നെടുമങ്ങാട് : നിരവധി മോഷണ കേസുകളില്‍ പ്രതികളായ രണ്ടുപേര്‍ അറസ്റ്റിൽ. വട്ടിയൂര്‍ക്കാവ് വില്ലേജില്‍ തൊഴുവന്കോട് വട്ടവിള പുത്തന്‍ വീട്ടില്‍ സുനില്‍ കുമാര്‍ (33) , കരകുളം വില്ലേജില്‍ നെടുംപാറ കുന്നില്‍ വീട്ടില്‍ ഉണ്ണിക്കുട്ടൻ (വിഷ്ണു 18)എന്നിവരാണ് അറസ്റ്റിലായത്. കുടപ്പനക്കുന്നില്‍ വീട് വാടകക്കെടുത്തു താമസിച്ചായിരുന്നു ഇരുവരുടെയും മോഷണം.നെടുമങ്ങാട് പോലീസാണ് ഇവരെ അറസ്റ്റു ചെയ്തത്.
റോഡില്‍ പാര്‍ക്കു ചെയ്തിരിക്കുന്ന വാഹനങ്ങളിലെ പാര്‍ട്സുകളാണ് ഇവര്‍ കൂടുതലായും മോഷ്ടിക്കുന്നത്. റോഡ് സൈഡിൽ രാത്രി സമയം പാർക്ക് ചെയ്തിരുന്ന ആട്ടോറിക്ഷക്കകത്തു നിന്നും ബാസ് റ്റ്യൂബ് മോഷണം ചെയ്തെടുത്ത കോസിലാണ് ഇരുവരും പിടിയിലായത്.
നെടുമങ്ങാട് ഡി വൈ എസ് പി സ്റ്റുവര്‍ട് കീലർ, നെടുമങ്ങാട് പോലീസ് ഇന്‍സ്പെക്ടര്‍ വി രാജേഷ് കുമാര്‍,സബ് ഇന്‍സ്പെക്ടര്‍മാരായ സുനില്‍ ഗോപി, അബ്ദുല്‍ ഖാദര്‍, വേണു,ജി എസ് സി പി ഒ ബിജു എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ റിമാന്‍ഡ് ചെയ്തു
