തിരുവനന്തപുരം: ശബരിമലയില്‍ വഴിപാടായി കിട്ടിയ സ്വര്‍ണ ശേഖരത്തില്‍ കുറവൊന്നും വന്നിട്ടില്ലെന്ന് തിരുവിതാംകൂര്‍ ദേവസ്വം ബോര്‍ഡ്. സ്ട്രോംഗ് റൂം തുറന്ന് പരിശോധിക്കേണ്ടതില്ലെന്നും 40 കിലോ സ്വര്‍ണം ഇവിടെയുണ്ടെന്നും ഓഡിറ്റിംഗ് വിഭാഗം കണ്ടെത്തിയതായും മഹസര്‍ രേഖകള്‍ പരിശോധിച്ചാണ് ഓഡിറ്റിംഗ് വിഭാഗം ഇക്കാര്യം സ്ഥിരീകരിച്ചതെന്നും ദേവസ്വം ബോര്‍ഡ് പ്രസിഡന്റ് എ.പദ്മകുമാര്‍ പറഞ്ഞു.
10,413 സ്വര്‍ണം- വെള്ളി ഉരുപ്പടികളാണ് സ്ട്രോംഗ് റൂമിലുള്ളുതെന്നും ദേവസ്വം ബോര്‍ഡ് അധികൃതര്‍ വ്യക്തമാക്കി. സ്വര്‍ണം കാണാതായെന്നുള്ളത് തെറ്റായ പ്രചരണമായിരുന്നുവെന്ന് ഇപ്പോള്‍ വ്യക്തമായല്ലോ എന്നും ബോര്‍ഡ് പ്രസിഡന്റ് ചോദിച്ചു.
