എസ്എസ് പ്രൊഡക്‌ഷൻസ്, അൽഫോൻസാ വിഷ്വൽ മീഡിയ, സെന്‍റ് മേരിസ് അസോസിയേറ്റ്സ് പ്രൈവറ്റ് ലിമിറ്റഡ് എന്നിവയുടെ ബാനറിൽ ബി.ടി. സലാം, സുബിൻ ബാബു, ഷാജു സി. ജോർജ് എന്നിവർ നിർമിച്ച ചിത്രം കെ.ജെ. ഫിലിപ്പ് സംവിധാനം ചെയ്യുന്നു.
മഞ്ചാടിക്കുന്ന് എന്ന മനോഹരവും എന്നാൽ ഏറെ അസ്വസ്ഥത ഉളവാക്കുന്നതുമായ ഗ്രാമത്തിൽ നടക്കുന്ന കഥയാണിത്. മുൻജില്ലാ പഞ്ചായത്ത് പ്രസിഡന്‍റ് തെക്കാട്ടിൽ സക്കറിയ പുന്നൂസും മകൻ ജോൺ സക്കറിയ എന്നിവരാണ് ഗ്രാമത്തെ അടക്കിഭരിക്കുന്നത്. പ്രദേശത്തെ സ്ത്രീകളുടെ നിരവധി ദുരൂഹമരണങ്ങൾ നടക്കുന്നു.
കാണാതായ ഒരു പെൺകുട്ടിയെ തേടി ഷാനു എന്ന മോഡൽ എത്തുന്നു. കൗതുകവും അപ്രതീക്ഷിതവുമായ ഒരു വഴിത്തിരിവിലേക്കാണ് ചിത്രം നീങ്ങുന്നത്. സസ്പെൻസ് നിറഞ്ഞ ആഖ്യാനരീതിയിലാണ് റോയിറ്റയും കുമാർ സെന്നും ചേർന്ന് കഥ ഒരുക്കിയിരിക്കുന്നത്. സീതു ആൻസണിന്‍റെ തിരക്കഥയ്ക്ക് സീതു ആൻസൺ ആൻഡ് കെ.ജെ. ഫിലിപ്പ് സംഭാഷണം ഒരുക്കിയിരിക്കുന്നു.
ജോൺ സക്കറിയ എന്ന കഥാപാത്രത്തെ ജിന്‍റോ അവതരിപ്പിക്കുന്നു. സക്കറിയ പൊന്നൂസ് ആയി ഡോ. രജിത് കുമാർ എത്തുന്നു. ഷാനുവായി സാനിഫ് അലി അഭിനയിക്കുന്നു. കൂടാതെ ശ്രീറാം മോഹൻ, സാജിദ് സലാം, ഡോഷിനു ശ്യാമളൻ, ദിവ്യ തോമസ്, ഷാരോൺ സഹിം, മനീഷ മോഹൻ, ശാർലറ്റ് സജീവ്, ശിവജി ഗുരുവായൂർ, സാജൻ പള്ളുരുത്തി, പ്രദീപ് പള്ളുരുത്തി, സാബു കൃഷ്ണ,സ്വാമി ഗംഗേ സാനന്ദ, നിഷാദ് കല്ലിങ്കൽ, ബെന്നി പുന്നറാം, സണ്ണി അങ്കമാലി, ബാലസൂര്യ, അജയ് പുറമല, ഫിറോസ് ബാബു,രമേശ് അന്നിപ്പറ, ആഷിക്, ഷിബുഇച്ചാമഠം, സൈജു വാത്തുകോടത്‌, വിജയൻ കോടനാട്, ബഷീർ മൊയ്തീൻ, അബൂ പട്ടാമ്പി, മുഹമ്മദ് പെരുമ്പാവൂർ, രജിഷ് സോമൻ, ഷമീർ ബാബു, ഷാൻസി സലാം, അന്ന എയ്ഞ്ചൽ, ജാനകി ദേവി, ആര്യജയൻ, രാജി തോമസ്, രാജീമേനോൻ, അമ്പിളി ഉമാ മഹേശ്വരി, അഫ്രിൻ വക്കയിൽ, നസ്റിൻ,പീലി കൃഷ്ണ , സരദാമ്മ , സന്ധ്യ ആലപ്പുഴ , രാജേശ്വരി കണ്ണൂർ, ഇന്ദു ഹേമങ്കിനി എന്നിവരും അഭിനയിക്കുന്നു.
ഡിഒപി റോയിറ്റ, സനൂപ് എന്നിവർ നിർവഹിക്കുന്നു. എഡിറ്റിംഗ്- ഗ്രേസൺ എസിഎ, കലാസംവിധാനം- സണ്ണി സംഘമിത്ര. നിർമാണനിയന്ത്രണം- ഡോ. ഷാൻസി സലാം, കൊറിയോഗ്രാഫർ- ബിനീഷ് കൊയിലാണ്ടി. മേക്കപ്പ്- ഷിനു ഓറഞ്ച്, വസ്ത്രാലങ്കാരം- അന്നമ്മച്ചി, പ്രൊജക്റ്റ് ഡിസൈനർ- ഫാത്തിമ ഷെറിൻ, മധു ആർ പിള്ള, മുഹമ്മദ് സാജിദ്, ആഷിക്, ക്രിസ് ജോൺ എന്നിവരാണ് അസോസിയേറ്റ് ഡയറക്ടേഴ്സ്. വി എഫ് എക്സ് എൻഡ് സ്റ്റിൽസ് ഗോൾഡൻ ഫ്രെയിം. ഡിഐ- ജിതിൻ കുമ്പുകാട്. സംഘട്ടനം- ജിന്‍റോ ബോഡി ക്രാഫ്റ്റ്, മധു ആർ പിള്ള.
സുദർശൻ പുത്തൂർ, സുഭാഷ് ചേർത്തല, ജെറിൻ രാജ് കുളത്തിനാൽ, ഹംസ കുന്നത്തേരി, ഫെമിൻ ഫ്രാൻസിസ് എന്നിവർ ചേർന്നാണ് ഗാനരചന നിർവഹിച്ചിരിക്കുന്നത്. അജിത് സുകുമാരൻ, ഹംസ കുന്നത്തേരി, വിഷ്ണു മോഹന കൃഷ്ണൻ, ഫെമിൻ ഫ്രാൻസിസ് എന്നിവർ ചേർന്നാണ് സംഗീതം നൽകിയിരിക്കുന്നത്. ബിജിഎം സുജിത് സുപ്രൻ, നജീം അർഷാദ്, പ്രദീപ് പള്ളുരുത്തി, സിദ്ധാർഥ ശങ്കർ ഇമ്രാൻ ഖാൻ, അരുൺ സി ഇടുക്കി, ശോഭ ശിവാനി, ദേവാനന്ദ രാജേഷ്മേനോൻ, മിഥുന്യ ബിനീഷ് എന്നിവരാണ് ഗായകർ.
മസ്കറ്റ്, അബുദാബി, മൂന്നാർ,പൂപ്പാറ, തലയോലപ്പറമ്പ്, ആലുവ എന്നിവിടങ്ങളിലായിരുന്നു ലൊക്കേഷൻ. 31ന് കേരളത്തിൽ ഉടനീളം റിലീസ് ചെയ്യുന്നത്‌ സെന്‍റ് മേരിസ് അസോസിയേറ്റ്സ്, ഹിമുക്രി ക്രിയേഷൻസ്, ഗീതം റിലീസ് എന്നിവർ ചേർന്നാണ്. നവംബർ ഏഴിന് യുകെ, യൂറോപ്, യുഎഇ എന്നീ വിദേശരാജ്യങ്ങളും റിലീസ് ചെയ്യുന്നു. പിആർഒ- എം.കെ. ഷെജിൻ.
