പത്തനംതിട്ട: തൊണ്ണൂറ്റി അഞ്ചു വയസുകാരിയെ പീഡിപ്പിക്കാന് ശ്രമിച്ച കേസില് വയോധികന് പിടിയിലായി. വടശേരിക്കര സ്വദേശി പത്രോസ് ജോണ് (ജോസ്, 64)നെയാണ് പെരുനാട് പോലീസ് അറസ്റ്റ് ചെയ്തത്. വയോധിക വീട്ടില് തനിച്ചായിരുന്ന സമയം നോക്കിയെത്തിയ ഇയാള് സ്ത്രീയുടെ വായില് തുണി തിരുകിയ ശേഷം ബലപ്രയോഗത്തിലൂടെ പീഡിപ്പിക്കാന് ശ്രമിക്കുകയായിരുന്നു.
ധൈര്യം സംഭരിച്ച് വായില് തിരുകിയ തുണി വലിച്ചൂരിയശേഷം നിലവിളിച്ചപ്പോള്, ബഹളം കേട്ട് അയല്വാസികളെത്തി. ആ സമയം ഇയാള് കടന്നുകളയുകയായിരുന്നു. നാട്ടുകാര് വിവരമറിയിച്ചതിനേ തുടര്ന്ന് സ്ഥലത്തെത്തിയ പോലീസ് അതിജീവിതയുടെ മൊഴി രേഖപ്പെടുത്തി തുടര്നടപടികള് സ്വീകരി്ക്കുകയും പത്രോസ് ജോണിനെ കണ്ടെത്തി അറസ്റ്റ് ചെയ്യുകയുമായിരുന്നു.
പെരുനാട് പോലീസ് ഇന്സ്പെക്ടര് ജി. വിഷ്ണുവിന്റെ മേല്നോട്ടത്തില് പോലീസ് സബ് ഇന്സ്പെക്ടര്മാരായ കുരുവിള സക്കറിയ, അച്ചന്കുഞ്ഞ്, എസ്സിപിഒ, പ്രസാദ്, സിപിഒമാരായ വിജേഷ്, അക്ഷയ് വേണു, അനന്തു എന്നിവരടങ്ങിയ സംഘമാണ് കേസ് അന്വേഷിക്കുന്നത്. പ്രതിയെ കോടതിയില് ഹാജരാക്കി റിമാന്ഡ് ചെയ്തു
