രാജ്യം ലോക്ക്ഡൗണ് പ്രഖ്യാപിച്ചതിന് പിന്നാലെ രസകരമായ ഷോയുമായി രംഗത്ത് എത്തിയിരിക്കുകയാണ് ബോളിവുഡ് സുന്ദരി സണ്ണി ലിയോണ്. ലോക്ക്ഡൗണിൽ കഴിയുന്ന സെലിബ്രിറ്റികളുമായി വീഡിയോ കോളിലൂടെ സണ്ണി സംസാരിക്കുകയാണ്.
അവരുമായി രസകരമായ ടാസ്കിൽ ഏർപ്പെടുകയും ചെയ്യും. ലോക്ക് വിത്ത് സണ്ണി എന്ന് പേരിട്ടിരിക്കുന്ന ഷോയ്ക്ക് മികച്ച പ്രതികരണമാണ് ലഭിക്കുന്നത്.
നടി മന്ദന കരീമുമായി വ്യത്യസ്തമായ ചലഞ്ച് നടത്തിയിരിക്കുകയാണ് സണ്ണി ലിയോണ്. സോഷ്യൽ മീഡിയയിൽ ഹിറ്റായ ടീ ഷർട്ട് ചലഞ്ചാണ് ഇരുവരും ചേർന്ന് നടത്തിയത്.
തലകുത്തി നിന്ന് ടീഷർട്ട് ധരിക്കുന്നതാണ് ചലഞ്ച്. ഇരുവരും രസകരമായി പൂർത്തിയാക്കിയിരിക്കുകയാണ് ചലഞ്ച്. വീട്ടിലിരുന്ന് സമയം ചെലവഴിക്കുന്നത് എങ്ങനെയാണെന്നും ജിമ്മിൽ പോകാതെ എക്സസൈസ് ചെയ്യുന്നത് എങ്ങനെയെന്നുമെല്ലാം സണ്ണിയോട് മന്ദന പറഞ്ഞുകൊടുക്കുന്നുണ്ട്.
എല്ലാ ദിവസവും ഉച്ച കഴിഞ്ഞാണ് ഏതെങ്കിലും താരത്തിനൊപ്പം സണ്ണി എത്തുന്നത്. രസകരമായ വിഡിയോ ഇതിനോടകം ആരാധകർ ഏറ്റെടുത്തു കഴിഞ്ഞു. കൂടാതെ ഫേസ്ബുക്ക് ലൈവിൽ വിശേഷങ്ങൾ പങ്കുവയ്ക്കാനും താരം എത്തുന്നുണ്ട്.
