അ​ടു​ക്ക​ള​യി​ൽ വ​ച്ചി​രു​ന്ന ചേ​ർ ത​ട്ടി​തെ​റി​പ്പി​ച്ചു, വീ​ട്ടു​സാ​ധ​ന​ങ്ങ​ൾ ന​ശി​പ്പി​ച്ചു; പ്ര​തി​യെ പി​ടി​ക്കാ​നെ​ത്തിയ ​പോ​ലീ​സി​ന്‍റെ അ​ഴി​ഞ്ഞാ​ട്ടം; പ​രാ​തി​യു​മാ​യി വീ​ട്ട​മ്മ

തു​റ​വൂ​ർ: അ​ടി​പി​ടി​ക്കേ​സി​ൽ പ്ര​തി​യാ​യ യു​വാ​വി​നെ തി​ര​ക്കി​യെ​ത്തി​യ കു​ത്തി​യ​തോ​ട് പോ​ലീ​സ് വീ​ട്ടി​ൽ അ​തി​ക്ര​മം കാ​ട്ടി​യ​താ​യി പ​രാ​തി. പ​ട്ട​ണ​ക്കാ​ട് പ​ഞ്ചാ​യ​ത്ത് എ​ട്ടാം വാ​ർ​ഡ് മേ​നാ​ശേ​രി ര​ത്ന​ഭ​വ​ന​ത്തി​ൽ ബി​ന്ദു​വാ​ണ് ചേ​ർ​ത്ത​ല എ​എ​സ്പി​ക്ക് പ​രാ​തി ന​ൽ​കി​യ​ത്.

ചൊ​വ്വാ​ഴ്ച രാ​വി​ലെ​യാ​ണ് പ​രാ​തി​ക്കാ​സ്പ​ദ​മാ​യ സം​ഭ​വം. തു​റ​വൂ​ർ ക്ഷേ​ത്ര​ത്തി​ൽ ദീ​പാ​വ​ലി ഉ​ത്സ​വ​ത്തി​നി​ടെ​യു​ണ്ടാ​യ അ​ടി​പി​ടി​യി​ൽ ബി​ന്ദു​വി​ന്‍റെ മ​ക​ൻ കാ​ശി​നാ​ഥ് (21) ഒ​ന്നാം പ്ര​തി​യാ​ണ്. കാ​ശി​നാ​ഥി​നെ​ തിര​ക്കി​യാ​ണ് മൂ​ന്നു പോ​ലീ​സു​കാ​ർ വീ​ട്ടി​ലെ​ത്തി​യ​ത്.

പോ​ലീ​സി​നെ​ കണ്ട കാ​ശി​നാ​ഥ് പി​ൻ​വാ​തി​ലി​ലൂ​ടെ ഇ​റ​ങ്ങി ഓ​ടി. കാ​ശി​നാ​ഥി​നെ കി​ട്ടാ​ത്ത വൈ​രാ​ഗ്യ​ത്തി​ന് പോ​ലീ​സ് അ​തി​ക്ര​മം കാ​ണി​ക്കു​ക​യാ​യി​രു​ന്നു. അ​ടു​ക്ക​ള​യി​ൽ വ​ച്ചി​രു​ന്ന ചോ​റും ക​റി​യും വാ​രി വി​ത​റി, കാ​ശി​യു​ടെ വ​സ്ത്ര​ങ്ങ​ൾ ന​ശി​പ്പി​ക്കു​ക​യും ഗൃ​ഹോ​പ​ക​ര​ണ​ങ്ങ​ൾ​ക്ക് കേ​ടു​പാ​ടു വ​രു​ത്തു​ക​യും ചെ​യ്ത​താ​യി പ​രാ​തി​യി​ൽ പ​റ​യു​ന്നു.

എ​ന്നാ​ൽ പ്ര​തി​യു​ടെ ജാ​മ്യാ​പേ​ക്ഷ കോ​ട​തി ത​ള്ളി​യ​തി​നെ​ത്തു​ട​ർ​ന്നാ​ണ് അ​ന്വേ​ഷി​ച്ചെ​ത്തി​യ​തെ​ന്നും പ​രാ​തി​യി​ൽ​ പറ​യു​ന്ന കാ​ര്യ​ങ്ങ​ൾ അ​ടി​സ്ഥാ​നര​ഹി​ത​മാ​ണെ​ന്നും കു​ത്തി​യ​തോ​ട് എ​സ്എ​ച്ച്ഒ എം. ​അ​ജ​യ​മോ​ഹ​ൻ പ​റ​ഞ്ഞു.