യുഎസിലെ വാൾ സ്ട്രീറ്റ് നഗരം കഴിഞ്ഞ ദിവസം ഇന്ത്യക്കാരാല്‍ നിശ്ചലമാക്കപ്പെട്ടു. ഒരു വിവാഹ പാര്‍ട്ടി കടന്ന് പോയതോടെയാണ് വാൾ സ്ട്രീറ്റ് നഗരം അൽപ സമയത്തേക്ക് നിശ്ചലമായത്.
ഇന്ത്യന്‍ വിവാഹ വസ്ത്രങ്ങൾ ധരിച്ചെത്തിയ നാനൂറോളം പേരാണ് വിവാഹാഘോഷത്തിന്‍റെ ഭാഗമായി തെരുവിലൂടെ പാട്ടും നൃത്തവുമായി കടന്ന് പോയത്. ഇവര്ക്കൊപ്പം വധൂ വരൻമാർ ഒത്ത് ചേര്‍ന്നതോടെ ആഘോഷം പൊടി പൂരമാക്കിയെന്നാണ് പുറത്ത് വരുന്ന റിപ്പോർട്ടുകൾ.
‘എത്ര അസ്വാഭാവികമായ ഒരു ഉച്ച സമയം. ബറാത്തിന് വേണ്ടി വാൾ സ്ട്രീറ്റ് അടച്ചു. എല്ലാവരുമൊത്തുള്ള നൃത്തം അവരുടെ മഹത്വം കാണിക്കുന്നതായിരുന്നു.’ എന്ന കുറിപ്പോടെയാണ് ഇതിന്‍റെ വീഡിയോ ദേവര്‍ഷി ഷാ എന്ന ഇന്‍സ്റ്റാഗ്രാം ഹാന്‍ഡിലില്‍ കുറിച്ചത്. വീഡിയോ വൈറലായതിന് പിന്നാലെ നിരവധി ആളുകളാണ് കമന്‍റുമായി എത്തിയത്.
ആഘോഷം കണ്ടു നിന്നവർ പോലും നൃത്തം ചെയ്തെന്നാണ് പലരും കമന്‍റ് ചെയ്തത്. ഇത്രയും ചടങ്ങിന് എത്ര രൂപ ചിലവ് വരുമെന്നാണ് മറ്റ് ചിലരുടെ സംശയം. വീഡിയോ കാണാൻ ഇവിടെ ക്ലിക് ചെയ്യുക.
