ബസിലും ട്രെയിനിലുമൊക്കെ സഞ്ചരിക്കുന്പോൾ സ്ത്രീകൾ ധാരാളം ബുദ്ധിമുട്ടുകൾ നേരിടേണ്ടി വരുന്ന കാര്യം മിക്കപ്പോഴും ചർച്ച ആകുന്ന ഒന്നാണ്. പല വാർത്തകളും ഇതോട് അനുബന്ധിച്ച് പുറത്ത് വരാറുമുണ്ട്. ഇത്രയൊക്കെ വാർത്തകൾ പുറത്ത് വന്നിട്ടും പിന്നെയും സ്ത്രീകൾക്ക് നേരെയുള്ള അതിക്രമങ്ങൾ കൂടുന്നതല്ലാതെ കുറയുന്നില്ല. അത് തെളിയിക്കുന്നൊരു വീഡിയോ ആണ് സോഷ്യൽ മീഡിയയിൽ ഇപ്പോൾ വൈറലാകുന്നത്.
ട്രെയിൻ യാത്രയിൽ മധ്യവയസ്കനായ ഒരാൾ സമീപത്ത് ഇരിക്കുന്ന സ്ത്രീയോട് അശ്ലീല ആംഗ്യം കാണിക്കുന്നതാണ് വീഡിയോ. ‘അയാളുടെ പെരുമാറ്റത്തിൽ അസ്വസ്ഥയായ പെൺകുട്ടി അയാളെ സമൂഹത്തിനു മുൻപിൽ കാണിക്കുന്നതിനായി വീഡിയോ റിക്കാർഡ് ചെയ്തു,’ എന്ന കുറിപ്പോടെയാണ് വീഡിയോ പങ്കുവച്ചത്. ഒരു റിസർവേഷൻ കമ്പാർട്ടമെന്റിലാണ് സംഭവം നടന്നത്.
വീഡിയോ വൈറലായതോടെ നിരവധി ആളുകളാണ് കമന്റുമായി എത്തിയത്. സ്ത്രീകളെ എവിടെ ആയിരുന്നാലും നിങ്ങൾ സുരക്ഷിതരായിരിക്കുവാൻ സ്വയം ശ്രമിക്കുക. യാത്രാ വേളയിൽ യാത്രയുടെ എല്ലാ വിവരങ്ങളും കുടംബാംഗങ്ങളോടോ സുഹൃത്തുക്കളോടോ പരിചയക്കാരോടോ പങ്കുവയ്ക്കുക എന്നാണ് പലരും കമന്റ് ചെയ്തത്. വീട്ടിൽ പെണ്ണുങ്ങളൊന്നുമില്ലേ എന്നും ആളുകൾ വീഡിയോയുടെ താഴെ വന്ന് ചോദിച്ചു.
