Set us Home Page

മ​ല​യാ​ളി​പ്പെ​ണ്ണാ​ണു ഞാ​ൻ! ഇ​തു സി​നി​മ​യാ​ണ്, നൂ​റാ​യി​രം ക​ണ്ണു​ക​ൾ ന​മ്മ​ളെ നി​രീ​ക്ഷി​ക്കു​ന്നു​ണ്ട് എ​ന്നോർ​ത്താ​ണ് ഓ​രോ കാ​ര്യ​വും ചെ​യ്യു​ന്ന​ത്; മഹിമ നന്പ്യാർ‌ മനസുതുറക്കുന്നു…

ഷി​ജീ​ഷ് യു.​കെ

കാ​ത്തി​രി​പ്പി​നൊ​ടു​വി​ൽ കൈ​വ​ന്ന ഭാ​ഗ്യ​ത്തി​ൽ മ​നം​നി​റ​ഞ്ഞ ആ​ന​ന്ദ​ത്തി​ലാ​ണ് മ​ഹി​മ ന​ന്പ്യാ​ർ. 2010-ൽ ​ദി​ലീ​പ് നാ​യ​ക​നാ​യി എ​ത്തി​യ കാ​ര്യ​സ്ഥ​നി​ലൂ​ടെ​യാ​ണ് മ​ഹി​മ വെ​ള്ളി​ത്തി​ര​യി​ൽ തു​ട​ക്കം കു​റി​ക്കു​ന്ന​ത്. സി​നി​മ വ​ലി​യ വി​ജ​യം നേ​ടി​യെ​ങ്കി​ലും മ​ല​യാ​ള​ത്തി​ൽ കൂ​ടു​ത​ൽ അ​വ​സ​ര​ങ്ങ​ൾ ഈ നായികയെ തേ​ടി​യെ​ത്തി​യി​ല്ല. എങ്കി​ലും ത​മി​ഴ​കം വാ​തി​ലു​ക​ൾ തു​റ​ന്നി​ട്ടു.

2012-ൽ ​സാട്ടൈ എന്ന ചിത്രത്തിൽ നായികയായി അ​ര​ങ്ങേ​റ്റം കു​റി​ച്ച​തി​നു പി​ന്നാ​ലെ കു​ട്രം 23, കൊ​ടി വീ​ര​ൻ, ഇ​ര​വു​ക്കും ആ​യി​രം ക​ൺ​ക​ൾ എന്നിങ്ങനെ നി​ര​വ​ധി ഹി​റ്റ് ചി​ത്ര​ങ്ങ​ളു​ടെ ഭാ​ഗ​മാ​കാ​ൻ മ​ഹി​മ​യ്ക്കു സാ​ധി​ച്ചു. ഇ​തി​നി​ട​യി​ൽ മാ​സ്റ്റ​ർ പീ​സ്, മ​ധു​ര​രാ​ജ തു​ട​ങ്ങി​യ ചി​ത്ര​ങ്ങ​ളി​ലൂ​ടെ മ​ല​യാ​ള​ത്തി​ലും സാ​ന്നി​ധ്യം അ​റി​യി​ക്കാ​ൻ ഈ ​ക​ലാ​കാ​രി​ക്കു സാ​ധി​ച്ചു. മ​ധു​ര​രാ​ജ നൂ​റു​കോ​ടി ക്ല​ബ്ബി​ലെ​ത്തി​യ​തി​നു പി​ന്നാ​ലെ ത​മി​ഴി​ൽ റി​ലീ​സാ​യ മ​ഹാ​മു​നി​യും സൂ​പ്പ​ർ​ഹി​റ്റാ​യ​പ്പോൾ ത​മി​ഴി​ലെ ന​ന്പ​ർ വ​ണ്‍ നാ​യി​ക​യാ​യി മ​ഹി​മ​യ്ക്കു തി​ര​ക്കേ​റു​ക​യാ​ണ്…

സി​നി​മ​യോ​ട് ആ​ഗ്ര​ഹം

കാ​സ​ർ​ഗോ​ഡ് ജില്ലയിലെ ഒ​രു ഗ്രാ​മ​ത്തി​ലാ​ണു ഞാ​ൻ ജ​നി​ച്ച​ത്. സാ​ധാ​ര​ണ ഒരു കു​ടും​ബ​ം. സി​നി​മ കാ​ണു​ന്ന​തി​ന​പ്പു​റം സി​നി​മ മേ​ഖ​ല​യു​മാ​യി ഒ​രു ബ​ന്ധ​വും വീ​ട്ടു​കാ​ർ​ക്കി​ല്ലാ​യി​രു​ന്നു. ഞ​ങ്ങ​ളു​ടെ നാ​ട്ടി​ൽ​ത​ന്നെ സി​നി​മ​യി​ൽ പ്ര​വ​ർ​ത്തി​ക്കു​ന്ന​വ​രാ​യി ആ​രു​മി​ല്ല. പ​ക്ഷേ, കു​ട്ടി​ക്കാ​ലം മു​ത​ൽ​ത​ന്നെ അ​ഭി​നേ​ത്രി​യാ​വാ​നാ​ണു ഞാ​ൻ ആ​ഗ്ര​ഹി​ച്ച​ത്. ടി​വി​യി​ൽ വ​രു​ന്ന സി​നി​മ​ക​ൾ ഒ​രെ​ണ്ണം​പോ​ലും വി​ടാ​തെ കാ​ണും.

ശോ​ഭ​ന, ഉ​ർ​വ​ശി, മ​ഞ്ജു വാ​ര്യ​ർ തു​ട​ങ്ങി​യ​വ​രു​ടെ പ്ര​ക​ട​ന​ങ്ങ​ൾ സ​സൂ​ക്ഷ്മം നി​രീ​ക്ഷി​ക്കും. ഒ​രു ദി​വ​സം ഞാനും ​അ​ഭി​ന​യി​ച്ച സി​നി​മ​കൾ ഇ​ങ്ങ​നെ ടി​വി​യി​ൽ കാ​ണാ​മെ​ന്ന് അ​മ്മ​യോ​ടൊ​ക്കെ പ​റ​യാ​റു​ണ്ടാ​യി​രു​ന്നു. ന​മ്മ​ൾ ഒ​രു കാ​ര്യം ആ​ത്മാ​ർ​ഥ​മാ​യി ആ​ഗ്ര​ഹി​ച്ചാ​ൽ അ​തു ന​മ്മ​ളെ തേ​ടി​യെ​ത്തു​മെ​ന്ന് പൗ​ലോ കെ​യ്‌ലോ പ​റ​ഞ്ഞി​ട്ടു​ള്ള​ത് എ​ന്‍റെ ജീ​വി​ത​ത്തി​ലും അ​ക്ഷ​രം​പ്ര​തി ശ​രി​യാ​യി. പി​ന്നെ, ചെ​റു​പ്പം മു​ത​ൽ സം​ഗീ​ത​വും നൃ​ത്ത​വും പ​ഠി​ക്കു​ന്നു​ണ്ടാ​യി​രു​ന്നു. ഇ​തി​നി​ട​യി​ലും ഇ​ഗ്ലീ​ഷ് ലി​റ്റ​റേ​ച്ച​റി​ൽ ബി​രു​ദം നേ​ടാ​ൻ സാ​ധി​ച്ചു.

മ​ഹാ​മു​നി എ​ന്ന സൗ​ഭാ​ഗ്യം

മ​ഹാ​മു​നി എ​ന്‍റെ ക​രി​യ​ർ മ​റ്റൊ​രു ത​ല​ത്തി​ലേ​ക്കെ​ത്തി​ച്ചി​രി​ക്കു​ന്നു. ഏ​ഴു​വ​ർ​ഷ​മാ​യി ഫീ​ൽ​ഡി​ലു​ണ്ടെ​ങ്കി​ലും ആ​ദ്യ​മാ​യി​ട്ടാ​ണ് ഒ​രു ചി​ത്ര​ത്തി​ലെ പ്ര​ക​ട​ന​ത്തി​ന് ഇ​ത്ര​യ​ധി​കം അ​ഭി​ന​ന്ദ​ന​ങ്ങ​ൾ ല​ഭി​ക്കു​ന്ന​ത്. സ​ത്യം പ​റ​ഞ്ഞാ​ൽ ക​ഥ​പോ​ലും കേ​ൾ​ക്കാ​തെ​യാ​ണ് മ​ഹാ​മു​നി​ക്കു ഡേ​റ്റ് ന​ൽ​കു​ന്ന​ത്. മൗ​ന​ഗു​രു എ​ന്ന ക്ലാ​സി​ക് ചി​ത്രം എ​ടു​ത്ത ശാ​ന്ത​കു​മാ​ർ സാ​റി​ന്‍റെ ചി​ത്ര​മെ​ന്ന ആ​ത്മവി​ശ്വാ​സം ഉ​ണ്ടാ​യി​രു​ന്നു. മഹാമുനിയിൽ ഓ​രോ ഷോ​ട്ടി​ലും വ​ള​രെ സൂ​ക്ഷ്മ​ത​യോ​ടെ​യാ​ണ് അ​ദ്ദേ​ഹം എ​ന്നെ അ​വ​ത​രി​പ്പി​ച്ച​ത്. ആ​ര്യ​യാ​യി​രു​ന്നു മ​ഹാ​മു​നി​യി​ലെ നാ​യ​ക​ൻ.

ഞ​ങ്ങ​ളൊ​ന്നി​ച്ച് ആ​ദ്യ​മാ​യി​ട്ടാ​ണ് അ​ഭി​ന​യി​ക്കു​ന്ന​ത്. ന​മ്മു​ടെ പ്ര​ക​ട​ന​വും ഭം​ഗി​യാ​ക​ണ​മെ​ന്ന് ആ​ഗ്ര​ഹി​ക്കു​ന്ന താ​ര​മാ​ണ് ആര്യ. കോ​ന്പി​നേ​ഷ​ൻ സീ​നു​ക​ളി​ൽ എ​ന്‍റെ മു​ഖം കാ​മ​റ ഫോ​ക്ക​സ് ചെ​യ്യു​ന്പോ​ൾ സ്വ​ാഭാ​വി​ക​മാ​യും ഓ​പ്പ​സി​റ്റ് നി​ൽ​ക്കു​ന്ന ആ​ൾ വെ​റു​തെ നി​ന്നാ​ൽ മ​തി. പ​ക്ഷേ, അ​ത്ത​രം സീ​നു​ക​ളി​ൽ​പോ​ലും കാ​മ​റ​യി​ൽ പ​തി​യു​ന്നി​ല്ലെ​ങ്കി​ലും ആ​ര്യ അ​ഭി​ന​യി​ച്ചു​കൊ​ണ്ടി​രി​ക്കും. എ​ന്‍റെ അ​ഭി​ന​യം കൂ​ടു​ത​ൽ മെ​ച്ച​പ്പെ​ടാ​ൻ​ വേ​ണ്ടി​യാ​ണ് അ​ത്.

ഗോ​സി​പ്പു​ക​ൾ​ക്കിടമില്ല

സി​നി​മ​യി​ലെ​ത്തി​ വ​ർ​ഷം ഏ​ഴു ക​ഴി​ഞ്ഞു​വെ​ങ്കി​ലും എ​ന്നെ​പ്പ​റ്റി ഗോ​സി​പ്പു​ക​ൾ ഒന്നും വ​ന്നി​ട്ടി​ല്ല എ​ന്ന​ത് സ​ന്തോ​ഷ​മു​ള്ള കാ​ര്യ​മാ​ണ്. ഇ​തു സി​നി​മ​യാ​ണ്, നൂ​റാ​യി​രം ക​ണ്ണു​ക​ൾ ന​മ്മ​ളെ നി​രീ​ക്ഷി​ക്കു​ന്നു​ണ്ട് എ​ന്ന് ഓ​രോ നി​മി​ഷ​വും ഓ​ർ​ത്താ​ണ് ഓ​രോ കാ​ര്യ​വും ചെ​യ്യു​ന്ന​ത്. മ​ല​യാ​ളി​പ്പെ​ണ്ണാ​ണു ഞാ​ൻ. വി​വാ​ഹ​വും കു​ടും​ബ​ജീ​വി​ത​വും ബ​ന്ധു​ക്ക​ളു​മെ​ല്ലാം ഇ​വി​ടെ​യാ​ണ്. ത​മി​ഴി​ൽ​പോ​യി മ​ഹി അ​തു ചെ​യ്തു, ഇ​തു ചെ​യ്തു എ​ന്നെ​ല്ലാം ഗോ​സി​പ്പു​ക​ൾ ഉ​ണ്ടാ​യാ​ൽ എ​ന്‍റെ നാ​ടി​നു​കൂ​ടി​യാ​ണ് അ​പ​മാ​നം. അ​തു​കൊ​ണ്ടു​ത​ന്നെ ഏ​റെ ശ്ര​ദ്ധി​ച്ചാ​ണ് ഓ​രോ ചു​വ​ടും വ​യ്ക്കു​ന്ന​ത്.

പ്രതീക്ഷയുടെ നാളുകൾ

2019 ക​രി​യ​റി​ലെ ഭാ​ഗ്യ​വ​ർ​ഷ​മാ​യി. മ​ധു​ര​രാ​ജ​യി​ലെ മീ​നാ​ക്ഷി മ​ല​യാ​ള​ത്തി​ൽ ഒ​ട്ടേ​റെ ആ​രാ​ധ​ക​രെ നേ​ടി​ത്ത​ന്നു. മ​ഹാ​മു​നി​യി​ലൂ​ടെ ത​മി​ഴി​ലും ന​ല്ല ഗ്രി​പ്പ് ല​ഭി​ച്ചു. മ​ഹാ​മു​നി​ക്കു​വേ​ണ്ടി ഞാ​ൻ​ ത​ന്നെ​യാ​ണ് ഡ​ബ്ബ് ചെ​യ്ത​ത്. ഇ​പ്പോ​ൾ മ​ല​യാ​ളം പോ​ലെ സ​ര​ള​മാ​യി ത​മി​ഴും സം​സാ​രി​ക്കാ​ൻ ക​ഴി​യു​ന്നു​ണ്ട്. അ​യ്യ​ങ്കാ​ര​നാ​ണ് ത​മി​ഴി​ലെ പു​തി​യ റി​ലീ​സ്. വി​ക്രം പ്ര​ഭു​വി​നോ​ടൊ​പ്പം അ​സു​ര​ഗു​രുവാണ് ഇപ്പോൾ ചെ​യ്യു​ന്നത്.

മ​ല​യാ​ള​ത്തി​ലും തെ​ലു​ങ്കി​ലും ക​ന്ന​ട​ത്തി​ലും ഓ​രോ ചി​ത്രം ക​രാ​റാ​യി​ട്ടു​ണ്ട്. ത​മി​ഴി​ൽ​നി​ന്നും ഒ​ട്ടേ​റെ അ​വ​സ​ര​ങ്ങ​ൾ വ​ന്നു​കൊ​ണ്ടി​രി​ക്കു​ന്നു. ന​ല്ല ചി​ത്ര​ങ്ങ​ൾ തെ​ര​ഞ്ഞെ​ടു​ത്ത് അ​ഭി​ന​യി​ക്കാ​നാ​ണ് ആ​ഗ്ര​ഹം. മ​ല​യാ​ള​ത്തി​ലും ത​മി​ഴി​ലു​മാ​ണു കൂ​ടു​ത​ൽ ചി​ത്ര​ങ്ങ​ൾ ഇതുവരെ ചെ​യ്ത​ത്. അ​ഭി​നേ​ത്രി​യാ​വ​ണ​മെ​ന്നേ ആ​ഗ്ര​ഹ​മു​ണ്ടാ​യി​രു​ന്നു​ള്ളു. ഇ​ന്ന ക​ഥാ​പാ​ത്രം ചെ​യ്യ​ണം, ഇ​ന്ന​യാ​ളു​ടെ നാ​യി​ക​യാ​വ​ണം എ​ന്നൊ​ന്നും ആ​ഗ്ര​ഹി​ച്ചി​ട്ടി​ല്ല. അതുകൊണ്ടു തന്നെ ന​ല്ല സി​നി​മ​യും ന​ല്ല ക​ഥാ​പാ​ത്ര​ങ്ങ​ളും കി​ട്ടി​യാ​ൽ മ​തി. അ​തി​ല​പ്പു​റം ഡ്രീം ​റോ​ൾ, ഡ്രീം ​ഹീ​റോ എ​ന്നി​ങ്ങ​നെ​യു​ള്ള സ​ങ്ക​ൽ​പ​ങ്ങ​ളൊ​ന്നും എ​നി​ക്കി​ല്ല.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS