ബോ​ട്ടു​ക​ൾ തീ​ര​മ​ണ​ഞ്ഞു; നാ​ളെ മു​ത​ൽ 52 ദി​വ​സ​ത്തേ​ക്ക് ട്രോ​ളിം​ഗ് നി​രോ​ധ​നം; അ​തി​ഥി​ത്തൊ​ഴി​ലാ​ളി​ക​ൾ നാ​ട്ടി​ലേ​ക്ക്; ഇ​നി പ​ര​മ്പ​രാ​ഗ​ത വ​ള്ള​ങ്ങ​ളു​ടെ ഊ​ഴം

വൈ​പ്പി​ൻ: തീ​ര​ക്ക​ട​ലി​ൽ ഇ​ന്ന് അ​ർ​ധ​രാ​ത്രി​ക്ക് ശേ​ഷം ട്രോ​ളിം​ഗ് നി​രോ​ധ​നം പ്രാ​ബ​ല്യ​ത്തി​ലാ​കു​ന്ന​തോ​ടെ ഇ​നി 52 ദി​ന​ങ്ങ​ളോ​ളം ബോ​ട്ടു​ക​ൾ​ക്ക് ക​ട​ലി​ൽ പ്ര​വേ​ശ​ന​മി​ല്ല. ഇ​ത് മു​ന്നി​ൽ ക​ണ്ട് മു​ന​മ്പം, മു​രു​ക്കും പാ​ടം, കൊ​ച്ചി മ​ത്സ്യ​ബ​ന്ധ​ന മേ​ഖ​ല​യി​ലെ ദൂ​രി​ഭാ​ഗം മ​ത്സ്യ ബ​ന്ധ​ന ബോ​ട്ടു​ക​ളും ഇ​ന്ന​ലെ​യും ഇ​ന്നു​മാ​യി തീ​ര​മ​ണ​ഞ്ഞി​ട്ടു​ണ്ട്. ശേ​ഷി​ക്കു​ന്ന​വ ഇ​ന്ന് രാ​ത്രി​യോ​ടെ തി​രി​കെ എ​ത്തും. എ​ത്തും. 52 ദി​വ​സ​ത്തെ വി​ശ്ര​മ​ത്തി​നു ശേ​ഷം ഓ​ഗ​സ്റ്റ് ഒ​ന്നി​നു പു​ല​ർ​ച്ചെ മു​ത​ലെ ഇ​നി ബോ​ട്ടു​ക​ൾ ക​ട​ലി​ലേ​ക്കു പോ​കു.

ആ​ര​വ​ങ്ങ​ൾ​ക്ക് താ​ൽ​കാ​ലി​ക അ​വ​ധി

 ബോ​ട്ടു​ക​ൾ കെ​ട്ടു​ന്ന​തോ​ടെ മ​ത്സ്യ​ബ​ന്ധ​ന ഹാ​ർ​ബ​റു​ക​ളി​ലെ വ​ൻ ആ​ര​വ​ങ്ങ​ൾ​ക്കും താ​ൽ​കാ​ലി​ക വി​രാ​മ​മാ​കും. പ​ര​മ്പ​രാ​ഗ​ത വ​ള്ള​ങ്ങ​ളു​ടെ സാ​ന്നി​ധ്യം മാ​ത്ര​മെ ഹാ​ർ​ബ​റു​ക​ളി​ൽ​ൽ പി​ന്നെ ഉ​ണ്ടാ​കു. ബോ​ട്ടു​ക​ൾ​ക്കാ​ക​ട്ടെ ഇ​നി​യു​ള്ള ദി​വ​സ​ങ്ങ​ൾ അ​റ്റ​കു​റ്റ​പ്പ​ണി​ക​ൾ തീ​ർ​ക്കു​ന്ന തി​ര​ക്കു​ക​ൾ ആ​കും. വ​ർ​ക്ക് ഷോ​പ്പു​ക​ളും, യാ​ർ​ഡു​ക​ളു​മൊ​ക്കെ സ​ജീ​വ​മാ​കും.

ക​ട​ക്കെ​ണി​യു​ടെ സീ​സ​ൺ

ഡി​സം​ബ​ർ മു​ത​ൽ ക​ട​ൽ വ​റു​തി​യി​ലാ​യ​തി​നാ​ൽ ക​ഴി​ഞ്ഞ ഫി​ഷിം​ഗ് സീ​സ​ൺ വ​ള​രെ മോ​ശ​മാ​യി​രു​ന്നു​വെ​ന്നാ​ണ് ബോ​ട്ടു​ട​മ​ക​ളും തൊ​ഴി​ലാ​ളി​ക​ളും പ​റ​യു​ന്ന​ത്. ക​ടം ക​യ​റി​യ​തി​നാ​ൽ ഡി​സം​ബ​ർ മു​ത​ൽ​ക്കെ ത​ന്നെ ചി​ല ബോ​ട്ടു​ക​ൾ ഫി​ഷിം​ഗ് നി​ർ​ത്തി​യി​രു​ന്നു. മ​റ്റു​ള്ള​വ മാ​ർ​ച്ചു വ​രെ പി​ടി​ച്ചു നി​ന്നെ​ങ്കി​ലും ക​ട​ക്കെ​ണി​യി​ൽ പെ​ട്ട് നി​ക്ക​ക്ക​ള്ളി​യി​ല്ലാ​തെ വ​ന്ന​തോ​ടെ അ​വ​രും ഫി​ഷിം​ഗ് നി​ർ​ത്തി​വ​ക്കാ​ൻ നി​ർ​ബ​ന്ധി​ത​രാ​യി.

കാ​ല​വ​ർ​ഷം ശ​ക്തി​യാ​ർ​ജി​ച്ച​ത് ആ​ശ്വാ​സം

മേ​യ് അ​വ​സാ​ന വാ​ര​ത്തോ​ടെ കാ​ല​വ​ർ​ഷം ശ​ക്തി പ്രാ​പി​ച്ച​ത് ആ​ശ്വാ​സ​മാ​യി. ക​ട​ൽ ഇ​ള​കു​ക​യും ഇ​തി​നു ശേ​ഷം വെ​യി​ൽ തെ​ളി​യു​ക​യും ചെ​യ്ത​തോ​ടെ ക​ട​ലി​ൽ മ​ത്സ്യ​ങ്ങ​ളു​ടെ സാ​ന്നി​ധ്യം ക​ണ്ടു തു​ട​ങ്ങി. ഇ​തോ​ടെ ബോ​ട്ടു​ക​ൾ വീ​ണ്ടും ക​ട​ലി​ൽ പോ​യി തു​ട​ങ്ങി.​പ​ല ബോ​ട്ടു​ക​ളും നി​റ​യെ അ​യ​ല, തി​രി​യാ​ൻ, വ​റ്റ, കി​ളി​മീ​ൻ എ​ന്നി​വ​യു​മാ​യാ​ണ് തി​രി​ച്ചെ​ത്തി​യ​ത്. ഇ​പ്പോ​ൾ അ​വ​സാ​ന​ദി​ന​ങ്ങ​ളി​ൽ എ​ത്തി​യ ബോ​ട്ടു​ക​ൾ​ക്കും അ​യ​ല, തി​രി​യാ​ൻ, കി​ളി എ​ന്നി​വ​യാ​യി​രു​ന്നു കൂ​ടു​ത​ലും. ഇ​തി​നി​ടെ ആ​ഴ​ക്ക​ട​ലി​ലെ ക​പ്പ​ൽ ദു​ര​ന്തം മ​ത്സ്യ മേ​ഖ​ല​യി​ൽ വ​ല്ലാ​ത്തൊ​രു ആ​ശ​ങ്ക വി​ത​ച്ചി​രി​ക്കു​ക​യാ​ണ്.

അ​തി​ഥി​ത്തൊ​ഴി​ലാ​ളി​ക​ൾ നാ​ട്ടി​ലേ​ക്ക്

ബോ​ട്ടു​ക​ൾ ക​ര​യി​ൽ കെ​ട്ടി​യാ​ൽ പി​ന്നെ തൊ​ഴി​ലാ​ളി​ക​ളാ​യ അ​ന്യ​സം​സ്ഥാ​ന​ക്കാ​ർ നാ​ടു​വി​ടും. ജൂ​ലൈ അ​വ​സാ​ന വാ​ര​ത്തി​ലെ പി​ന്നീ​ട് തി​രി​ച്ചെ​ത്തു​ക​യു​ള്ളു. ഒ​രു കാ​ല​ത്ത് നാ​ട്ടു​കാ​രും ത​മി​ഴ്നാ​ട്ടു​കാ​രാ​യ കു​ള​ച്ച​ൽ സ്വ​ദേ​ശി​ക​ളും മാ​ത്ര​മാ​യി​രു​ന്നു ബോ​ട്ടു​ക​ളി​ലെ തൊ​ഴി​ലാ​ളി​ക​ളെ​ങ്കി​ൽ ഇ​ന്നു സ്ഥി​തി മാ​റി. വ​ട​ക്കേ ഇ​ന്ത്യ​ക്കാ​രാ​ണ് തൊ​ഴി​ലാ​ളി​ക​ൾ കൂ​ടു​ത​ലും. നാ​ട്ടു​കാ​രാ​യ തൊ​ഴി​ലാ​ളി​ക​ൾ വി​ര​ലി​ൽ എ​ണ്ണാ​വു​ന്ന​വ​ർ മാ​ത്ര​മാ​ണ്.

ഇ​നി പ​ര​മ്പ​രാ​ഗ​ത വ​ള്ള​ങ്ങ​ളു​ടെ ഊ​ഴം

മ​ൺ​സൂ​ൺ കാ​ല ട്രോ​ളിം​ഗ് നി​രോ​ധ​ന​ത്തി​ന്‍റെ ഭാ​ഗ​മാ​യി ട്രോ​ളിം​ഗ് ബോ​ട്ടു​ക​ൾ ക​ര​യി​ൽ കെ​ട്ടി​യാ​ൽ പി​ന്നെ ക​ട​ലി​ൽ പ​ര​മ്പ​രാ​ഗ​ത മ​ത്സ്യ​ബ​ന്ധ​ന വ​ള്ള​ങ്ങ​ളു​ടെ ഊ​ഴ​മാ​ണ്. ഇ​വ​ർ​ക്ക് ചാ​ള, കൊ​ഴു​വ, ന​ത്തോ​ലി തു​ട​ങ്ങി​യ മ​ത്സ്യ​ങ്ങ​ളും നാ​ര​ൻ, പൂ​വാ​ലാ​ൻ ചെ​മ്മീ​നു​ക​ളും സു​ല​ഭ​മാ​യി ല​ഭി​ക്കു​ന്ന​ത് ഈ ​മ​ൺ​സൂ​ൺ കാ​ല​ങ്ങ​ളി​ലാ​ണ്.

എ​ന്നാ​ൽ ക​ഴി​ഞ്ഞ സീ​സ​ണി​ൽ നാ​ര​ൻ ചെ​മ്മീ​ന്‍റെ സാ​ന്നി​ധ്യം ക​ട​ലി​ൽ കു​റ​വാ​യി​രു​ന്നു. അ​തി​നു പ​ക​രം നി​റ​യെ ചാ​ള ന​ൽ​കി ക​ട​ല​മ്മ ദി​വ​സ​ങ്ങ​ളോ​ളം വ​ള്ള​ക്കാ​രെ അ​നു​ഗ്ര​ഹി​ച്ചു. ഇ​ന്നും ആ ​ചാ​ള​യു​ടെ സാ​ന്നി​ധ്യം തീ​ര​ക്ക​ട​ലി​ൽ സ​ജീ​വ​മാ​യ​തി​നാ​ൽ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക് ഇ​ക്കു​റി മ​ൺ​സൂ​ൺ വ​ൻ പ്ര​തീ​ക്ഷ​യാ​ണ് ന​ൽ​കു​ന്ന​ത്.

• ഹ​രു​ണി സു​രേ​ഷ്