തു​റി​ച്ചു​നോ​ക്കിയെന്ന്! സെ​ക്യൂ​രി​റ്റി ജീ​വ​ന​ക്കാ​ര​നെ ത​ല്ലി​യ യു​വ​തി​ക്കെ​തി​രേ കേ​സെ​ടു​ത്തു; യുവതിയുടെ വിശദീകരണം പൊളിച്ചടുക്കി സിസിടിവി

ആ​ലു​വ: സ്വ​കാ​ര്യ ആ​ശു​പ​ത്രി​യി​ലെ സെ​ക്യൂ​രി​റ്റി ജീ​വ​ന​ക്കാ​ര​ന്‍റെ ക​വി​ള​ത്ത് അ​ടി​ച്ച സം​ഭ​വ​ത്തി​ല്‍ യു​വ​തി​ക്കെ​തി​രേ ആ​ലു​വ പോ​ലീ​സ് കേ​സെ​ടു​ത്തു. ക​ള​മ​ശേ​രി കു​സാ​റ്റ് അ​ന​ന്യ കോ​ള​ജ് ഹോ​സ്റ്റ​ല്‍ വാ​ര്‍​ഡ​നാ​യി ജോ​ലി​നോ​ക്കു​ന്ന ക​ണ്ണൂ​ര്‍ സ്വ​ദേ​ശി​നി ആ​ര്യ(34) ക്കെ​തി​രേ​യാ​ണ് കേ​സെ​ടു​ത്ത​ത്. ആ​ശു​പ​ത്രി അ​ധി​കൃ​ത​രും സെ​ക്യൂ​രി​റ്റി ജീ​വ​ന​ക്കാ​ര​ന്‍റെ ഏ​ജ​ന്‍​സി​യും ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ക​ഴി​ഞ്ഞ ഒ​ന്നി​നാ​ണ് സെ​ക്യൂ​രി​റ്റി​യാ​യ ആ​ല​പ്പു​ഴ സ്വ​ദേ​ശി റി​ങ്കു(26)​വി​നെ യു​വ​തി മ​ര്‍​ദി​ച്ച​ത്. ആ​ശു​പ​ത്രി​യി​ലെ​ത്തി​യ രോ​ഗി​ക്ക് കൂ​ട്ടു​വ​ന്ന​താ​യി​രു​ന്നു യു​വ​തി. ഇ​വ​രെ​ത്തി​യ സ്കൂ​ട്ട​ർ വ​ലി​യ വാ​ഹ​ന​ങ്ങ​ൾ​ക്ക് പാ​ർ​ക്ക് ചെ​യ്യാ​ൻ അ​സൗ​ക​ര്യ​മു​ള്ള​തി​നാ​ൽ മാ​റ്റി​വ​യ്പി​ച്ചി​രു​ന്നു.

പി​ന്നീ​ടു സ്കൂ​ട്ട​ർ എ​ടു​ക്കാ​നെ​ത്തി​യ​പ്പോ​ഴേ​ക്കും നി​ര​വ​ധി ഇ​രു​ച​ക്ര​വാ​ഹ​ന​ങ്ങ​ൾ ഇ​രു​വ​ശ​വും പാ​ർ​ക്ക് ചെ​യ്തി​രു​ന്ന​തി​നാ​ൽ യു​വ​തി​ക്കു സ്കൂ​ട്ട​ർ എ​ളു​പ്പ​ത്തി​ൽ എ​ടു​ക്കാ​നാ​യി​ല്ല. സെ​ക്യൂ​രി​റ്റി​ക്കാ​ര​നാ​ണ് വാ​ഹ​നം പു​റ​ത്തേ​ക്ക് എ​ടു​ത്ത​ത്.

അ​ശ്ര​ദ്ധ​യോ​ടെ സ്കൂ​ട്ട​ർ പു​റ​ത്തേ​ക്കെ​ടു​ത്തെ​ന്ന് ആ​രോ​പി​ച്ച് യു​വാ​വി​ന്‍റെ ക​വി​ളി​ൽ യു​വ​തി അ​ടി​ക്കു​ക​യാ​യി​രു​ന്നു. ആ​ശു​പ​ത്രി​യു​ടെ സി​സി ടി​വി കാ​മ​റ​യി​ല്‍ പ​തി​ഞ്ഞ ദൃ​ശ്യ​ങ്ങ​ള്‍ സാ​മൂ​ഹ്യ മാ​ധ്യ​മ​ങ്ങ​ളി​ല്‍ ഉ​ള്‍​പ്പ​ടെ വൈ​റ​ലാ​യി​രു​ന്നു. ത​ന്നെ തു​റി​ച്ചു​നോ​ക്കി​യ​തി​നാ​ണ് മ​ർ​ദി​ച്ച​തെ​ന്ന യു​വ​തി​യു​ടെ വി​ശ​ദീ​ക​ര​ണം പോ​ലീ​സ് സി​സി ടി​വി ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ൽ ത​ള്ളി​ക്ക​ള​ഞ്ഞി​രു​ന്നു.

ഒ​ത്തു​തീ​ർ​പ്പു ശ്ര​മ​ത്തി​ന് അ​ഭി​ഭാ​ഷ​ക​നോ​ടൊ​പ്പം പോ​ലീ​സ് സ്റ്റേ​ഷ​നി​ലെ​ത്തി​യ യു​വ​തി സെ​ക്യൂ​രി​റ്റി ജീ​വ​ന​ക്കാ​ര​നോ​ട് വീ​ണ്ടും മോ​ശ​മാ​യി പെ​രു​മാ​റി​യ​തോ​ടെ പ​രാ​തി​യി​ൽ ഉ​റ​ച്ചു​നി​ൽ​ക്കാ​ൻ ഏ​ജ​ന്‍​സി തീ​രു​മാ​നി​ക്കു​ക​യാ​യി​രു​ന്നു. മ​ര്‍​ദി​ച്ച​തി​നും അ​സ​ഭ്യം പ​റ​ഞ്ഞി​നു​മാ​ണ് യു​വ​തി​ക്കെ​തി​രേ കേ​സെ​ടു​ത്തി​രി​ക്കു​ന്ന​ത്.