നടനും രാഷ്ട്രീയ പ്രവർത്തകനുമായ കൃഷ്ണകുമാറും കുടുംബവും പ്രധാനമന്ത്രി നരേന്ദ്ര മോദിയെ സന്ദർശിച്ചതിനു പിന്നാലെ ദിയയുടെ മകൻ ഓമിയുമൊത്തുള്ള ചിത്രം പങ്കുവച്ച് മോദി. “ഇന്നലെ 7 ലോക് കല്യാൺ മാർഗിലെത്തിയ ഒരു യുവ സുഹൃത്തിനൊപ്പം” എന്ന അടിക്കുറിപ്പോടെയാണ് മോദി ഓമിയെ ഓമനിക്കുന്ന ചിത്രം പങ്കുവച്ചത്.
അതിനു പിന്നാലെ അഹാന കൃഷ്ണ, ഇഷാനി, ദിയ കൃഷ്ണ, സിന്ധു കൃഷ്ണ, അശ്വിൻ ഗണേഷ് എന്നിവരെല്ലാം അദ്ദേഹത്തിന്റെ പോസ്റ്റിന് കമന്റ് ചെയ്തു. തങ്ങളുടെ കുടുംബത്തിന് ലഭിച്ച ഈ വലിയ അംഗീകാരത്തിലും കുഞ്ഞു ഓമിയോടുള്ള പ്രധാനമന്ത്രിയുടെ വാത്സല്യത്തിലും നന്ദി പ്രകടിപ്പിച്ചു.
