കടുത്തുരുത്തി: നമ്പര്‍ പ്ലേറ്റില്ലാത്ത കാറിലെത്തിയ സംഘം വഴി ചോദിച്ച ശേഷം യുവതിയുടെ മാല പൊട്ടിച്ച സംഭവത്തില്‍ അന്വേഷണം പുരോഗമിക്കുന്നു. കഴിഞ്ഞ ദിവസം വൈകുന്നേരം കല്ലറ ചൂരക്കുഴി ജംഗ്ഷനിലാണ് സംഭവം. നാട്ടുകാര്‍ കണ്ടുനില്‍ക്കെ കഴിഞ്ഞ ദിവസം വൈകൂന്നേരം 5.30 ഓടെ കല്ലറ ചൂരക്കുഴി ജംഗ്ഷനിലാണ് സംഭവം.
ജംഗ്ഷനില്‍ മാസ് എന്ന പേരില്‍ ബെഡ് കട നടത്തുന്ന കല്ലറ അറയ്ക്കപറമ്പില്‍ അഭിലാഷിന്‍റെ ഭാര്യ അനുമോള്‍ (33) ടെ മാലയാണ് പൊട്ടിച്ചെടുത്തത്.
യുവതിയുടെ കഴുത്തില്‍ കുത്തിപിടിച്ചാണ് നാലര പവന്‍റെ മാല പൊട്ടിച്ചെടുത്തത്. കഴുത്തില്‍ കിടന്ന മാല പൊട്ടിച്ച ശേഷം പ്രതി യുവതിയെ റോഡിലേക്കു തള്ളി തെറിപ്പിക്കുകയായിരുന്നു.
റോഡില്‍ വീണ യുവതി എഴുന്നേറ്റ് കാറിന് പിന്നാലെ നൂറ് മീറ്ററോളം ഓടിയെങ്കിലും തലചുറ്റി വീഴുകയായിരുന്നു.
