ചാ​റ്റ്ജി​പി​ടി​യോ​ട് ചോ​ദി​ച്ച് ഡ​യ​റ്റ് എ​ടു​ത്തു: ഉ​പ്പ് ഉ​പേ​ക്ഷി​ച്ചു; 60-കാ​ര​ൻ മ​ര​ണ​ത്തി​ൽ നി​ന്നും ര​ക്ഷ​പ്പെ​ട്ട​ത് ത​ല​നാ​രി​ഴ​യ്ക്ക്

എ​ന്തി​നും ഏ​തി​നും ചാ​റ്റ് ജി​പി​ടി​യെ ആ​ശ്ര​യി​ക്കു​ന്ന ആ​ളു​ക​ളാ​ണ് ന​മു​ക്ക് ചു​റ്റും. ഡി​പ്ര​ഷ​ൻ വ​ന്നാ​ലോ അ​സു​ഖം വ​ന്നാ​ലോ പ​ഠ​ന കാ​ര്യ​ങ്ങ​ളി​ൽ സം​ശ​യം വ​ന്നോ​ലോ ഒ​ക്കെ ചാ​റ്റ് ജി​പി​ടി​യു​ടെ സ​ഹാ​യം തേ​ടാ​റു​ണ്ട്. ഇ​പ്പോ​ഴി​താ ഡ​യ​റ്റ് ചെ​യ്യു​ന്ന​തി​ൽ ചാ​റ്റ് ജി​പി​ടി​യെ ആ​ശ്ര​യി​ച്ച് പ​ണി വാ​ങ്ങി​യ ക​ഥ​യാ​ണ് സോ​ഷ്യ​ൽ മീ​ഡി​യ​യി​ൽ വൈ​റ​ലാ​കു​ന്ന​ത്.

കാ​ന​ഡ​യി​ൽ നി​ന്നു​ള്ള ഒ​രു 60 -കാ​ര​നാ​ണ് ക​ഥ​യി​ലെ നാ​യ​ക​ൻ. ഉ​പ്പി​ന്‍റെ അ​പ​യോ​ഗ​ത്തെ കു​റി​ച്ച് ഇ​യാ​ൾ ചാ​റ്റ് ജി​പി​ടി​യോ​ട് സം​ശ​യം ചോ​ദി​ച്ചു. അ​പ്പോ​ൾ ചാ​റ്റ് ജി​പി​ടി അ​ത​നു​സ​രി​ച്ചു​ള്ള ഡ​യ​റ്റും ഇ​ദ്ദേ​ഹ​ത്തി​ന് പ​റ​ഞ്ഞു കൊ​ടു​ത്തു. ചാ​റ്റ് ജി​പി​ടി പ​റ​ഞ്ഞ​ത് അ​നി​സ​രി​ച്ച് ഇ​യാ​ൾ ഉ​പ്പി​ന് പ​ക​രം സോ​ഡി​യം ബ്രോ​മൈ​ഡ് ഉ​പ​യോ​ഗി​ച്ചു.

1900 -ക​ളി​ൽ മ​രു​ന്നു​ക​ളി​ൽ വ്യാ​പ​ക​മാ​യി ഉ​പ​യോ​ഗി​ച്ചി​രു​ന്ന ഒ​ന്നാ​യി​രു​ന്നു സോ​ഡി​യം ബ്രോ​മൈ​ഡ്. ഇ​ത് പി​ന്നീ​ട് വ​ലി​യ അ​ള​വി​ൽ ക​ഴി​ക്കു​ന്ന​ത് വി​ഷ​മാ​യി​ത്തീ​രും എ​ന്ന് ക​ണ്ടു​പി​ടി​ക്കു​ക​യാ​യി​രു​ന്നു.​മൂ​ന്ന് മാ​സ​മാ​യി 60 -കാ​ര​ൻ സോ​ഡി​യം ബ്രോ​മൈ​ഡ് ഉ​പ​യോ​ഗി​ച്ചു വ​രി​ക​യാ​യി​രു​ന്നു. AI -യു​ടെ ഉ​പ​ദേ​ശ​ത്തി​ന് പി​ന്നാ​ലെ ഓ​ൺ​ലൈ​നി​ൽ നി​ന്നാ​ണ് അ​ദ്ദേ​ഹം ഇ​ത് വാ​ങ്ങി​യ​ത്.

ഇ​തി​ന്‍റെ അ​മി​ത ഉ​പ​യോ​ഗം മൂ​ലം ക​ടു​ത്ത ആ​രോ​ഗ്യ പ്ര​ശ്ന​ങ്ങ​ൾ ഇ​യാ​ൾ​ക്കു​ണ്ടാ​യി. ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​പ്പോ​ൾ ഇ​യാ​ൾ ആ​ദ്യ​മൊ​ന്നും താ​ൻ ക​ഴി​ക്കു​ന്ന സ​പ്ലി​മെ​ന്‍റ്സി​ന്‍റെ കാ​ര്യം പ​റ​ഞ്ഞി​രു​ന്നി​ല്ല. ഡ​യ​റ്റും മ​റ​ച്ച്വ​ച്ചു. ത​ന്‍റെ അ​യ​ൽ​ക്കാ​ര​ൻ കൊ​ല്ലാ​ൻ വേ​ണ്ടി എ​ന്തോ മ​രു​ന്ന് കു​ടി​വെ​ള്ള​ത്തി​ൽ ക​ല​ർ​ത്തി​യെ​ന്നാ​ണ് ഇ​യാ​ൾ ഡോ​ക്ട​ർ​മാ​രോ​ട് പ​റ​ഞ്ഞ​ത്.

തു​ട​ർ പ​രി​ശോ​ധ​ന​യി​ൽ ഇ​യാ​ൾ​ക്ക് ഹാ​ലൂ​സി​നേ​ഷ​ൻ അ​ട​ക്കം മ​റ്റ് പ​ല ന്യൂ​റോ സൈ​ക്യാ​ട്രി​ക് ല​ക്ഷ​ണ​ങ്ങ​ളും ക​ണ്ടെ​ത്തി. പി​ന്നീ​ട് ഇ​യാ​ളെ സൈ​ക്യാ​ട്രി വാ​ർ​ഡി​ൽ പ്ര​വേ​ശി​പ്പി​ച്ചു. അ​പ്പോ​ഴാ​ണ് ഇ​യാ​ൾ സ​ത്യം പു​റ​ത്ത് പറഞ്ഞത്. എന്തായാലും, ചാറ്റ്ജിപിടിയോട് മാത്രം ചോദിച്ച് ഡയറ്റിൽ മാറ്റം വരുത്താതിരിക്കുക എന്നാണ് വിദ​ഗ്‍ദ്ധർ മുന്നറിയിപ്പ് നൽകുന്നത്.