച് വൃത്തിയാക്കണം; കരുതൽ വേണമെന്ന് ആരോഗ്യവകുപ്പ്
തൊടുപുഴ: ജന്തുജന്യ രോഗങ്ങൾ ജീവന് ഭീഷണിയായി മാറുന്ന സാഹചര്യത്തിൽ ജനങ്ങൾ ഇതിനെതിരേ ജാഗ്രത പാലിക്കണമെന്ന് ആരോഗ്യ വകുപ്പ്.റിപ്പോർട്ട് ചെയ്യപ്പെടുന്നതിൽ 60 ശതമാനം പകർച്ചവ്യാധികളും ജന്തു ജന്യമായതിനാൽ ഏകാരോഗ്യം എന്ന പദ്ധതിയിലൂടെ രോഗവ്യാപനം തടയുന്നതിനായി രോഗ നിരീക്ഷണപ്രതിരോധ പ്രവർത്തനങ്ങളും ശക്തമാക്കണമെന്ന് നിർദേശമുണ്ട്. എലിപ്പനി, സ്ക്രബ് ടൈഫസ്, കുരങ്ങ് പനി, നിപ, പേ വിഷബാധ, ജപ്പാൻ ജ്വരം, വെസ്റ്റ് നൈൽ ഫീവർ, പക്ഷിപ്പനി എന്നിവയാണ് സാധാരണയായി റിപ്പോർട്ട് ചെയ്യുന്ന ജന്തുജന്യ രോഗങ്ങൾ.ജീവികളിൽനിന്ന് വൈറസ്, ബാക്ടീരിയ, പരാദങ്ങൾ തുടങ്ങിയ രോഗാണുക്കൾ മനുഷ്യരിലെത്തിയാണ് ഇത്തരം രോഗങ്ങൾ പിടിപെടുന്നത്. മൃഗങ്ങളുമായി നേരിട്ടും അല്ലാതെയുമുള്ള സന്പർക്കം, അവയുടെ ശരീര സ്രവങ്ങളുമായുള്ള സന്പർക്കം എന്നിവയിലൂടെ രോഗം പിടിപെടാനുള്ള സാധ്യതയേറെയാണ്. മൃഗങ്ങളുടെ വാസസ്ഥലം, തൊഴുത്ത്, ഫാമുകൾ എന്നിവിടങ്ങളിലുള്ള ഇടപെടലുകൾ, വളർത്തുമൃഗങ്ങളുടെ പരിപാലനം ഇവയിലെല്ലാം ആവശ്യമായ മുൻ കരുതലുകൾ സ്വീകരിക്കണം. മൃഗങ്ങളുമായി ഇടപെട്ടുകഴിഞ്ഞാൽ ഉടൻതന്നെ കൈകൾ സോപ്പും വെള്ളവും ഉപയോഗിച്ച്…
Read Moreകാര്യം അറിയാതെ ഓരോന്ന് പറഞ്ഞുണ്ടാക്കണ്ട: സുധിയുടെ അവാർഡുകൾ കട്ടിലിനടിയിൽ വച്ചതിനു കാരണമുണ്ട്; പൊട്ടിത്തെറിച്ച് രേണു സുധി
കൊല്ലം സുധിയുടെ ഭാര്യയും നടിയുമായ രേണു സുധിക്കെതിരേ വീണ്ടും സോഷ്യൽ മീഡിയ അറ്റാക്ക്. സുധിയുടെ അവാർഡുകൾ കട്ടിലിനടിയിൽ ചാക്കിൽ കെട്ടിവച്ച നിലയിൽ കണ്ടതിനാണ് രേണുവിനെ വിമർശിക്കുന്നത്. സുധിയുടെ മൂത്ത മകൻ കിച്ചുവിന്റെ യൂട്യൂബ് ചാനലിൽ വന്ന വീഡിയോയിൽ ആണ് സുധിയുടെ അവാർഡുകൾ കട്ടിലിനടിയിലും രേണുവിനു കിട്ടിയ ട്രോഫികൾ മേശപ്പുറത്തും വച്ചിരിക്കുന്നത് കണ്ടത്. 62 ലക്ഷം ആളുകളാണ് ഇതിനകം ഈ വീഡിയോ കണ്ടിരിക്കുന്നത്. വീഡിയോ വൈറലായതോടെ രേണുവിനു നേരേ വലിയ രീതിയുള്ള വിമർശനമാണ് ഉയരുന്നത്. സംഭവത്തിൽ പ്രതികരണവുമായി രേണു രംഗത്തെത്തി. ‘സുധിച്ചേട്ടന്റെ അവാർഡുകൾ ഒരുപാടുണ്ട്. പകുതി കൊല്ലത്തും പകുതി ഇവിടെയും ആണ്. കുഞ്ഞ് ഇതൊക്കെ കളയാതെ ഇരിക്കാൻ വേണ്ടി അവൻ കാണാതെ, സ്കൂളിൽ പോയ സമയത്താണ് ഞാൻ അതെല്ലാം ചാക്കിൽ കെട്ടി എന്റെ റൂമിൽ കട്ടിന്റെ അടിയിൽവച്ചത്. എനിക്ക് അധികം അവാർഡുകളൊന്നും കിട്ടിയിട്ടില്ല. ഞാൻ ഷൂട്ട് കഴിഞ്ഞു വരുമ്പോൾ…
Read Moreകൃഷിവകുപ്പിന്റെ എതിർപ്പ് മറികടന്ന് ആറന്മുള ഇലക്ട്രോണിക്സ് ക്ലസ്റ്റർ പദ്ധതിയുമായി ഐടി വകുപ്പ്
പത്തനംതിട്ട: സംസ്ഥാന സർക്കാർ ഉപേക്ഷിച്ച ആറൻമുള വിമാനത്താവള പദ്ധതി പ്രദേശത്ത് ഇലക്ട്രോണിക്സ് ക്ലസ്റ്റർ പദ്ധതിയുമായി ഐടി വകുപ്പ്. വിമാനത്താവള കമ്പനിയായ കെജിഎസ് ഗ്രൂപ്പ് ടിഒഎഫ്എൽ എന്ന പേരിൽ പുതിയ കമ്പനി രൂപീകരിച്ച് ഇലക്ട്രോണിക്സ് ക്ലസ്റ്റർ പാർക്ക് സ്ഥാപിക്കാൻ നൽകിയ അപേക്ഷയിൽ, പദ്ധതി പ്രദേശത്തിന്റെ സമ്പൂർണ വിവരങ്ങൾ ആവശ്യപ്പെട്ട് ഐടി വകുപ്പ് സ്പെഷൽ സെക്രട്ടറി പത്തനംതിട്ട ജില്ലാ കളക്ടർക്ക് കത്തു നൽകി. പദ്ധതിയുടെ സാധ്യതകളും ജില്ലാ കളക്ടറിൽ നിന്നു ആരാഞ്ഞിട്ടുണ്ട്. കേന്ദ്രസർക്കാരിന്റെ കൂടി പിന്തുണയിലാണ് ഇലക്ട്രോണിക്സ് ക്ലസ്റ്റർ പദ്ധതിക്ക് കന്പനി മുന്നിട്ടിറങ്ങിയിട്ടുള്ളതെന്നും പറയുന്നു. രാജീവ് ചന്ദ്രശേഖർ കേന്ദ്രമന്ത്രിയായിരുന്ന ഘട്ടത്തിൽ ഇതുമായി ബന്ധപ്പെട്ട ചില അനുമതികൾ ടിഒഎഫ്എൽ കന്പനി സ്വന്തമാക്കിയിരുന്നതായാണ് സൂചന. ആറന്മുളയിൽ ലഭ്യമായ ഭൂമി, പുരയിടം എത്ര, ഡേറ്റാ ബാങ്കിൽ ഉൾപ്പെട്ട ഭൂമി, 2008ന് മുൻപുള്ള സ്ഥിതി, നെൽപ്പാടം, കരഭൂമി, തണ്ണീർത്തടം തുടങ്ങിയ വിവരങ്ങളാണ് കളക്ടറോടു ചോദിച്ചിരിക്കുന്നത്. 335…
Read Moreപണം നൽകിയില്ലങ്കിൽ സ്വകാര്യ വീഡിയോ പ്രചരിപ്പിക്കും: ചാർട്ടേഡ് അക്കൗണ്ടന്റ് ജീവനൊടുക്കി
മുംബൈ: സ്വകാര്യ വിഡിയോ പ്രചരിപ്പിക്കുമെന്ന് ഭീഷണിപ്പെടുത്തി പണം തട്ടിയതിനെ തുടർന്ന് ചാർട്ടേഡ് അക്കൗണ്ടന്റ് ജീവനൊടുക്കി. മുംബൈ സാന്താക്രൂസ് സ്വദേശി രാജ് ലീല മോറെ (32) ആണ് വിഷം കഴിച്ച് ജീവനൊടുക്കിയത്. സംഭവത്തിൽ വാക്കോല പോലീസ് അന്വേഷണം തുടങ്ങി. പോലീസ് മൂന്ന് പേജുള്ള ആത്മഹത്യാ കുറിപ്പ് കണ്ടെടുത്തു. രാഹുൽ പർവാനി, സബ ഖുറേഷി എന്നിവരാണ് തന്റെ ആത്മഹത്യക്ക് ഉത്തരവാദികളെന്ന് കുറിപ്പിൽ പറയുന്നു. ഇരുവർക്കുമെതിരെ പോലീസ് കേസ് രജിസ്റ്റർ ചെയ്തു. രാജിന്റെ ഓഹരി വിപണി നിക്ഷേപങ്ങളെക്കുറിച്ചും ഉയർന്ന ശമ്പളമുള്ള ജോലിയെക്കുറിച്ചും പ്രതികൾക്ക് അറിയാമായിരുന്നു. ഇയാളുടെ സ്വകാര്യ വിഡിയോ പ്രചരിപ്പിക്കുമെന്ന് ഭീഷണിപ്പെടുത്തുകയും കമ്പനിയുടെ അക്കൗണ്ടിൽ നിന്ന് തങ്ങളുടെ വ്യക്തിഗത അക്കൗണ്ടുകളിലേക്ക് പണം കൈമാറാനും തന്റെ സമ്പാദ്യം നൽകാനും ഇരുവരും രാജിനെ നിർബന്ധിച്ചു. രാജിന്റെ കൈയിൽ നിന്ന് ഒരു ആഡംബര കാറും ഇവർ ബലമായി തട്ടിയെടുത്തുവെന്ന് അന്വേഷണത്തിൽ തെളിഞ്ഞു. കഴിഞ്ഞ 18 മാസത്തിനിടെ…
Read Moreവളയം പിടിക്കുന്ന മാലാഖമാര്ക്ക് എ.ബി. വിലാസം എന്എസ്എസ് യൂണിറ്റിന്റെ ആദരം
ആലപ്പുഴ: പലപ്പോഴും ഡോക്ടര് ആയും നഴ്സ് ആയും ജോലി നോക്കേണ്ടിവരുന്ന ആംബുലന്സ് ഡ്രൈവര്മാരെ ഓര്മിക്കുന്ന ദിനമാണ് ജൂലൈ എട്ട്. ജീവിതത്തിനും മരണത്തിനും ഇടയിലുള്ള നൂല്പ്പാലത്തെ ഒരു വളയം കൊണ്ട് ചേര്ത്തുനിര്ത്തുവാന് പണിപ്പെടുന്ന ഒരു കൂട്ടം മനുഷ്യരെ ഓര്മിക്കുന്ന ദിനം. ആധുനിക ആംബുലന്സ് സേവനങ്ങളുടെ പിതാവ് എന്നറിയപ്പെടുന്ന ഡൊമിനിക് ജീന് ലാറിയുടെ ജന്മദിനമാണ് ജൂലൈ എട്ട്. നെപ്പോളിയന് ചക്രവര്ത്തിയുടെ ആര്മിയിലെ പ്രധാന സര്ജനായി മാറിയ ഫ്രഞ്ച് സൈനിക ഡോക്ടറായിരുന്നു അദ്ദേഹം. യുദ്ധമുഖത്ത് മുറിവേറ്റവരെ കൊണ്ടുപോകാനായി ഫളയിംഗ് ആംബുലന്സ് എന്ന ആശയവും കൊണ്ടുവന്നത് അദ്ദേഹമായിരുന്നു. ആംബുലന്സ് ഡ്രൈവര്മാരായ മുഹമ്മദ് അസ്ലം, മുഹമ്മദ് സാലിഹ് എന്നിവരെയാണ് എ.ബി വിലാസം ഹയര് സെക്കന്ഡറി സ്കൂളിലെ എന്എസ്എസ് യൂണിറ്റ് ആദരിച്ചത്.പ്രിന്സിപ്പല് ബിജോ കെ. കുഞ്ചെറിയ പൊന്നാട അണിയിച്ചു. സീനിയര് അസിസ്റ്റന്റ് എസ്. പ്രവീണ്, അധ്യാപകരായ അന്നാ ചെറിയാന്, എം. വി. സാബുമോന്, നാഷണല് സര്വീസ്…
Read Moreടേക്ക് ഓഫിനിടെ റൺവേയിൽ പ്രവേശിച്ചു; വിമാനത്തിന്റെ എഞ്ചിനിൽ കുടുങ്ങി യുവാവിന് ദാരുണാന്ത്യം; അന്വേഷണം ആരംഭിച്ച് വിമാനക്കമ്പിനി
മിലാന്: പുറപ്പെടാന് തയാറായി നിന്ന വിമാനത്തിന്റെ എഞ്ചിനിൽ കുടുങ്ങി യുവാവ് മരിച്ചു. ബെര്ഗാമോ വിമാനത്താവളത്തില് ചൊവ്വാഴ്ച രാവിലെ 10.30നായിരുന്നു സംഭവം. സ്പെയിനിലെ ആസ്റ്റുരിയസിലേക്കു പുറപ്പെടാൻ വിമാനം തയാറായി നിൽക്കവെ യുവാവ് റൺവേയിലേക്ക് അവിചാരിതമായി എത്തുകയായിരുന്നു. 35 വയസുകാരനാണ് മരണപ്പെട്ടതെന്ന് ഇറ്റാലിയൻ മാധ്യമങ്ങൾ റിപ്പോർട്ട് ചെയ്തു. വൊളോത്തിയ കമ്പനിയുടെ എ319ന്റെ എൻജിനിലാണ് യുവാവ് കുടുങ്ങിയത്. തൽക്ഷണം മരിച്ചു. അപകടത്തെത്തുടര്ന്ന് രണ്ട് മണിക്കൂറോളം വിമാനഗതാഗതം തടസപ്പെട്ടതായി ബെര്ഗാമോ വിമാനത്താവള അധികൃതർ അറിയിച്ചു. പത്തൊമ്പതോളം വിമാനങ്ങള് റദ്ദാക്കുകയും ഒന്പത് വിമാനങ്ങള് വഴിതിരിച്ചുവിടുകയും ചെയ്തെന്ന് ഫ്ളൈറ്റ് ട്രാക്കര് ഏജന്സിയായ ഫ്ളൈറ്റ്റഡാര്-24 റിപ്പോര്ട്ട് ചെയ്തു. അതിനിടെ, പോലീസ് പിന്തുടര്ന്നതിനെ തുടർന്നാണ് യുവാവ് റണ്വേയില് എത്തിയതെന്നും സുരക്ഷാവാതിലിലൂടെയാണ് റണ്വേയില് കടന്നതെന്നും ചില പ്രാദേശിക മാധ്യങ്ങള് റിപ്പോര്ട്ട് ചെയ്തു. ഇയാള് വിമാനയാത്രികനോ എയര്പോര്ട്ട് ജീവനക്കാരനോ അല്ലെന്നും റിപ്പോർട്ടുകളിൽ പറയുന്നു. സംഭവത്തിൽ വൊളോത്തിയ വിമാന കമ്പനി അന്വേഷണം പ്രഖ്യാപിച്ചു.
Read Moreപരിപ്പ് കറിക്ക് ദുര്ഗന്ധം; കാന്റീൻ ജീവനക്കാരന് ശിവസേന എംഎല്എയുടെ മര്ദ്ദനം
ന്യൂഡല്ഹി: കാന്റീൻ ജീവനകാരനു നേരെ ശിവസേന എംഎല്എയുടെ മർദ്ദനം. ബുള്ധാന എംഎല്എ സഞ്ജയ് ഗെയ്ക്ക്വാദാണ് എംഎല്എ കാന്റീനിലെ ജീവനക്കാരനെ മര്ദ്ദിച്ചത്. പരിപ്പിന് സ്വാദില്ലായെന്നും ദുര്ഗന്ധമുണ്ടെന്നും ആരോപിച്ചായിരുന്നു മര്ദ്ദനം. സംഭവത്തിന്റെ വീഡിയോ വൈറലായതോടെ സഞ്ജയ്ക്ക് നേരേ വിമർശനം ഉയർന്നു. എന്നാൽ താൻ ചെയ്ത പ്രവർത്തിയിൽ കുറ്റബോധമില്ലന്നും രണ്ട് തവണ താക്കീത് നല്കിയിട്ടും ഭക്ഷണം മോശമായി തന്നെയാണ് നല്കിയത്. പല തവണ ഭക്ഷണത്തില് മുടി കണ്ടിട്ടുമുണ്ട്. അതുകൊണ്ടാണ് മർദിച്ചതെന്ന് എംഎല്എ പറഞ്ഞു. രാഹുല് ഗാന്ധിയുടെ നാക്ക് വെട്ടുന്നവര്ക്ക് 11 ലക്ഷം രൂപ നല്കാമെന്ന് സഞ്ജയ് ഗെയ്ക്ക്വാദ് പ്രഖ്യാപിച്ചത് വലിയ വിമര്ശനങ്ങള്ക്കും വിവാദങ്ങള്ക്കും വഴി വച്ചിരുന്നു.
Read More