വ​ത്തി​ക്കാ​നി​ലെ 5,000 ജീ​വ​ന​ക്കാ​ർ​ക്ക് 500 യൂ​റോ​യു​ടെ ‘കോ​ൺ​ക്ലേ​വ് ബോ​ണ​സ്’

വ​ത്തി​ക്കാ​ൻ സി​റ്റി: വ​ത്തി​ക്കാ​ൻ ജീ​വ​ന​ക്കാ​ർ​ക്ക് 500 യൂ​റോ​യു​ടെ (ഏ​ക​ദേ​ശം 48,255 രൂ​പ) ‘കോ​ൺ​ക്ലേ​വ് ബോ​ണ​സ്’ ന​ൽ​കി ലെ​യോ പ​തി​നാ​ലാ​മ​ൻ മാ​ർ​പാ​പ്പ.

റോ​മ​ൻ കൂ​രി​യ​യി​ലും വ​ത്തി​ക്കാ​ൻ മ്യൂ​സി​യ​ങ്ങ​ൾ, വ​ത്തി​ക്കാ​ൻ ഫാ​ർ​മ​സി, വ​ത്തി​ക്കാ​ൻ ലൈ​ബ്ര​റി, വ​ത്തി​ക്കാ​ൻ മീ​ഡി​യ തു​ട​ങ്ങി​യ സ്ഥാ​പ​ന​ങ്ങ​ളി​ലും ജോ​ലി ചെ​യ്യു​ന്ന ഏ​ക​ദേ​ശം 5,000 ജീ​വ​ന​ക്കാ​ർ​ക്ക് ജൂ​ണി​ലെ ശ​മ്പ​ള​ത്തി​ൽ ഈ ​തു​ക അ​ധി​ക​മാ​യി ല​ഭി​ക്കും.

മാ​ർ​പാ​പ്പ​മാ​ർ പു​തു​താ​യി തെ​ര​ഞ്ഞെ​ടു​ക്ക​പ്പെ​ടു​മ്പോ​ൾ കോ​ൺ​ക്ലേ​വ് ബോ​ണ​സു​ക​ൾ വി​ത​ര​ണം ചെ​യ്യു​ന്ന പ​തി​വു​ണ്ട്. ഒ​രു മാ​ർ​പാ​പ്പ​യു​ടെ മ​ര​ണ​ത്തെ​ത്തു​ട​ർ​ന്നു​ള്ള ആ​ഴ്ച​ക​ളി​ൽ പു​തി​യ ഒ​രാ​ളെ തെ​ര​ഞ്ഞെ​ടു​ക്കു​ന്ന​തു​വ​രെ പ​ല​പ്പോ​ഴും കൂ​ടു​ത​ൽ സ​മ​യം ജോ​ലി ചെ​യ്ത ജീ​വ​ന​ക്കാ​രോ​ടു​ള്ള ന​ന്ദി​പ്ര​ക​ട​ന​മാ​യി​ട്ടാ​ണ് ഇ​തി​നെ കാ​ണു​ന്ന​ത്. ലെ​യോ മാ​ർ​പാ​പ്പ ന​ൽ​കു​ന്ന ഈ ​ബോ​ണ​സ് വ​ത്തി​ക്കാ​നി​ലെ വ​സ്ത്ര​ശാ​ല​ക​ൾ, ഗ്യാ​സ് സ്റ്റേ​ഷ​നു​ക​ൾ, പോ​സ്റ്റ് ഓ​ഫീ​സ് എ​ന്നി​വ​യി​ൽ ജോ​ലി ചെ​യ്യു​ന്ന​വ​ർ​ക്കും ല​ഭ്യ​മാ​കും.

2013ൽ ​ഫ്രാ​ൻ​സി​സ് മാ​ർ​പാ​പ്പ തെ​ര​ഞ്ഞെ​ടു​ക്ക​പ്പെ​ട്ട​പ്പോ​ൾ പാ​ര​മ്പ​ര്യ​മാ​യി ന​ൽ​കി​വ​ന്നി​രു​ന്ന ‘കോ​ൺ​ക്ലേ​വ് ബോ​ണ​സ്’ താ​ത്കാ​ലി​ക​മാ​യി നി​ർ​ത്തി​വ​ച്ചി​രു​ന്നു. പ​ക​രം, കൂ​ടു​ത​ൽ ആ​വ​ശ്യ​മു​ള്ള പേ​പ്പ​ൽ ചാ​രി​റ്റി​ക​ൾ​ക്കും ക്ഷേ​മ​സ്ഥാ​പ​ന​ങ്ങ​ൾ​ക്കും ആ ​പ​ണം ന​ൽ​കു​വാ​ൻ ഫ്രാ​ൻ​സി​സ് മാ​ർ​പാ​പ്പ തീ​രു​മാ​നി​ച്ചു.

ബെ​ന​ഡി​ക്‌​ട് പ​തി​നാ​റാ​മ​ൻ മാ​ർ​പാ​പ്പ ജീ​വി​ച്ചി​രു​ന്ന കാ​ല​ത്താ​യി​രു​ന്നു ഫ്രാ​ന്‍​സി​സ് മാ​ർ​പാ​പ്പ തെ​ര​ഞ്ഞെ​ടു​ക്ക​പ്പെ​ട്ട​തെ​ന്ന വ​സ്തു​ത അ​ന്നു വ​ത്തി​ക്കാ​ന്‍ വ​ക്താ​വ് ചൂ​ണ്ടി​ക്കാ​ട്ടി​യി​രു​ന്നു.

2005ൽ ​ജോ​ൺ പോ​ൾ ര​ണ്ടാ​മ​ൻ മാ​ർ​പാ​പ്പ​യു​ടെ മ​ര​ണ​ശേ​ഷം അ​ധി​ക ജോ​ലി​ക​ൾ​ക്ക് ബെ​ന​ഡി​ക്‌​ട് പ​തി​നാ​ലാ​മ​ൻ മാ​ർ​പാ​പ്പ തെ​ര​ഞ്ഞെ​ടു​ക്ക​പ്പെ​ട്ട​പ്പോ​ള്‍ വ​ത്തി​ക്കാ​ൻ ജീ​വ​ന​ക്കാ​ർ​ക്ക് 1,000 യൂ​റോ​യു​ടെ കോ​ൺ​ക്ലേ​വ് ബോ​ണ​സ് അ​നു​വ​ദി​ച്ചി​രു​ന്നു.