ബെർലിൻ: ജർമനിയിൽ ചെറിയ സ്വകാര്യ വിമാനം വീടിന്റെ മേൽക്കൂരയിലേയ്ക്ക് തകർന്നുവീണ് രണ്ടുപേർ മരിച്ചു. വടക്കുപടിഞ്ഞാറൻ ജർമനിയിലെ ഗാണ്ടർകീസി എന്ന സ്ഥലത്ത് ശനിയാഴ്ചയായിരുന്നു അപകടം.
ബ്രെമെൻ സ്വദേശികളായ 65-ഉം 77-ഉം വയസുള്ള രണ്ടുപേരാണ് വിമാനത്തിലുണ്ടായിരുന്നത്. ആദ്യം ഒരാൾ മരിച്ചതായും മറ്റൊരാളെ കാണാതായെന്നുമായിരുന്നു പോലീസ് അറിയിച്ചിരുന്നത്.
എന്നാൽ പിന്നീട് നടത്തിയ പരിശോധനയിൽ ഇരുവരും മരിച്ചതായി ഡെൽമെൻഹോർസ്റ്റ് പോലീസ് സ്ഥിരീകരിച്ചു. മേൽക്കൂരയിൽ ഇടിച്ചുകയറിയ വിമാനാവശിഷ്ടങ്ങൾ എടുത്തുമാറ്റുകയും, സുരക്ഷ മുൻനിർത്തി ഒഴിപ്പിച്ചിരുന്ന പ്രദേശവാസികളെ വീടുകളിലേക്ക് തിരിച്ചെത്താൻ അനുവദിക്കുകയും ചെയ്തു. അപകടകാരണത്തെക്കുറിച്ച് സർക്കാർ അന്വേഷണം ആരംഭിച്ചിട്ടുണ്ട്.
