മാർഗം മുടക്കിയ ഹനുമാനെ മാറ്റി..! റോഡ് നിർമാണം തടസപ്പെടുത്തിയ ഹ​നു​മാ​ൻ സേ​ന പ്ര​വ​ർ​ത്ത​ക​നെ തടവിലാക്കി റോഡ് നിർമിച്ചു

മു​ക്കം: റോ​ഡ് നി​ർ​മാണം ത​ട​സ​പ്പെ​ടു​ത്തു​ന്ന ഹ​നു​മാ​ൻ സേ​ന പ്ര​വ​ർ​ത്ത​ക​നേ​യും ബ​ന്ധു​ക്ക​ളേയും, ക​രു​ത​ൽ ത​ട​ങ്ക​ലി​ലാ​ക്കി​യശേ​ഷം പ​ട്ടി​ക​ജാ​തി കോ​ള​നി​യി​ലേ​ക്ക് റോ​ഡ് നി​ർ​മി​ച്ചു. കൊ​ടി​യ​ത്തൂ​ർ പ​ഞ്ചാ​യ​ത്തി​ലെ ഇ​ട​വ​ഴി​ക്ക​ട​വി​ന് സ​മീ​പം പു​തു​ക്കു​ടികു​ന്ന് കോ​ള​നി​യി​ലേ​ക്കു​ള്ള റോ​ഡ് നി​ർ​മാ​ണ​മാ​ണ് നാ​ട്ടു​കാ​രും ഗ്രാ​മ​പ ഞ്ചാ​യ​ത്തും ചേ​ർ​ന്ന് ന​ട​ത്തി​യ​ത്. ഹ​നു​മാ​ൻ സേ​ന പ്ര​വ​ർ​ത്ത​ക​നും കോ​ള​നി​വാ​സി​യു​മാ​യ രാ​ജേ​ഷി​നേ​യും ബ​ന്ധു​ക്ക​ളേ​യും പോ​ലീ​സ് ക​രു​ത​ൽ ത​ട​ങ്ക​ലി​ലാ​ക്കി​യ ശേ​ഷ​മാ​ണ് മാ​സ​ങ്ങ​ളു​ടെ കാ​ത്തി​രി​പ്പി​നും ആ​ശ​ങ്ക​ക​ൾ​ക്കും വി​രാ​മ​മി​ട്ട് പ്ര​ദേ​ശ​ത്തു​കാ​രു​ടെ റോ​ഡെ​ന്ന സ്വ​പ്നം പൂ​വ​ണി​ഞ്ഞ​ത്.

ത​ങ്ങ​ളു​ടെ ഇ​ഷ്ട​വും താ​ത്പ​ര്യ​വും പ​രി​ഗ​ണി​ച്ച​ല്ല റോ​ഡ് നി​ർ​മി​ക്കു​ന്ന​തെ​ന്ന് ആ​രോ​പി​ച്ച് രാ​ജേ​ഷും കു​ടും​ബ​വും നി​ര​ന്ത​ര​മാ​യി നി​ർ​മാ​ണം ത​ട​സ​പ്പെ​ടു​ത്തു​ക​യാ​യിരുന്നു. ക​ഴി​ഞ്ഞ 31 ന് ​റോ​ഡ് പ്ര​വൃ​ത്തി ആ​രം​ഭി​ച്ച​പ്പോ​ൾ ദേ​ഹ​ത്ത് മ​ണ്ണെ​ണ്ണ ഒ​ഴി​ച്ച് രാ​ജേ​ഷ് ആ​ത്മ​ഹ​ത്യാ​ശ്ര​മം ന​ട​ത്തി​യി​രു​ന്നു. ഇ​തേ തു​ട​ർ​ന്ന് ജ​യി​ലി​ലാ​യി​രു​ന്ന ഇ​യാ​ൾ ക​ഴി​ഞ്ഞ ദി​വ​സ​മാ​ണ് ജാ​മ്യ​ത്തി​ലി​റ​ങ്ങി​യ​ത്. പ്ര​ശ്നം കാ​ര​ണം അ​ന്ന് പോ​ലി​സ് നി​ർ​ദേ​ശ പ്ര​കാ​രം റോ​ഡ് നി​ർ​മാണം മാ​റ്റി​വയ്ക്കുക​യാ​യി​രു​ന്നു. ഇ​ന്ന​ലെ രാ​വി​ലെ പോ​ലീ​സെ​ത്തി മു​ൻ​ക​രു​ത​ൽ നി​യ​മ​പ്ര​കാ​രം രാ​ജേ​ഷി​നേ​യും അ​ഞ്ച് ബ​ന്ധു​ക്ക​ളേ​യും ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

തു​ട​ർ​ന്ന് നാ​ട്ടു​കാ​രും, പ​ഞ്ചാ​യ​ത്ത​് അധി​കൃ​ത​രും ചേ​ർ​ന്ന് റോ​ഡ് നി​ർമിച്ചു.​ പു​തു​ക്കു​ടി​ക്കു​ന്നി​ൽ 12 കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. റോ​ഡി​നാ​യി ര​ണ്ട് വ​ർ​ഷം മു​ന്പാ​ണ് ഇ​വ​ർ സ്വ​ന്ത​മാ​യി സ്ഥ​ലം വാ​ങ്ങി പ​ഞ്ചാ​യ​ത്തി​ന് കൈ​മാ​റി​യ​ത്. സ്ഥ​ലം വാ​ങ്ങു​ന്ന​തി​നോ, റോ​ഡി​നാ​യി സ്ഥ​ലം വി​ട്ടു​ന​ൽ​കു​ന്ന​തി​നോ രാ​ജേ​ഷും കു​ടും​ബ​വും സ​ഹ​ക​രി​ച്ചി​ല്ല.
എ​ന്നാ​ൽ റോ​ഡ് നി​ർ​മാണ​ത്തി​നൊ​രു​ങ്ങി​യ​തോ​ടെ ത​ങ്ങ​ളു​ടെ സൗ​ക​ര്യ​ത്തി​ന് നി​ർ​മിക്ക​ണ​മെ​ന്നാ​വ​ശ്യ​പ്പെ​ട്ട് ഇ​വ​ർ രം​ഗ​ത്തി​റ​ങ്ങു​ക​യാ​യി​രു​ന്നു.​ ഇ​തോ​ടെ പ​ഞ്ചാ​യ​ത്ത് സെ​ക്ര​ട്ട​റി മു​ക്കം പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.