തിരുവനന്തപുരം: സംസ്ഥാനത്തെ 12 ജില്ലാ കളക്ടര്‍മാരക്കം 19 ഐഎഎസ് ഉദ്യോഗസ്ഥരെ സ്ഥലംമാറ്റി. മലപ്പുറം ജില്ലാ കളക്ടറായിരുന്ന എസ്. വെങ്കിടേശപതിയെ തിരുവനന്തപുരം ജില്ലാ കളക്ടറായി നിയമിച്ചു. തിരുവനന്തപുരം കളക്ടറായിരുന്ന ബിജു പ്രഭാകറിനെ കൃഷി ഡയറക്ടറായി നിയമിച്ചു. പത്തനംതിട്ട ജില്ലാ കളക്ടറായിരുന്ന എസ്. ഹരികിഷോറിനെ കുടുംബശ്രീ എക്‌സിക്യൂട്ടീവ് ഡയറക്ടറായി നിയമിച്ചു. പത്തനംതിട്ട കളക്ടറായി ആര്‍. ഗിരിജയെ നിയമിച്ചു.
എറണാകുളം ജില്ലാ കളക്ടറായിരുന്ന എം.ജി. രാജമാണിക്യത്തിനെ കേരള ഫിനാന്‍ഷല്‍ കോര്‍പറേഷന്‍ മാനേജിംഗ് ഡയറക്ടറായി നിയമിച്ചു. എക്‌സൈസ് അഡീഷണല്‍ കമ്മീഷണറുടെ ചുമതലയും രാജമാണിക്യത്തിനുണ്ടാകും. എറണാകുളം കളക്ടറായി കെ. മുഹമ്മദ് വൈ. സഫീറുള്ളയെ നിയമിച്ചു. മറ്റു ജില്ലാ കളക്ടര്‍മാര്‍: ടി. മിത്ര -കൊല്ലം, വീണാ മാധവന്‍-ആലപ്പുഴ, സി.എ. ലത-കോട്ടയം, ജി.ആര്‍. ഗോകുല്‍- ഇടുക്കി, എ. കൗശിഗന്‍ -തൃശൂര്‍, എ. ഷൈനാ മോള്‍-മലപ്പുറം, ബി.എസ്. തിരുമേനി-വയനാട്, മിര്‍ മുഹമ്മദ് അലി-കണ്ണൂര്‍, ജീവന്‍ ബാബു-കാസര്‍ഗോഡ്.
പഞ്ചായത്ത് ഡയറക്ടറായി വി. രതീശനെ നിയമിച്ചു. എംഎന്‍ആര്‍ഇജിഎസ് മിഷന്‍ ഡയറക്ടറുടെ ചുമതല കൂടി ഇദ്ദേഹത്തിനുണ്ടാകും. ഭക്ഷ്യ സുരക്ഷാ കമ്മീഷണറായി കേശവേന്ദ്ര കുമാറിനെ നിയമിച്ചു. നാഷണല്‍ ഹെല്‍ത്ത് മിഷന്‍ ഡയറക്ടര്‍, സാമൂഹിക നീതി ഡയറക്ടര്‍ എന്നീ ചുമതലകള്‍ കൂടി ഉണ്ടാകും. ഐടി മിഷന്‍ ഡയറക്ടറായി പി. ബാലകിരണിനെ നിയമിച്ചു. സര്‍വേ ആന്‍ഡ് ലാന്‍ഡ് റിക്കോര്‍ഡ്‌സ് ഡയറക്ടറായി ഇ. ദേവദാസനെയും നിയമിച്ചു. രജിസ്‌ട്രേഷന്‍ ഐജിയുടെ ചുമതല കൂടി ദേവദാസിനുണ്ടാകും.
