വാഷിംഗ്ടൺ: അമേരിക്കൻ പ്രസിഡന്‍റെ ഡോണാൾഡ് ട്രംപിനെതിരേയുള്ള തന്‍റെ പോസ്റ്റുകളിൽ ടെക് കോടീശ്വരൻ ഇലോൺ മസ്ക് ഖേദം പ്രകടിപ്പിച്ചു.
“കഴിഞ്ഞ ആഴ്ച പ്രസിഡന്‍റിനെക്കുറിച്ചുള്ള എന്‍റെ ചില പോസ്റ്റുകൾ അതിരുകടന്നു, അതിൽ ഞാൻ ഖേദിക്കുന്നു” എന്നാണ് എലോൺ മസ്ക് എക്‌സിൽ കുറിച്ചത്. ഖേദം പ്രകടിപ്പിക്കും മുൻപ് ഇരുവരും ഫോണിൽ സംസാരിച്ചെന്നും റിപ്പോർട്ടുകളുണ്ട്.
ട്രംപ് സർക്കാരിലെ കാര്യക്ഷമതാ വകുപ്പ് മേധാവി സ്ഥാനം രാജിവച്ച മസ്ക്, റിപ്പബ്ലിക്കൻ പാർട്ടിയുടെ പുതിയ നികുതി ബിൽ നിർദ്ദേശത്തെ കടുത്ത ഭാഷയിൽവിമർശിച്ചിരുന്നു.
തുടർന്ന് മസ്‌കും ട്രംപും ടിവി അഭിമുഖങ്ങളിലൂടെയും എക്‌സ് പോസ്റ്റുകളിലൂടെയും പരസ്യമായി തർക്കത്തിൽ ഏർപ്പെട്ടു. മസ്‌കിന്‍റെ വിമർശനം തുടർന്നാൽ, വളരെ ഗുരുതരമായ പ്രത്യാഘാതങ്ങൾ ഉണ്ടാകുമെന്ന് ട്രംപ് മുന്നറിയിപ്പും നൽകിയിരുന്നു.
