കേരളാ പോലീസ് ഫേസ്ബുക്കിൽ പോസ്റ്റ് ചെയ്ത പുതിയ വീഡിയോ വൈറലാകുന്നു.
‘തെറ്റ് ചെയ്യാത്തവർ പേടിക്കേണ്ടതില്ല ഗോപൂ’ എന്ന തലക്കെട്ടോടെയാണ് വീഡിയോ പങ്കുവച്ചിരിക്കുന്നത്.
മൂന്ന് പേർ ഒരു ബൈക്കിൽ മാസ്കും ഹെൽമെറ്റും ഇല്ലാതെ പോകുന്നതാണ് വീഡിയോയുടെ തുടക്കത്തിൽ കാണുന്നത്.
പെട്ടെന്ന് ഇവർ ബൈക്ക് തിരിച്ച് മുന്നായി ചിതറിപോകുന്നു. ബൈക്ക് ഓടിച്ചയാൾ ബൈക്കിൽ തന്നെ പോയി.
രണ്ടാമത്തെയാൾ കുറച്ച് മുന്നോട്ട് വന്ന ശേഷം ഓടിപ്പോകുന്നു. മൂന്നാമത്തെയാൾ പതിയെ നടന്നിട്ട് മാസ്ക് മുഖത്ത് വയ്ക്കുന്നു.
തൊട്ടുപിന്നാലെ പോലീസിന്‍റെ വാഹനം മൂന്നാമന്‍റെ അടുത്ത് നിർത്തുന്നിടത്ത് വീഡിയോ അവസാനിക്കുന്നു.
35 സെക്കന്‍റ് മാത്രമുള്ള സിസിടിവി ദൃശ്യമാണിത്. വീഡിയോയ്ക്ക് രസകരമായ കമന്‍റുകളാണ് ലഭിക്കുന്നത്.
