പാരീസ്: ഈസ്റ്റര്‍ ദിനത്തില്‍ തെക്കന്‍ ഫ്രാന്‍സില്‍ തയാറാക്കിയ ഓംലറ്റിന് ഉപയോഗിച്ചത് വെറും 15,000 മുട്ടകള്‍. ബെസിയേഴ്‌സ് പട്ടണത്തിലെ ജയന്റ് ഓംലറ്റ് കൂട്ടായ്മയുടെ നേതൃത്വത്തിലാണ് ഈ കൂറ്റന്‍ ഓംലറ്റ് പൊരിച്ചത്.
പട്ടണത്തിലെ പ്രധാന കവലയില്‍ ഓംലറ്റ് നിര്‍മാണം വീക്ഷിക്കാന്‍ പതിനായിരത്തോളം പേര്‍ തടിച്ചുകൂടി. വലിയ പാത്രം അടുപ്പത്തുവച്ചശേഷം കൂട്ടായ്മയിലെ അംഗങ്ങള്‍ മുട്ടപൊട്ടിച്ച് പാത്രത്തിലേക്ക് ഒഴിച്ചു. മുട്ടയും മറ്റു ചേരുവകളും ചേര്‍ന്ന മിശ്രിതം ഇളക്കാന്‍ നീളമുള്ള പ്രത്യേക വടികളാണുപയോഗിച്ചത്.
