മോ​ഷ​ണ​ക്കേ​സി​ൽ പി​ടി​യി​ലാ​യ​ത് ക​ർ​ണാ​ട​ക പോ​ലീ​സ് തി​ര​യു​ന്ന പ്ര​തിയെ; ആ​ൾ​മാ​റാ​ട്ടം ന​ട​ത്തി ത​ട്ടി​യെ​ടു​ത്ത് ല​ക്ഷ​ങ്ങ​ൾ; ഭ​ര​ണ​ക​ക്ഷി​യി​ലെ യു​വ​ജ​ന സം​ഘ​ട​നാ നേ​താ​വി​നും പ​ങ്കെ​ന്ന് സൂ​ച​ന

കൊ​ല്ലം: എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ഉ​ദ്യോ​ഗ​സ്ഥ​നെ​ന്ന വ്യാ​ജേ​ന പ​രി​ശോ​ധ​ന ന​ട​ത്തി ല​ക്ഷ​ങ്ങ​ൾ ക​വ​ർ​ന്ന കേ​സി​ൽ ക​ർ​ണാ​ട​ക പോ​ലീ​സ് അ​ന്വേ​ഷി​ക്കു​ന്ന കൊ​ല്ലം സ്വ​ദേ​ശി പോ​ലീ​സ് ക​സ്റ്റ​ഡി​യി​ൽ നി​ന്ന് ര​ക്ഷ​പ്പെ​ട്ടു. വാ​ഹ​ന​മോ​ഷ​ണ​ക്കേ​സി​ൽ ക​ഴി​ഞ്ഞ ദി​വ​സം കൊ​ല്ല​ത്ത് പി​ടി​യി​ലാ​യ കൊ​ട്ടി​യം സ്വ​ദേ​ശി രാ​ജീ​വ് ഫെ​ർ​ണാ​ണ്ട​സാ​ണ് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്ന് ര​ക്ഷ​പ്പെ​ട്ട​ത്.

ക​ഴി​ഞ്ഞ ദി​വ​സം കൊ​ല്ല​ത്തെ ക​ൺ​ട്രോ​ൾ റൂം ​പോ​ലീ​സ് സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്. പി​ന്നീ​ട് ഇ​യാ​ളെ കൊ​ല്ലം ഈ​സ്റ്റ് പോ​ലീ​സി​ന് കൈ​മാ​റി. ​മോ​ഷ്ടി​ച്ച കാ​ർ കൊ​ല്ലം റെ​യി​ൽ​വേ സ്റ്റേ​ഷ​നു​സ​മീ​പം നോ ​പാ​ർ​ക്കിം​ഗ് മേ​ഖ​ല​യി​ൽ നി​ർ​ത്തി​യ​ശേ​ഷം ഇ​യാ​ൾ മ​റ്റൊ​രു കാ​റി​ൽ ക​യ​റി പോ​യി. ക​ൺ​ട്രോ​ൾ റൂം ​പോ​ലീ​സ് വാ​ഹ​ന ന​മ്പ​ർ​പ്ര​കാ​രം ഉ​ട​മ​യെ ക​ണ്ടെ​ത്തി ഫോ​ണി​ൽ ബ​ന്ധ​പ്പെ​ട്ട​പ്പോ​ഴാ​ണ് ത​ന്‍റെ വാ​ഹ​നം മോ​ഷ​ണം​പോ​യ​താ​യി വ​ട​ക്കാ​ഞ്ചേ​രി സ്വ​ദേ​ശി അ​റി​യി​ച്ച​ത്. ഇ​തു​സം​ബ​ന്ധി​ച്ച് വ​ട​ക്കാ​ഞ്ചേ​രി പോ​ലീ​സി​ൽ പ​രാ​തി ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ശ​നി​യാ​ഴ്ച രാ​ത്രി വാ​ഹ​ന​മെ​ടു​ക്കാ​നെ​ത്തി​യ രാ​ജീ​വി​നെ ക​ൺ​ട്രോ​ൾ റൂം ​പോ​ലീ​സ് പി​ടി​കൂ​ടി കൊ​ല്ലം ഈ​സ്റ്റ് പോ​ലീ​സ് സ്റ്റേ​ഷ​നി​ലെ​ത്തി​ച്ചു. സ്റ്റേ​ഷ​നി​ലെ​ത്തി​യ​പ്പോ​ൾ നെ​ഞ്ചു​വേ​ദ​ന അ​നു​ഭ​വ​പ്പെ​ട്ട പ്ര​തി​യെ ആ​ദ്യം ജി​ല്ലാ ആ​ശു​പ​ത്രി​യി​ലും തു​ട​ർ​ന്ന് തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.

പോ​ലീ​സ് നി​രീ​ക്ഷ​ണ​ത്തി​ൽ ചി​കി​ത്സ​യി​ൽ ക​ഴി​യു​ന്ന പ്ര​തി​യെ വ​ട​ക്കാ​ഞ്ചേ​രി പോ​ലീ​സി​ന് കൈ​മാ​റാ​നിരി​ക്കെ​യാ​ണ് ഇ​ന്ന​ലെ അ​ർ​ധ​രാ​ത്രി​യോ​ടെ ര​ക്ഷ​പ്പെ​ട്ട​ത്. ഇ​ക്കാ​ര്യം കൊ​ല്ല​ത്ത് പോ​ലീ​സ് ര​ഹ​സ്യ​മാ​ക്കി വ​ച്ചി​രി​ക്കുകയാ​ണ്. പ്ര​തി​യെ ക​സ്റ്റ​ഡി​യി​ലെ​ടു​ക്കാ​ൻ ക​ർ​ണാ​ട​ക പോ​ലീ​സ് കേ​ര​ള​ത്തി​ലേ​ക്കു തി​രി​ച്ചി​ട്ടു​ണ്ട്. അ​പ്പോ​ഴാ​ണ് കേ​ര​ളാ പോ​ലീ​സി​നെ വെ​ട്ടി​ച്ച് പ്ര​തി ക​ട​ന്നു​ക​ള​ഞ്ഞ​ത്.

ഇ​ഡി ച​മ​ഞ്ഞ് ത​ട്ടി​പ്പ്
ക​ഴി​ഞ്ഞ ജ​നു​വ​രി മൂ​ന്നി​നാ​ണ് കേ​സി​നാ​സ്പ​ദ​മാ​യ സം​ഭ​വം. ഇ​ഡി ഉ​ദ്യോ​ഗ​സ്ഥ​രാ​ണെ​ന്നു പ​റ​ഞ്ഞ് ര​ണ്ട് കാ​റു​ക​ളി​ലെ​ത്തി​യ ആ​റം​ഗ​സം​ഘം, ക​ർ​ണാ​ട​ക സ്‌​പീ​ക്ക​റു​ടെ ബ​ന്ധു​വാ​യ തീ​പ്പെ​ട്ടി​വ്യ​വ​സാ​യി എം. ​സു​ലൈ​മാ​ന്‍റെ വീ​ട്ടി​ലെ​ത്തി. അ​റ​സ്റ്റ് വാ​റ​ന്‍റു​ണ്ടെ​ന്നു പ​റ​ഞ്ഞ് ബ​ലം​പ്ര​യോ​ഗി​ച്ച് വീ​ട്ടി​ൽ ക​ട​ന്ന് പ​രി​ശോ​ധ​ന ന​ട​ത്തി.

സു​ലൈ​മാ​ന്‍റെ മ​ക​ൻ മു​ഹ​മ്മ​ദ് ഇ​ഖ്ബാ​ൽ മാ​ത്ര​മാ​ണ് വീ​ട്ടി​ലു​ണ്ടാ​യി​രു​ന്ന​ത്. വീ​ട്ടി​ൽ​നി​ന്ന് പ​ണ​വും അ​ഞ്ച് മൊ​ബൈ​ൽ ഫോ​ണും ഇ​വ​ർ കൊ​ണ്ടു​പോ​യി.രേ​ഖ​ക​ളി​ല്ലാ​ത്ത പ​ണ​മാ​ണെ​ന്നും ബം​ഗ​ളൂ​രു​വി​ലെ ഇ​ഡി ഓ​ഫീ​സി​ലെ​ത്തി രേ​ഖ​ക​ൾ ഹാ​ജ​രാ​ക്കാ​നു​മാ​യി​രു​ന്നു നി​ർ​ദേ​ശം.​ത​ട്ടി​പ്പ് മ​ന​സി​ലാ​യ മു​ഹ​മ്മ​ദ് ഇ​ഖ്ബാ​ൽ പോ​ലീ​സി​ൽ പ​രാ​തി ന​ൽ​കി. കാ​റി​നെ പി​ന്തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ക​ർ​ണാ​ട​ക പോ​ലീ​സ് കൊ​ല്ല​ത്തേ​ക്ക് തി​രി​ക്കു​ന്ന​ത്.

ഫെ​ബ്രു​വ​രി മൂ​ന്നി​ന് കൊ​ല്ലം സ്വ​ദേ​ശി​ക​ളാ​യ മൂ​ന്നു​പേ​രെ ക​ർ​ണാ​ട​ക പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​വ​രെ ചോ​ദ്യം​ചെ​യ്ത​തോ​ടെ​യാ​ണ് രാ​ജീ​വ് ഫെ​ർ​ണാ​ണ്ട​സി​ന്‍റെ പ​ങ്ക് വ്യ​ക്ത​മാ​യ​ത്. അ​ന്നു​മു​ത​ൽ ഇ​യാ​ൾ ഒ​ളി​വി​ലാ​യി​രു​ന്നുവെന്നു പോ​ലീ​സ് പ​റ​ഞ്ഞു.അ​ടു​ത്തി​ടെ കൊ​ല്ല​ത്ത് എ​ത്തി​യ രാ​ജീ​വ് ക​വ​ർ​ച്ച ആ​സൂ​ത്ര​ണം ചെ​യ്ത​വ​രു​മാ​യി സം​ഗ​മി​ച്ചി​രു​ന്ന​താ​യി സ്പെ​ഷ​ൽ ബ്രാ​ഞ്ച് പോ​ലീ​സ് സ്ഥി​രീ​ക​രി​ച്ചി​ട്ടു​ണ്ട്. ഭ​ര​ണ​ക​ക്ഷി​യി​ലെ പ്ര​മു​ഖ യു​വ​ജ​ന സം​ഘ​ട​നാ നേ​താ​വി​നും സം​ഘ​വു​മാ​യി ബ​ന്ധ​മു​ണ്ടെ​ന്നും പോ​ലീ​സി​നു വി​വ​രം ല​ഭി​ച്ചി​ട്ടു​ണ്ട്.