കൊ​ട്ടാ​ര​ക്ക​ര​യി​ൽ വ​യോ​ധി​ക​യ്ക്ക് ക്രൂ​ര മ​ർ​ദ​നം; എ​ഴു​പ​ത്തി​യെ​ട്ടു​കാ​രി​യെ മ​ർ​ദി​ച്ച​ത് എ​ഴു​പ​തു​കാ​ര​ൻ; പ്ര​തി​യെ അ​റ​സ്റ്റ് ചെയ്ത് പോ​ലീ​സ്

കൊ​ട്ടാ​ര​ക്ക​ര: കൊ​ട്ടാ​ര​ക്ക​ര ഗാ​ന്ധി​മു​ക്കി​ൽ റി​ട്ട അ​ധ്യാ​പി​ക​ക്കു നേ​രെ വീ​ടുക​യ​റി ക്രൂ​ര മ​ർ​ദനം. കൊ​ട്ടാ​ര​ക്ക​ര ഗാ​ന്ധി​മു​ക്ക് മൈ​ത്രി ന​ഗ​റി​ൽ കൃ​ഷ്ണ​നി​വാ​സി​ൽ സ​ര​സ​മ്മ (78)യെ​യാ​ണ് അ​യ​ൽ​വാ​സി വീ​ട്ടി​ൽ ക​യ​റി മ​ർ​ദി​ച്ച​ത്. സം​ഭ​വ​വു​മാ​യി ബ​ന്ധ​പ്പെ​ട്ടു ഗാ​ന്ധി മു​ക്ക് മൈ​ത്രി ന​ഗ​റി​ൽ പൗ​വ​ത്ത് പു​ത്ത​ൻ വീ​ട്ടി​ൽ ശ​ശി​ധ​ര​ൻ (70) നെ ​കൊ​ട്ടാ​ര​ക്ക​ര പോ​ലീ​സ് അ​റ​സ്റ്റ് ചെ​യ്തു.

തി​ങ്ക​ൾ വൈ​കി​ട്ട് നാ​ലി​നാ​യിരുന്നു സം​ഭ​വം. വാ​ക്കു ത​ർ​ക്കം രൂ​ക്ഷ​മാ​യ​തി​നെ തു​ട​ർ​ന്ന് അ​യ​ൽ​വാ​സി​യാ​യ ശ​ശി​ധ​ര​ൻ എ​ഴു​പ​ത്തി​യെ​ട്ടു​കാ​രി​യാ​യ സ​ര​സ​മ്മ​യു​ടെ വീ​ട്ടി​ലേ​ക്ക് അ​തി​ക്ര​മി​ച്ചു ക​യ​റി. വാ​യോ​ധി​ക​യെ വീ​ട്ടി​ൽ നി​ന്നു വ​ലി​ച്ചി​റ​ക്കി ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു.

വീ​ട്ടി​ലേ​ക്കു ക​ട​ന്ന് വ​ന്ന ശ​ശി​ധ​ര​നെ സ​ര​സ​മ്മ വ​ടി കൊ​ണ്ട് അ​ടി​ക്കു​ന്ന​തും അ​തി​നു ശേ​ഷം സ​ര​സ​മ്മ​യെ തി​രി​ച്ചു മ​ർ​ദി​ക്കു​ക​യും ക​ഴു​ത്തി​ൽ കു​ത്തി പി​ടി​ച്ചു ഭി​ത്തി​യി​ൽ ചേ​ർ​ത്തു നി​ർ​ത്തി മ​ർ​ദി​ക്കു​ന്ന​തും പ​ട​വു​ക​ളി​ൽ കൂ​ടി കാ​ലി​ൽ പി​ടി​ച്ചു വ​ലി​ച്ചി​ഴ​ച്ചു കൊ​ണ്ട് പോ​കു​ന്ന​തും സി​സി ടി ​വി വ​ഴി പു​റ​ത്ത് വ​ന്നി​ട്ടു​ണ്ട്. ത​ല​യി​ൽ അ​ഞ്ചു തു​ന്ന​ലും ഇ​രു കൈ​യും പു​റ​ത്തും പ​രി​കേ​റ്റി​ട്ടു​ണ്ട്.

ഗാ​ന്ധി​മു​ക്കി​ൽ ഒ​റ്റ​യ്ക്ക് താ​മ​സി​ച്ചുവ​രിക​യാ​യി​രുന്നു സ​ര​സ​മ്മ. അ​യ​ൽ​വാ​സി​യു​മാ​യി നേ​ര​ത്തെ ത​ർ​ക്ക​ങ്ങ​ൾ നി​ല​നി​ന്നി​രു​ന്ന​താ​യി പോ​ലീ​സ് പ​റ​യു​ന്നു.

ശ​ശി​ധ​ര​ന്‍റെ സു​ഖ​മി​ല്ലാ​ത്ത ഭാ​ര്യ ഉ​ൾ​പ്പ​ടെ​യു​ള്ള​വ​രെ വ​യോ​ധി​ക മ​ർ​ദി​ക്കു​ക​യും അവരുമായി വ​ഴ​ക്ക് ഉ​ണ്ടാ​കു​ക​യും പ​തി​വാ​യി​രു​ന്നു​വെ​ന്നു പ്ര​ദേ​ശ വാ​സി​ക​ൾ പ​റ​യു​ന്നു. വൈ​ദ്യ പ​രി​ശോ​ധ​ന​ക​ൾ​ക്ക് ശേ​ഷം പ്ര​തി​യെ കോ​ട​തി​യി​ൽ റി​മാ​ൻ​ഡ് ചെ​യ്തു.