കൊല്ലം : ജന്മനാ ഇരുകൈകളില്ലാത്ത ആൾ ഓടിച്ച കാർ മറ്റൊരു കാറിൽ ഇടിച്ചു. പോലീസ് ഇയാൾക്കെതിരേ കേസെടുത്തു. കുന്നിക്കോട് സ്വദേശിയായ ബോബിഹൗസിൽ ഷിജു എന്ന യുവാവ് ഓടിച്ച കാർ ആണ് ആശ്രാമം സ്വദേശികളുടെ കാറിൽ ഇടിച്ച് അപകടമുണ്ടായത്. ഇന്നലെ വൈകുന്നേരം അഞ്ചിന് ആശ്രാമം യൂണിയൻ ഡ്രൈവിംഗ് സ്കൂളിന് മുന്നിൽ ആയിരുന്നു അപകടം.
ഇരു കൈകളും ഇല്ലാത്ത ഷിജു സ്വന്തമായി കാർ ഓട്ടോമാറ്റിക് സംവിധാനം സജ്ജമാക്കി കാൽ കൊണ്ടാണ് കാർ ഓടിച്ചിരുന്നത്. കാറിന് മോട്ടോർ വാഹന വകുപ്പ് അംഗീകാരമോ ഷിജുവിന് ഡ്രൈവിംങ്ങ് ലൈസൻസോ ലഭിച്ചിട്ടില്ലാ എന്ന് പോലീസ് അറിയിച്ചു.
കഴിഞ്ഞ നാല് മാസ മായി യുവാവ് വാഹമോടിക്കുന്നതായും വ്യക്തമായി. ഈസ്റ്റ് പോലീസ് കേസെടുത്തു.
