കു​ട്ട​നാ​ട്ടി​ലെ പാ​ല​ങ്ങ​ളു​ടെ അ​പ്രോ​ച്ച് റോ​ഡു​ക​ള്‍ ഇ​ടി​ഞ്ഞു​താ​ഴു​ന്നു; അ​പ​ക​ട​ങ്ങ​ൾ പ​തി​വാ​കു​ന്ന​താ​യി നാ​ട്ടു​കാ​ർ

ച​മ്പ​ക്കു​ളം: കു​ട്ട​നാ​ട്ടി​ലെ ചി​ല പ്ര​ധാ​ന പാ​ല​ങ്ങ​ളു​ടെ അ​പ്രോ​ച്ച് റോ​ഡു​ക​ൾ ഇ​ടി​ഞ്ഞു​താ​ഴു​ന്ന​താ​യി പ​രാ​തി.ഇ​തു​മൂ​ലം പാ​ല​വും അ​പ്രോ​ച്ച് റോ​ഡും ത​മ്മി​ലു​ള്ള പൊ​ക്ക വ്യ​ത്യാ​സം അ​പ​ക​ട​സാ​ധ്യ​ത കൂ​ട്ടു​ക​യാ​ണ്. രാ​ത്രി​യി​ല്‍ യാ​ത്ര ചെ​യ്യു​ന്ന സ്ഥ​ല​പ​രി​ച​യ​മി​ല്ലാ​ത്ത​വ​രു​ടെ വാ​ഹ​ന​ങ്ങ​ളാ​ണ് പ​ല​പ്പോ​ഴും അ​പ​ക​ട​ത്തി​ലാ​വു​ന്ന​ത്.

പു​ളി​ങ്കു​ന്ന്- ച​മ്പ​ക്കു​ളം പ​ഞ്ചാ​യ​ത്തു​ക​ളെ ത​മ്മി​ല്‍ ബ​ന്ധി​പ്പി​ക്കു​ന്ന മ​ങ്കൊ​മ്പ് സി​വി​ല്‍ സ്റ്റേ​ഷ​ന്‍ പാ​ല​വും നെ​ടു​മു​ടി- ച​മ്പ​ക്കു​ളം പ​ഞ്ചാ​യ​ത്തു​ക​ളെ ത​മ്മി​ല്‍ ബ​ന്ധി​പ്പി​ക്കു​ന്ന ച​മ്പ​ക്കു​ളം പ​ള്ളി​പ്പാ​ല​വു​മാ​ണ് ഇ​തി​ല്‍ പ്ര​ധാ​നം. മ​ങ്കൊ​മ്പ് സി​വി​ല്‍ സ്റ്റേ​ഷ​ന്‍ പാ​ലം വാ​ഹ​ന ഗ​താ​ഗ​ത​ത്തി​നു തു​റ​ന്നു കൊ​ടു​ത്തശേ​ഷം പ​ല​ത​വ​ണ അ​പ്രോ​ച്ച് റോ​ഡ് ഉ​യ​ര്‍​ത്തി​യെ​ങ്കി​ലും ഇ​പ്പോ​ഴും ഉ​യ​ര​വ്യ​ത്യാ​സം വ​ലു​താ​ണ്.

പു​ളി​ങ്കുന്ന്, കാ​വാ​ലം, നീ​ലം​പേ​രൂ​ര്‍ പ​ഞ്ചാ​യ​ത്തു​ക​ളെ കു​ട്ട​നാ​ടി​ന്‍റെ മ​റ്റ് പ്ര​ദേ​ശ​ങ്ങ​ളു​മാ​യി ബ​ന്ധി​പ്പി​ക്കു​ന്ന​തി​ല്‍ പ്ര​ധാ​ന​മാ​ണ് ഈ ​പാ​ലം. കു​ട്ട​നാ​ടി​ന്‍റെ പ്ര​കൃ​തി​ക്ക് ഇ​ണ​ങ്ങാ​ത്ത അ​മി​ത​ഭാ​രം ക​യ​റ്റി​യ ടോ​റ​സ് ഉ​ൾ​പ്പെ​ടെ​യു​ള്ള ലോ​റി​ക​ൾ പ​തി​വാ​യി സ​ഞ്ച​രി​ക്കു​ന്ന​താ​ണ് റോ​ഡ് ഇ​ടി​ഞ്ഞു​താ​ഴാ​ൻ പ്ര​ധാ​ന കാ​ര​ണ​മെ​ന്നു നാ​ട്ടു​കാ​ർ പ‍​റ​യു​ന്നു.

അ​പ​ക​ട​ത്തി​നു കാ​ത്തി​രി​ക്ക​ണോ?
നി​ര​വ​ധി സ്‌​കൂ​ളു​ക​ളും ആ​രാ​ധ​നാ​ല​യ​ങ്ങ​ളും പൊ​തു​സ്ഥാ​പ​ന​ങ്ങ​ളും ഹോ​സ്പി​റ്റ​ലു​ക​ളും സ്ഥി​തി ചെ​യ്യു​ന്ന ച​മ്പ​ക്കു​ള​ത്ത് അ​പ്രോ​ച്ച് റോ​ഡി​ല്‍ വാ​ഹ​ന​ങ്ങ​ള്‍ പാ​ല​ത്തി​ലേ​ക്കു പെ​ട്ടെ​ന്നു ക​യ​റാ​നാ​വാ​തെനി​ന്നു പോ​കു​മ്പോ​ള്‍ പി​ന്നാ​ലെ എ​ത്തു​ന്ന വാ​ഹ​ന​ങ്ങ​ള്‍ അ​പ​ക​ട​ത്തി​ല്‍​പ്പെ​ടു​ന്ന​ത് പ​തി​വാ​ണ്. കു​റ​ച്ചു​നാ​ൾ മു​ന്പ് ക​മ്പി​ക​യ​റ്റി​വ​ന്ന ലോ​റി​യു​ടെ മു​ൻ​ഭാ​ഗം ഉ​യ​ർ​ന്ന​തി​നെ​ത്തു​ട​ർ​ന്നു ക​മ്പി​ക്കെ​ട്ട് പി​ന്നോ​ട്ടു വീ​ണ് അ​പ​ക​ട​മു​ണ്ടാ​യി.

പി​ന്നാ​ലെ വ​ന്ന വാ​ഹ​നം ത​ല​നാ​രി​ഴ​യ്ക്കാ​ണ് ര​ക്ഷ​പ്പെ​ട്ട​ത്. പ​ട​ഹാ​രം പാ​ല​വും ക​ഞ്ഞി​പ്പാ​ടം പാ​ല​വും നി​ര്‍​മി​ച്ചി​രി​ക്കു​ന്ന​തു​പോ​ലെ പാ​ല​ത്തി​ന്‍റെ കോ​ണ്‍​ക്രീ​റ്റ് സ്പാ​ന്‍ റോ​ഡ് നി​ര​പ്പു വ​രെ എ​ത്തി​ക്കു​ക മാ​ത്ര​മേ ഇ​തി​നു പ​രി​ഹാ​ര​മു​ള്ളെ​ന്ന് ഉ​ദ്യോ​ഗ​സ്ഥ​ർ നി​ർ​ദേ​ശി​ച്ചി​രു​ന്നു. മ​ങ്കൊ​മ്പ് സി​വി​ല്‍ സ്റ്റേ​ഷ​ന്‍ പാ​ലം, ച​മ്പ​ക്കു​ളം പ​ള്ളിപ്പാ​ലം എ​ന്നി​വ​യു​ടെ ഇ​രു​ക​ര​ക​ളി​ലും ആ​വ​ശ്യ​മാ​യ കോ​ണ്‍​ക്രീ​റ്റ് സ്പാ​നു​ക​ള്‍ നി​ര്‍​മി​ച്ച് അ​പ​ക​ടാ​വ​സ്ഥ ഒ​ഴി​വാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

സ്പാ​നു​ക​ൾ പ​രി​ഹാ​രം
‌ച​മ്പ​ക്കു​ളം പ​ള്ളി​പ്പാല​ത്തി​ന്‍റെ അ​പ്രോ​ച്ച് റോ​ഡ് ആ​ഴ​ത്തി​ൽ ഇ​ടി​ഞ്ഞ് അ​പ​ക​ട​ത്തി​ലാ​യ​തോ​ടെ ക​ഴി​ഞ്ഞ മാ​ര്‍​ച്ചി​ൽ അ​റ്റു​കു​റ്റ​പ്പ​ണി ന​ട​ത്തി​യി​രു​ന്നു. എ​ന്നി​ട്ടും റോ​ഡും പാ​ല​വും ത​മ്മി​ൽ ന​ല്ല ഉ​യ​ര​വ്യ​ത്യാ​സ​മു​ണ്ട്. ച​മ്പ​ക്കു​ളം ബ​സി​ലി​ക്ക​യു​ടെ സ​മീ​പ​ത്തെ പാ​ലം തു​റ​ന്നു ന​ൽ​കി​യ കാ​ലം മു​ത​ല്‍ കൃ​ത്യ​മാ​യ ഇ​ട​വേ​ള​ക​ളി​ല്‍ അ​പ്രോ​ച്ച് ഇ​ടി​ഞ്ഞു​താ​ഴ്ന്നി​രു​ന്നു. ഓ​രോ ത​വ​ണ​യും താ​ത്കാ​ലി​ക മ​രാ​മ​ത്ത് പ​ണി​ക​ള്‍ ചെ​യ്താ​ണ് യാ​ത്രാ​സൗ​ക​ര്യം ഒ​രു​ക്കു​ന്ന​ത്.

പാ​ല​ത്തി​ന്‍റെ നി​ര്‍​മാ​ണ കാ​ലം മു​ത​ല്‍​ത​ന്നെ പാ​ല​ത്തി​ന്‍റെ പ​ടി​ഞ്ഞാ​റേ​ക്ക​ര​യി​ല്‍ ഒ​രു സ്പാ​ന്‍​കൂ​ടി നി​ര്‍​മി​ക്ക​ണ​മെ​ന്ന് ആ​വ​ശ്യം ഉ​യ​ര്‍​ന്നി​രു​ന്നു. എ​സി റോ​ഡി​ന്‍റെ പു​ന​രു​ദ്ധാ​ര​ണ​ത്തി​നു ശേ​ഷം കു​ട്ട​നാ​ട്ടി​ലെ ച​മ്പ​ക്കു​ളം പ​ള്ളിപ്പാ​ലം ഉ​ള്‍​പ്പെ​ടെ​യു​ള്ള പാ​ല​ങ്ങ​ളു​ടെ സ​മീ​പ​ന​പാ​ത ഇ​ടി​ഞ്ഞു​താ​ഴു​ന്ന​തു പ​രി​ഹ​രി​ക്കാ​ൻ കോ​ണ്‍​ക്രീ​റ്റ് സ്പാ​നു​ക​ള്‍ നി​ര്‍​മി​ക്കു​മെ​ന്നു പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​ര്‍ അ​റി​യി​ച്ചി​രു​ന്നു.