Set us Home Page

മൈ​ന​യാ​കാ​ൻ ക​ഴി​യാ​തെ പോ​യ​തി​ൽ സ​ങ്ക​ടം! സി​നി​മ ഒ​ഴി​വാ​ക്കി​യ​തി​ന് പി​ന്നി​ലെ കാ​ര​ണ​ത്തെ​ക്കു​റി​ച്ച് തുറന്നുപറഞ്ഞ് അനുശ്രീ

പ്രേ​ക്ഷ​ക​രു​ടെ പ്രി​യ​പ്പെ​ട്ട താ​ര​ങ്ങ​ളി​ലൊ​രാ​ളാ​ണ് അ​നു​ശ്രീ. മു​ന്പ് ത​ന്നെ​ത്തേ​ടി​യെ​ത്തി​യ ഒ​രു സി​നി​മ വേ​ണ്ടെ​ന്ന് വ​ച്ച​തി​നെ​ക്കു​റി​ച്ചു​ള്ള തു​റ​ന്നു​പ​റ​ച്ചി​ലു​മാ​യി എ​ത്തി​യി​രി​ക്കു​ക​യാ​ണ് താ​രം ഇ​പ്പോ​ൾ. ഒ​രു ടെ​ലി​വി​ഷ​ൻ പ​രി​പാ​ടി​ക്കി​ടെ​യാ​ണ് ന​ടി ഇ​തേ​ക്കു​റി​ച്ച് വ്യ​ക്ത​മാ​ക്കി​യ​ത്.

സി​നി​മാ​ലോ​ക​വും പ്രേ​ക്ഷ​ക​രും ഒ​രു​പോ​ലെ കൈ​നീ​ട്ടി സ്വീ​ക​രി​ച്ച സി​നി​മ​യാ​യി​രു​ന്നു പു​ലി​മു​രു​ക​ൻ. വൈ​ശാ​ഖ് സം​വി​ധാ​നം ചെ​യ്ത ചി​ത്ര​ത്തി​ന് ഉ​ദ​യ് കൃ​ഷ്ണ​യാ​യി​രു​ന്നു തി​ര​ക്ക​ഥ​യൊ​രു​ക്കി​യ​ത്. മ​ല​യാ​ള സി​നി​മ​യെ ആ​ദ്യ​മാ​യി 100 കോ​ടി ക്ല​ബി​ലേ​ക്കെ​ത്തി​ച്ചു​വെ​ന്ന നേ​ട്ട​വും ഈ ​ചി​ത്ര​ത്തി​ന് സ്വ​ന്ത​മാ​ണ്.

ടോ​മി​ച്ച​ൻ മു​ള​കു​പാ​ടം നി​ർ​മ്മി​ച്ച ചി​ത്ര​ത്തി​ൽ മൈ​ന എ​ന്ന ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്ന​തി​നാ​യി സം​വി​ധാ​യ​ക​ൻ ആ​ദ്യം സ​മീ​പി​ച്ചി​രു​ന്ന​ത് അ​നു​ശ്രീ​യെ​യാ​യി​രു​ന്നു. എ​ന്നാ​ൽ താ​ര​ത്തി​ന് ആ ​ക​ഥാ​പാ​ത്ര​ത്തെ സ്വീ​ക​രി​ക്കാ​ൻ ക​ഴി​യാ​തെ വ​രി​ക​യാ​യി​രു​ന്നു.

അ​തേ​ക്കു​റി​ച്ചാ​യി​രു​ന്നു താ​രം ക​ഴി​ഞ്ഞ ദി​വ​സം തു​റ​ന്നു​പ​റ​ഞ്ഞ​ത്. സി​നി​മ ഒ​ഴി​വാ​ക്കി​യ​തി​ന് പി​ന്നി​ലെ കാ​ര​ണ​ത്തെ​ക്കു​റി​ച്ചും അ​നു​ശ്രീ തു​റ​ന്നു​പ​റ​ഞ്ഞി​രു​ന്നു. ഒ​രു ശ​സ്ത്ര​ക്രി​യ ക​ഴി​ഞ്ഞ് വി​ശ്ര​മി​ക്കു​ന്ന സ​മ​യം ആ​യി​രു​ന്നു അ​ത്. ഉ​യ​ര​ത്തി​ൽ നി​ന്നു ചാ​ടേ​ണ്ട സീ​നൊ​ക്കെ​യു​ണ്ടെ​ന്ന് അ​റി​ഞ്ഞ​തോ​ടെ​യാ​ണ് ആ ​സി​നി​മ വേ​ണ്ടെ​ന്ന് വ​ച്ച​ത്.

എ​ന്നാ​ൽ ഒ​രു​പാ​ട് നാ​ളു​ക​ൾ ക​ഴി​ഞ്ഞാ​ണ് സി​നി​മ​യു​ടെ ഷൂ​ട്ടിം​ഗ് പൂ​ർ​ത്തി​യാ​യ​ത്. ഇ​തേ​ക്കു​റി​ച്ച് അ​റി​ഞ്ഞ​പ്പോ​ൾ ഇ​ത്ര​യു​മ​ധി​കം സ​മ​യം എ​ടു​ക്കു​മെ​ന്ന് അ​റി​ഞ്ഞി​രു​ന്നു​വെ​ങ്കി​ൽ ഞാ​ൻ ത​ന്നെ ചെ​യ്യു​മാ​യി​രു​ന്നു​വെ​ന്ന് വൈ​ശാ​ഖേ​ട്ട​നോ​ട് പ​റ​ഞ്ഞി​രു​ന്നു. ഓ​രോ അ​രി​മ​ണി​യി​ലും പേ​ര് എ​ഴു​തി​യി​ട്ടു​ണ്ട​ല്ലോ, ക​മാ​ലി​നി മു​ഖ​ർ​ജി​യു​ടെ പേ​രാ​യി​രു​ന്നു അ​തി​ൽ എ​ഴു​തി​യ​ത്.

റി​ലീ​സാ​യ അ​ന്നു ത​ന്നെ പു​ലി​മു​ക​ണ്ടി​രു​ന്നു. എ​നി​ക്ക് പ​റ​ഞ്ഞുവ​ച്ച ക​ഥാ​പാ​ത്ര​ത്തി​ന്‍റെ കാ​ര്യ​ത്തെ​ക്കു​റി​ച്ച് അ​റി​യ​ണ​മാ​യി​രു​ന്നു. വെ​ള്ള​ച്ചാ​ട്ട​ത്തി​ൽ ചാ​ടു​ന്ന​തും പോ​ലീ​സ് ഓ​ഫീ​സ​റു​മാ​യു​ള്ള ഫൈ​റ്റു​​മൊ​ക്കെ ഉ​ള്ള​തു​കൊ​ണ്ടാ​ണ് താ​ൻ സി​നി​മ ഒ​ഴി​വാ​ക്കി​യ​ത്. ആ ​സി​നി​മ ആ​ദ്യ​കാ​ഴ്ച​യി​ൽ ആ​സ്വ​ദി​ക്കാ​ൻ ക​ഴി​ഞ്ഞി​രു​ന്നി​ല്ല. അ​രു​വി​യി​ൽ വ​ച്ച് പു​ലി​മു​രു​ക​നെ എ​ലി​മു​രു​ക​ൻ എ​ന്നൊ​ക്കെ വി​ളി​ക്കു​ന്നു​ണ്ടല്ലോ. ഇ​തൊ​ക്കെ താ​നും പ​റ​ഞ്ഞ് നോ​ക്കി​യി​ട്ടു​ണ്ട്.

എ​നി​ക്കി​ഷ്ട​പ്പെ​ട്ട കാ​ര്യ​ങ്ങ​ളെ​ല്ലാം ക​ണ്ണാ​ടി​ക്ക് മു​ന്നി​ൽ വ​ച്ച് പെ​ർ​ഫോം ചെ​യ്ത് നോ​ക്കും. ആ ​ഡ​യ​ലോ​ഗ് ഞാ​ൻ പ​റ​യേ​ണ്ട​താ​യി​രു​ന്നി​ല്ലേ എ​ന്ന് ചി​ന്തി​ച്ചി​ട്ടു​ണ്ട്. ഒ​ഴി​വാ​ക്കേ​ണ്ടി വ​ന്ന​ത് ആ​രോ​ഗ്യ​പ്ര​ശ്ന​ങ്ങ​ൾ കാ​ര​ണ​മ​ല്ലേ എ​ന്നും ഓ​ർ​ക്കാ​റു​ണ്ട്. സി​നി​മ​യു​ടെ ര​ണ്ടാം ഭാ​ഗം ഒ​രു​ക്കി​യാ​ൽ എ​ന്നെ വി​ളി​ക്ക​ണ​മെ​ന്ന് വൈ​ശാ​ഖേ​ട്ട​നോ​ട് പ​റ​ഞ്ഞി​ട്ടു​ണ്ടെ​ന്നും അ​നു​ശ്രീ പ​റ​ഞ്ഞു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS