രാജ്യത്തിന് വേണ്ടത് നല്ലൊരു പ്രധാനമന്ത്രിയാണ് അല്ലാതെ കാവൽക്കാരനെയല്ലെന്ന ചാനൽ ഷോയിലുള്ള യുവാവിന്‍റെ വാക്കുകൾ സോഷ്യൽ മീഡിയയിൽ വൈറലാകുന്നു. ആജ് തക്കിന്‍റെ ഷോയിക്കിടെയായിരുന്നു യുവാവിന്‍റെ പ്രതികരണം.
യുവാവിന്‍റെ വാക്കുകൾ ഇങ്ങനെ- ഒരു സമയം നിങ്ങൾ യുവാക്കളോട് പക്കവട ഉണ്ടാക്കാൻ പറയുന്നു. ചില സമയത്ത് കാവൽക്കാരെ കുറിച്ച് പറയുന്നു. കാവൽക്കാരെ ഞങ്ങൾക്ക് നേപ്പാളിൽ നിന്ന് കിട്ടും. രാജ്യത്തിന് വേണ്ടത് നല്ലൊരു പ്രധാനമന്ത്രിയാണ്,അല്ലാതെ കാവൽക്കാരനല്ല.
2014 ന് മുൻപ് ഇന്ത്യ പാന്പാട്ടികളുടെ നാടായിരുന്നു എന്നാണ് മോദി പറഞ്ഞത്. എന്നാൽ പ്രധാനമന്ത്രി ജനിച്ച സമയത്ത് ഇന്ത്യയിൽ ശാസ്ത്ര വിദ്യാഭ്യാസത്തിനായി ഹോമി ബാബ സെൻറർ ഫോർ സയൻസ് എജ്യുക്കേഷൻ ഉണ്ടാക്കിയിട്ടുണ്ട്.
അദ്ദേഹം ഗില്ലി ദണ്ട (ഒരുതരം കളി) കളിക്കുന്ന സമയത്ത് ഇവിടെ ഭക്രാനംഗൽ അണക്കെട്ട് ഉണ്ടാക്കിയിട്ടുണ്ട്. കോണ്ഗ്രസ് രാജ്യത്തിന് വേണ്ടി ഒന്നും ചെയ്തില്ലെന്ന് പറയുന്നത് മോദി അവസാനിപ്പിക്കണം.- യുവാവ് രോക്ഷത്തോടെ പറഞ്ഞു. യുവാവിന്‍റെ പേരോ മറ്റ് വിവരങ്ങളോ ലഭ്യമല്ല.
