ആ​ന​യെ ക​ണ്ട് പേ​ടി​ച്ച് വീ​ട്ടി​ന​ക​ത്തേ​ക്ക് ഓ​ടി​ക്ക​യ​റാ​ൻ ശ്ര​മി​ച്ച​പ്പോ​ഴേ​ക്കും..! അ​ട്ട​പ്പാ​ടി​യി​ൽ യു​വ​തി​യെ കാ​ട്ടാ​ന ച​വി​ട്ടി​ക്കൊ​ന്നു

സ്വ​ന്തം ലേ​ഖ​ക​ൻ

പാ​ല​ക്കാ​ട് : അ​ട്ട​പ്പാ​ടി​യി​ൽ കാ​ട്ടാ​ന യു​വ​തി​യെ ച​വി​ട്ടി കൊ​ന്നു. കാ​വു​ണ്ടി​ക്ക​ൽ പ്ലാ​മ​ര​ത്ത് മ​ല്ലീ​ശ്വ​രി​യാ​ണ് (45) കാ​ട്ടാ​ന​യു​ടെ ച​വി​ട്ടേ​റ്റ് മ​രി​ച്ച​ത്.

ഇ​ന്നു പു​ല​ർ​ച്ചെ ര​ണ്ട​ര​യോ​ടെ​യാ​ണ് സം​ഭ​വം. വ​ന​ത്തി​നോ​ട് ചേ​ർ​ന്നാ​ണ് മ​ല്ലേ​ശ്വ​രി​യു​ടെ വീ​ട്. പു​ല​ർ​ച്ചെ വീ​ടി​നു പു​റ​ത്ത് നി​ന്ന് ശ​ബ്ദം കേ​ട്ടു പു​റ​ത്ത് ഇ​റ​ങ്ങി നോ​ക്കി​യ​പ്പോ​ഴാ​ണ് കാ​ട്ടാ​ന ആ​ക്ര​മി​ച്ച​ത്.

വ​ന​ത്തി​നോ​ട് ചേ​ർ​ന്നാ​ണ് മ​ല്ലീ​ശ്വ​രി​യു​ടെ വീ​ട്. ആ​ന​യെ ക​ണ്ട് പേ​ടി​ച്ച് വീ​ട്ടി​ന​ക​ത്തേ​ക്ക് ഓ​ടി​ക്ക​യ​റാ​ൻ ശ്ര​മി​ച്ച​പ്പോ​ഴേ​ക്കും കാ​ട്ടാ​ന മ​ല്ലീ​ശ്വ​രി​യെ ആ​ക്ര​മി​ക്കു​ക​യാ​യി​രു​ന്നു.

ഭ​ർ​ത്താ​വ് ശി​വ​രാ​മ​ന്‍റെ മു​ന്നി​ൽ വ​ച്ചാ​ണ് കാ​ട്ടാ​ന മ​ല്ലീ​ശ്വ​രി​യെ തു​ന്പി​ക്കൈ കൊ​ണ്ട് വ​ലി​ച്ച് നി​ല​ത്തി​ട്ട് ച​വി​ട്ടി​ക്കൊ​ന്ന​ത്. ഇ​തു ക​ണ്ട് ഭ​യ​ന്ന് ശി​വ​രാ​മ​ൻ നി​ല​വി​ളി​ച്ച് അ​ടു​ത്ത വീ​ട്ടി​ലേ​ക്ക് ഓ​ടി​പ്പോ​യി.

മ​ല്ലീ​ശ്വ​രി​യെ കൊ​ന്ന ശേ​ഷം ഏ​റെ നേ​രം ആ​ന മൃ​ത​ദേ​ഹ​ത്തി​ന​രി​കെ നി​ന്നും മാ​റാ​തെ നി​ന്നു. നാ​ട്ടു​കാ​ർ ഏ​റെ പ​ണി​പെ​ട്ടാ​ണ് ആ​ന​യെ അ​വി​ടെ നി​ന്നും അ​ക​റ്റി​യ​ത്.

ക​ഴി​ഞ്ഞ ദി​വ​സ​ങ്ങ​ളി​ൽ ജ​ന​വാ​സ മേ​ഖ​ല​യി​ൽ ഇ​റ​ങ്ങി​യ ആ​ന​യെ വ​നം വ​കു​പ്പ് വാ​ച്ച​ർാ​ർ കാ​ട്ടി​ലേ​ക്ക് തി​രി​കെ ക​യ​റി​യി​രു​ന്നു.

ഉ​ൾ​ക്ക​ട്ടി​ലേ​ക്ക് മ​ട​ങ്ങാ​തി​രു​ന്ന ആ​ന ഇ​ന്ന് പു​ല​ർ​ച്ചെ​യാ​ണ് വീ​ണ്ടും ഇ​റ​ങ്ങി​യ​ത്. മൃ​ത​ദേ​ഹം അ​ഗ​ളി ആ​ശു​പ​ത്രി​യി​ലേ​ക്ക് മാ​റ്റി.

ഒ​രു മാ​സ​ത്തി​നി​ടെ സം​സ്ഥാ​ന​ത്ത് ഇ​ത് മൂ​ന്നാ​മ​ത്തെ ആ​ളാ​ണ് കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ടു​ന്ന​ത്.

ര​ണ്ട് ആ​ഴ്ച​യ്ക്കു മു​ൻ​പ് ക​ണ്ണൂ​ർ ആ​റ​ളം ഫാ​മി​ൽ ക​ർ​ഷ​ക​നാ​യ ദാ​മു​വാ​ണ് കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​ത്.

മൂ​ന്നാ​ഴ്ച മു​ൻ​പ് പ്ര​ഭാ​ത​സ​വാ​രി​യ്ക്കി​റ​ങ്ങി​യ പാ​ല​ക്കാ​ട് ധോ​ണി സ്വ​ദേ​ശി ശി​വ​രാ​മ​നെ (60) കാ​ട്ടാ​ന ച​വി​ട്ടി​ക്കൊ​ന്നി​രു​ന്നു.

പ്ലാമരത്ത് നാട്ടുകാർ റോഡ് ഉപരോധിച്ചു

അ​ട്ട​പ്പാ​ടി മേ​ഖ​ല​യി​ൽ തു​ട​ർ​ച്ച​യാ​യി ഉ​ണ്ടാ​കു​ന്ന കാ​ട്ടാ​ന ആ​ക്ര​മ​ണ​ത്തി​ന് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് പ്ലാ​മ​ര​ത്ത് നാ​ട്ടു​കാ​ർ റോ​ഡ് ഉ​പ​രോ​ധി​ച്ചു.

മ​ണ്ണാ​ർ​ക്കാ​ട് – ചി​ന്ന​ത്ത​ടാ​കം റോ​ഡാ​ണ് നാ​ട്ടു​കാ​ർ ഉ​പ​രോ​ധി​ച്ച​ത്. കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട മ​ല്ലീ​ശ്വ​രി​യു​ടെ കു​ടും​ബ​ത്തി​ന് ധ​ന​സ​ഹാ​യം ന​ൽ​ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.